Matiu 22:16 - U Bulunagana U Niga

¹⁶ Ba nori e hala ralila u katunun tsitsilo i taren na palair u katuun tere Herot tere Iesu mena poeier, “Tson Hihatuts, alam e atei silem alö a katununa turu mana. Alö e roron hihatuts hamana nem a maroro tere Sunahan, taraha alö ema hakats nami a manka te hakats ner u katuun tsi a nikapan i taren.

Matiu 22:16 Iomraidhean Croise

Matiu 22:26

Ba nonei e mate lel hasina bate möa noana ta pien. Te markato has uen tara hatopisana a toularen, mena antunan töana ti popoien, a tohit.

Matiu 26:18

Ba nonei e poeiena, “Alimiou go la uaiam tara töa tson e kana tara taun teka ba limiou tena hateie men, ‘A Tson Hihatuts e poe nama, A pöata i tar e sukusukuna. Alam na u katunun tsitsilo i tar ena noue moa a kannouna turu Paska i luma i tamölö.’”

Matiu 26:49

Ema pina töa ii be Judas te tukuna me la uana tere Iesu me poeiena, “A tsi bong, o Tson Hihatuts.” Be Judas e mutsi nanen i abuabunen.

U Bulungana u Niga tere Iesu Kristo te kolotein e Mak 10:17

E Iesu e hatania leli a nilala i tanen ba töa tson e piata uanama i tanen memi hatukun na i matanen me rangate nen, “Tson Hihatuts a niga, aha tego kati lia ba lia te luegou a nitöatöa te ka nitöana?”

U Bulungana u Niga tere Iesu Kristo te kolotein e Mak 12:13

Ba nori e tula rarima a palair u Parasi na palair u katuun tere Herot tegimi maman gamo menaien e Iesu ba nonei te ranga nena tu ranga tu omi tegi kout meien e Iesu.

U Bulungana u Niga tere Iesu Kristo te kolotein e Mak 12:14

Ba nori e la uarima i tanen memi poeier, “Tson Hihatuts, alam e atei silem alö a katununa turu mana. Alö ema hakats silemi a ka te ranga ner u katuun, taraha alö ema hakats nami a nitsunono tara katuun. Alö e hihatuts hamana nem a maroro tere Sunahan. Bara, a Lo i tarara e hapiou nena tegi hala menai ra a takis tere Sisa a gamman pan, tsi e möa?

U Bulungana u Niga tere Iesu Kristo te kolotein e Mak 3:6

Ba u Parasi e lakasa ba ner a luman lotu mena hagum boroboro gono meraier a pal katuun tere Herot a King. Ba nori e korupaköner tegi atung hamate menaien e Iesu.

U Bulungana u Niga tere Iesu Kristo te kolotein e Mak 8:15

Be Iesu e ranga hatagalana i taren tegima hengo menaien u hihatuts u gamo turu katuun me poeiena, “Tarakap haniga noaiam bate hanei silemiou u is turu Parasi na e Herot.”

U Bulungana u Niga tere Iesu Kristo te kolotein e Luk 20:21

Ba nori e rangate ren me poeier, “O Tson Hihatuts, alam e atei silem alö a katununa turu mana. Alö e roron hihatuts hamana nem a maroro tere Sunahan. Taraha? Alö e mamala hakats silemi a nikapan turu katuun.

U Bulungana u Niga tere Iesu Kristo te kolotein e Luk 7:40

Be Iesu e poeiena tara Parasi, “O Saimon, alia e ka megu a tsi raranga te katsin ranga megi lia alö.” Be Saimon e poeiena, “Hateie moulia, Tson Hihatuts.”

U Bulungana u Niga tere Iesu Kristo te kolotein e Jon 14:6

Be Iesu e poeiena i tanen, “Alia a maroro, na lia a nimana, na lia a nitöatöa. E möa ta taiana ta maroro tego la u tere Tamar. Alia puku a maroro tere Tamar.

U Bulungana u Niga tere Iesu Kristo te kolotein e Jon 18:37

Be Pailat e poeiena i tanen, “Kaba lö a king noahas, boka?” Be Iesu e poeiena, “Aa, nonei a ka ti posa silei lia. Alia u tuhana sileia i puta tego hatei merai u katuun a Nimana. U katuun hoboto te ngiler u Mana e hengo hanige rioulia.”

U Bulungana u Niga tere Iesu Kristo te kolotein e Jon 7:18

A katuun te ranga peisa mena u ngil i tanen e ngilin hapan nena a peisanen. Kaba a katuun te ngilin hapan nena a katuun te haleie men, e ranga hamanana, nonei ema gamo nei.

2 Korin 2:17

Taraha, alam ema here rami a palair u katuun te kato here nari u raranga tere Sunahan a toukuin moni i taren bate hahol sile rien tegi lu menaien ta moni. E möa. Tara solona e Kristo alam e ranga hamana mia i matana e Sunahan, taraha, nonei te hala raiou lam ba lam te habulungana hamatskö nem u raranga te hala namen.

2 Korin 4:2

Alam e rama nem a markato a omi te hamouseier, na markato a gamo, na lam ema hapone mi, nema luba nami ta pala turu raranga tere Sunahan. E möa. Alam e ranga nem u ranga hamatskö na u raranga hamana tere Sunahan i matar u katuun hoboto ba nori te tatei oneier a markato i tamulam i matana e Sunahan.

2 Korin 5:16

Be ni tala, alam ema tara lel here nami a katuun temar tara uaier u katunura i puta. E möa. I manasa alam u mar hakats uu teka tere Kristo, kaba i romana e möa.

Galesia 1:10

Alia ema kato megi u raranga teka tegi haniga menai lia u katuun. Emoa. Alia e kato silegu e Sunahan tega hanigeiou lia. Te kato hasasaala ragoua lia u katuun, alia ema kui begi e Kristo.

Galesia 2:6

Na pal kapan turu lotu ima hapone ii tu töa tu raranga tara man ranga i tar. Alia ema hakats hapara nagi te pal kapan uaren taraha, e Sunahan ema hakats has nanei a solo a kapan tara katuun. E möa.

1 Tesalonaika 2:4

E Sunahan e hala railam u hanhaniga tego rarare mei lam u Bulungana u Niga, na nonei e torohana raiou lam, tego matskö nitöa uu a torimulam tsi e möa, ba lam tema rarare uami temar ngil uaier u katuun. E möa. Alam e mar rarare uam te ngil uana e Sunahan.

Jemis 3:17

Kaba a torina a katuun te kamena u hakats u nigana iasa e gogosona bate roron nolo pouts has rena a palai te hiaraharahar. Nonei a katuun a kakamoto na e hahengona tara tana katuun. Nonei e taatagi koru silena a katuun na e ka mena a markato a niga. Nonei e atei silena ime tega markato uaien, na nonei ema gamoe nei a tana katuun.

1 Jon 5:20

Ara e atei silera a Pien Tson tere Sunahan e la silema i puta tegomi hala meraien ra a niatei tegi tatei atei sil menai ra e Sunahan hamana. Ara e ka gono mera e Sunahan hamana na e Iesu Kristo a Pien Tson i tanen. Nonei a Sunahan hamana teka, na a katuun te pala uana tara Pien Tson i tanen e ka mena a nitöatöa te ka nitöana.