Matiu 22:3 - U Bulunagana U Niga

³ Ba king e hala ralala u katunun kui i tanen egina ngö rema u katuun tegi la uama tara kannouna tara hitöl, kaba nori ima ngilin la uamei tara kannou.

Matiu 22:3 Iomraidhean Croise

Matiu 21:34

“Ba tara pöata te susukun tangohoia a kui, ba nonei e hala mera nei u katunun kui i tanen turu katuun ti kui ia tara kuin grep tegina lu menaien ta pala i tanen.

Matiu 23:37

Be Iesu e poeiena, “A tei Jerusalem, atei Jerusalem, alimiou e roron atung hamate ramiou u propet bate titi hatu ramiou u katuun te hala mera mei e Sunahan i tamilimiou! A pöata a para alia i ngilin gono mera mei limiou i tar bate hatongo kap ragou limiou, temar gono mena nei a keriou u tuna i kopina pakapakanen. Kaba limiou ema ngil mi!

Matiu 3:2

Ba nonei e poeiena, “Alimiou go palis ba naiam a man markato a man omi. A Nipepeito tere Sunahan e sukusuku hakapa.”

Matiu 9:15

Ba e Iesu e ranga palis ranen me poeiena, “U katuun te karia tara hahitöl, e tatei taatagi hasir tara pöata te kagono merien a tson te hitöluna? Kaba e kamena a man lan e la nama romana ba tson te hitöluna te luba rarien. Ba nori te töan agonor romana.”

U Bulungana u Niga tere Iesu Kristo te kolotein e Luk 13:34

“A tei Jerusalem, a tei Jerusalem! Alimiou e roron atung hamate ramiou u propet na e titi hatu ramiou u katunun raranga te hala mera mei e Sunahan i tamilimiou. A pöata a para tu ngilin gono mera mei lia limiou i tar bate hatongo kap ragou limiou, temar gono mera nei a keriou u tuna i kopina pakapakanen. Kaba limiou u rama iam!

U Bulungana u Niga tere Iesu Kristo te kolotein e Luk 15:28

Kaba pien a hamua e raharaha koru me raman tasuna. Be tamanen e lakasa nama me ranga hatamina i tanen.

U Bulungana u Niga tere Iesu Kristo te kolotein e Luk 19:27

Na nori u pakö i tar te rama ner tego king meraien lia, lu mera mumei teka bate atung hamate ramen i matar!’”

U Bulungana u Niga tere Iesu Kristo te kolotein e Jon 5:40

Kaba alimiou e raman la uamuma i tar bate mi luemiou a nitöatöa te ka nitöana.

Aposol 13:45

Kaba palair u Jiu i tara u katuun u parpara ti gono, ba toriren e hiomi koruna. Nori i torohanan pita putei u raranga tere Pol bate ranga homi naren.

U pas te koloto menai e Pol turu kristenira i Rom 10:21

Kaba tara tei Israel alia e poeiegu, “Alia e kaloho nitöa ragu u katuun te raman hengo nariou lia bate hipus korur.”

Hibru 12:25

Na limiou go haneiam. Alimiou goma raman hengo nami e Sunahan te ranga uanen i tamilimiou. U katuun tima ngilin hengo ii tara pöata te ranga ien i puta, nori ima antunan bus hamous banari a nihahuna i tanen. Na ra ema antunan bus hamous ba narien romana tega ranga uamen i tarara te kanen i Kolö.

Hibru 9:15

E Kristo te habutu u rangan kits u tsimus tere Sunahan na u katuun, ba u katuun te ngöri e Sunahan te tatei lueier a manka a man niga te ranga hamanein e Sunahan bate ka nitöar. Taraha, e Kristo te mate, na tou mate i tanen te sakahis ba rai u katuun a man markato a man omi ti katoeien tara pöata turu rangan kits mam.

Revelesin 22:17

U Namnamei tere Sunahan e poeiena, “Lama!” Na hun katuun tere Iesu te hereri a tahol te katsin hitöluna e poeier, “Lama!” Na esi te hengoena a ka teka ega pei hasi, “Lama!” La muma, u katuun hoboto te makar. Eresi te ngilin uar emi tatei ueier u ramununa tara nitöatöa te möa ta hihol.