Matiu 22:18 - U Bulunagana U Niga

¹⁸ Kaba e Iesu e atei sil hakapi u hakhakats u omi i taren, ba nonei e poeiena, “Alimiou u gamogamo! Aha te katsin torohana sile milimiou alia?

Matiu 22:18 Iomraidhean Croise

Matiu 12:15

Na pöata te atei sileia e Iesu a ka teka, ba nonei e la ba nena a han teka, ba parpara koru a katuun e kukute nen. Ba nonei e kato haniga hoboton töa rena u katuun ti kamei a siki.

Matiu 19:3

Ba palair u Parasi e la uarima i tanen memi torohane ren me poeier, “A Lo i tarara e haniganena tega laba menai a tson a tahol i tanen?”

Matiu 22:17

Bora, alö go hatei ramou lam, ime temar hakats uemölö, e niga hasina tegi hol mei a takis tere Sisa a gamman pan, tsi e möa?”

Matiu 22:19

Haröte mumei lia a moni te holeri a takis.” Ba nori e lube rimeien a töa a denarius moni.

U Bulungana u Niga tere Iesu Kristo te kolotein e Mak 12:5

Ba nonei e tula lel nalala a tana katunun kukui puku i tanen ba nori e atung hamate haseren. A para katuun ti tula nela i markato las merai teka, a palai i atungir na palai i kato hamatir.

U Bulungana u Niga tere Iesu Kristo te kolotein e Mak 2:8

E Iesu e atei sil hakapi u hakats turu katuun teka ba nonei poeiena i taren, “Taraha tsiponi ba limiou te ka memiou u mar hakats teka i tori milimiou?

U Bulungana u Niga tere Iesu Kristo te kolotein e Luk 10:25

Turu töa u lan, a töa tson hihatuts tara Lo tere Mosis e tuol sei me torohane nei e Iesu u rangatasei teka, “Tson Hihatuts, aha tego kati lia ba lia te luegou a nitöatöa te ka nitöana?”

U Bulungana u Niga tere Iesu Kristo te kolotein e Luk 20:23

Kaba e Iesu e atei sil u gamo i taren me poeiena, “Hatara nemuma ta denarius moni. A bakune si na solone si te kana i tanen?” Ba nori e ranga palisir, “E Sisa.”

U Bulungana u Niga tere Iesu Kristo te kolotein e Luk 5:22

E Iesu e atei sil u hakats i taren me poeiena, “Aha te hula hakats memi limiou?

U Bulungana u Niga tere Iesu Kristo te kolotein e Luk 9:47

Kaba e Iesu e atei sil a ka ti hakats naien, ba nonei e luena töa pien me hatuole nen i rehinen.

U Bulungana u Niga tere Iesu Kristo te kolotein e Jon 2:25

E möa ta katuun ga hatei ien ime te markato uana a torir u katuun. Taraha, nonei e atei sil aha te kaia i torir u katuun hoboto.

U Bulungana u Niga tere Iesu Kristo te kolotein e Jon 8:6

Nori i mar ranga uu teka taraha, nori i kato sili ta ka tegi mar kout menaien e Iesu, ba nori e torohaneren. Be Iesu e turu putana me koloto nena a kabelenen turu tsiktsiki.

Aposol 5:9

Be Pita e poeiena i tanen, “Alimiou u kitseiam u ranga tego torohana mena milimiou u Namnamei tara Tsunono? U katuun te kaho narima a tson i tamölö e ka ria tara tamana. Nori e söata halakasa hase riou lö!”

Revelesin 2:23

Alia e atung hamate has ragou u katuun te kukutier a tahol teka. Ba u katuun hoboto te lotu ria tara solona e Kristo te atei sile riou alia e tara bubutegu a bakuna a katuun na i torinen has. Ba lia te hala ragi limiou romana a man tötöa u hamatana e popona tara manka tu katoeiam limiou.