Matiu 22:13 - U Bulunagana U Niga

¹³ Ba e king e ranga merena u katunun kui i tanen, ‘Kits kap naiam a limanen na mounen ba limiou te lapo ba namien ielesala turu kuhil, tara makum te tabe hohomi nouen bate kutu hakarkarangakena a liho nen.’”

Matiu 22:13 Iomraidhean Croise

Matiu 12:29

“Tega ngilin tasuia ta töa ta katuun i luma tara katuun a tagala, nonei ega kits kap mam bin a katuun a tagala. Ba nonei te töan tasuna bate luena a manka i tanen.

Matiu 13:30

Hakeiam u wit na u pulung u omi egi pan hoboto antunana tena tangoho noa u wit. Ba lia te ranga meragou u katuun tena gone riou a kannou a tangoho, pate mam meiam u pulung u omi bate kits ramen batena lapo ramen turu tula. Ba limiou te töan gone miou u wit batena haka ramen tara luman haputu kannou i tar.’”

Matiu 13:42

Ba nori te lapo merari romana turu pannen u tula. Ba nori te tabe hohomi ria romana turu tula teka bate har hasir.

Matiu 24:51

Ba katuun pan te hahune noen, ba nonei tena haka gono mera neien u katuun u gamogamo. Tara makum tena tabe hohomi rouen bate kutu hakarkarangaker a liho ren.”

Matiu 25:30

Bate lapo ba naroa ielesala turu kuhil. Tara makum tena tabe hohomi koru ria romana u katuun bate kutu hakarkarangaker a liho ren.’”

Matiu 8:12

Kaba limiou u Jiu, u katuun tego kamia nonei tara Nipepeito teka, e Sunahan e tsuga mera noi limiou ielesala turu kuhil. Tena tabe hohomi moua limiou bate kutu hakarkarangake mou a liho milimiou.”

U Bulungana u Niga tere Iesu Kristo te kolotein e Luk 13:28

Alimiou e tare mou romana e Abraham ne Aisak na e Jekop na u propet hoboto te ka ria romana tara Nipepeito tere Sunahan, kaba limiou e lapo ba raria romana ielesala. Ba limiou te tabe hohomi koru miou romana bate kutu hangilngilike miou a liho milimiou.

U Bulungana u Niga tere Iesu Kristo te kolotein e Jon 21:18

U mana koru alia e ranga hamana megou lö, a pöata tu hitots noaia lö, alö u hula la mei u ngil peisa i tamölö. Kaba pöata te tsonpan mia romana lö, balö te hasoa nemou a limamölö ba palair u katuun te kitse riou lö bate na piou naria lö tara makum tema ngilin la uamilö.”

Aposol 21:11

Nonei e la uama i tamulam be mi lueiena a lete tere Pol, be kitse nei a lete a peisanen, a man mounen na man limanen has. Ba nonei e poeiena, “U Namnamei u Göagono tere Sunahan e mar ranga uana teka, ‘U Jiu i Jerusalem ena markato has uariou teka ba nori te kitseriou a katuun terena lete teka. Ba nori te hala mena rouien turu katuun tema Jiu ri.’”

Aposol 7:54

Pöata ti hengoeia a pal kapan u ranga tere Stiven, ba nori e raharaha korue ren me kutu ha karkarangaker a liho ren.

2 Tesalonaika 1:9

U katuun teka e ka homi nitöa riou romana, na nori te ka halhal ba nitöa nariou a Tsunono na nitagala pan has i tanen.

2 Pita 2:17

U katuun teka e hererari a man kioun ramun ti rakaraka hakapa, na e here haseri u köasi te hula bahu nena a lomolomo bate hula la pinopinona. Nori e la uaier romana tara makum a kuhil koru te ruruhana nitöana, ti kato hahaloso beraien.

2 Pita 2:4

E Sunahan ema taatagi rai u katuun u omi i manasa, na nonei ema tatei taatagi has ranei romana u tson hihatuts u gamogamo teka. Nonei ema taatagi has rai u angelo ti kato homi. E möa. Nonei e lapo ba raien i hel me haka ranen tara man kiou a man kuhil koru i puta e antunana te butuna romana u lanin hahuna.

U pas te kolotein e Jut 1:13

A lomolomo e kato haposeiena u tasi bate habutena u puei u korkoriana. Na e markato has uana iesana turu katuun teka tema antunan hamouseri a markato a korkoriana i taren. A tapisu e roron tiana turu kuhil i lehana. Te kato has uaier u tson hihatuts u gamogamo teka. Nori e la hamatskö uaier romana tara nihahuna tere Sunahan tema tatei kapa nei.

U pas te kolotein e Jut 1:6

Na u angelo tima tuol ia iahana nipepeito te halarien e Sunahan, ba nori te hipus ba ner a han i taren i Kolö, e Sunahan e kits kap raien a man tsien, be haka ranen tara makum a kuhil koru e antunana turu lanin hahuna pan.

Revelesin 21:27

Kaba a katuun a katokato homi na gamogamo tsi ta töa ta ka ta omi ema antunan tasu noi romana. U katuun peisa a soloren ti koloto hakapa raia iahana u bukuna tara nitöatöa tara Tunan Sipsip te tatei tasu riou.