Matiu 21:16 - U Bulunagana U Niga

¹⁶ Ba nori e poeier tere Iesu, “Alö e hengoeiem a ka te ranga naren?” Be Iesu e poeiena i taren, “Alia e hengogu. Alimiou toum ima rit hanigemi u ranga teka, ‘A galapien u tetenei egi solosei a solo mölö.’”

Matiu 21:16 Iomraidhean Croise

Matiu 11:25

Nonei tara pöata teka be Iesu e poeiena, “O Tamar, alö e Tsunono pan mia i Kolö na i puta. Alia e haniga uagu i tamölö te hamous mena milö a manka teka turu katuun te poeier e ka mer a niatei, bate haröto namen turu katuun papala tema atei balari.

Matiu 12:3

Be Iesu e poeiena i taren, “Alimiou go mala rit hanigeiam a ka te katoe e Devit na man hahikapien i tanen tara pöata ti bes ien.

Matiu 19:4

Be Iesu e ranga palis ranen me poeiena, “Alimiou u rit haniga haseiam u raranga te kana turu Buku u Göagono te poeiena, ‘tara tantania e Sunahan e kato raien a tson na tahol, Nonei te laba silanena a tson e tamanen na e tsinanen batena ka gono mena a tahol i tanen ba nori a huol te katoeier u töa puku u tuenrei.’

Matiu 22:31

Kaba tara tou takei pouts turu katuun ti mate, alia e ngilin rangata ragou limiou: alimiou u rit haniga haseiam u raranga tere Sunahan te ranga naien i tamilimiou?

U Bulungana u Niga tere Iesu Kristo te kolotein e Mak 13:17

Haromana koru tara touhaliou te pikar na tara touhaliou te hasus raier a galapien tara pöata teka.

U Bulungana u Niga tere Iesu Kristo te kolotein e Mak 2:25

Be Iesu e ranga palis ranen me poeiena, “Alimiou go mala rit hanigeiam a ka te katoe e Devit e tuburara a kingina i manasa. Nori na pal katuun i tanen i möa ta kannou ba nori e besir.

U Bulungana u Niga tere Iesu Kristo te kolotein e Luk 21:23

A nitaatagi pan koru e butuna romana tara touhaliou u pika, na tara touhaliou te hihasusur romana nonei tara pöata. A pöata a omi koru e butuna romana tara han teka, ne Sunahan e raharaha koru rena romana u katuun teka.