Matiu 22:5 - U Bulunagana U Niga

⁵ Kaba nori ima ngilin hengo sile ii a ka ti ranga meraien, me la uar tara man toukui i taren: a töa e la uu tara kui i tanen, na tai e la uu tara stoa i tanen.

Matiu 22:5 Iomraidhean Croise

Matiu 13:22

“Na man ngal ti tsihasa naia tara kolits a hihitoka e here nei u katuun te hengoer u raranga, kaba nori e ka mer u hakhakats pan tara nitöatöana i puta, bate ngileier tegi lu menai ta moni ta parpara. Na manka teka e here nei e pil kakap nena u raranga tere Sunahan batema habute nei ta markato ta niga turu katuun teka.

Matiu 22:4

“Ba nonei e hala lel ralala a palair u katunun kui me poeiena i taren, ‘Na ranga mera muma u katuun ti tahul mam rela lia, A kannou i kato hakapi e hahalosona. Alam u atung hakapi a man kau a man tson na man tunan kau a man bokoko hanigan töa. Na mamanaka e kana e hahalosona. Alimiou go la uamuma tara kannoun hitöl.’

Matiu 22:6

Ba palai e pile kap rer u katunun kui tara king me kato hohomi raren, me atung hamate raren.

U Bulungana u Niga tere Iesu Kristo te kolotein e Jon 2:16

Ba nonei e poeiena turu katuun ti haholin a man kulu, “Luba naiam a manka teka! A luma tere Tamar ema tatei kato here nami limiou a luman töana!”

Aposol 2:13

Kaba palai i ranga hamatsingolo raien me poeier, “U katuun teka e tutu mer a uain.”

Aposol 24:25

Pöata te raranga naia e Pol a markato a matskö, na tega hala puta menai a katuun u ngil i peisanen, na te kout gono mera noua e Sunahan u katuun, be Piliks e matout koruna me poeiena, “La tala. Te ka megoua lia ta pöata ba lia te ngö lele goulö.”

U pas te koloto menai e Pol turu kristenira i Rom 2:4

E Sunahan e roron tuatami koruna turu katuun, na ema roron raharaha boroboro nei na ema roron hahuna boroboro has ranei u katuun, taraha nonei e ngilena alimiou go habirits ba naiam a man markato a man omi i torimilimiou. Na limiou goma sigalemi a markato tere Sunahan na egoma hakats papala namien.

2 Timoti 3:4

Nori e hala rariou u katuun u niga turu pakö i taren. Nori e kato homi pinopino riou batema hakats haniga naroi a markato i taren. Na nori e haka sei korueriou a peisaren. Nori e ngil korue riou a markatona i puta batema ngileri e Sunahan.

Hibru 2:3

Kaba u raranga tere Iesu e pan bala nena u raranga turu angelo, na ra e möa koru tegi bus ba menai a nihahuna te totone rara a markato a niga koru teka, te lu pouts mera neira e Sunahan. A Tsunono e Iesu noahas te habulungana mamin a maroro teka te lu pouts mera nei e Sunahan u katuun, na u katuun ti hengoeien i haröto raira u raranga teka e manana.

2 Pita 2:3

Tara markato te gono be menarien a peisaren a mamanaka, nori e hatei has rari limiou romana a man ranga pinopino bate luer a moni. E Sunahan e solon hopö kapiin a nihahuna i taren, na nori e taia hamana riou.