Matiu 20:23 - U Bulunagana U Niga

²³ Be Iesu e poeiena, “Alimiou ena ua moa tara kap i tar. Kaba lia ema antunan hopö kap nagi esi tena gum noa tara pal matou na tara pal keruka i tar. E Tamar puku lahas te hopö kapiin u katuun tegi lui a man makum teka.”

Matiu 20:23 Iomraidhean Croise

Matiu 13:11

Be Iesu e ranga palis ranen, “Alimiou e atei silemiou u ranga momous tara nipepeito kapanina i Kolö. Kaba nori ema ateiri.

Matiu 20:24

A pöata ti hengo naia a maloto a katunun tsitsilo u raranga teka, ba nori e raharaha koru rer u mun toulana teka.

Matiu 25:34

“Ba lia te ranga meragou u katuun tara pal matou i tar, ‘U katuun te kato hasasaaler e Tamar, lamuma batemi luemiou a Nipepeito ti kato taatago berai limiou i manasa noa te habuteia e Sunahan a mamanaka.

U Bulungana u Niga tere Iesu Kristo te kolotein e Mak 10:40

Kaba tegona gum mia limiou tara pal matou tsi tara pal keruka i tar, ema ka uanei i tar tego halanaien. E Sunahan puku te hala nanou a man gumgum teka turu katuun ti kato taatago beraien.”

Aposol 12:2

Nonei e hangats hamateni e Jemis e toulana e Jon u kilatan hiatatung.

U pas te koloto menai e Pol turu kristenira i Rom 8:17

Na te pien uarara i tanen, ba ra te lue rou a manka man niga i tanen, te markato uana a pien te luena a manka tere tamanen. Na e Sunahan e hala ranoira a manka te hala haseien e Kristo. Kaba tena lu gono merouen ra a manka man niga i tanen, aragi lu hasi a mar nikamits te lueien.

1 Korin 2:9

U Buku u Göagono e mar ranga uana teka: “A ka ti namala tare ii u katuun na tima hengo naien na tima hakats has naien, nonei a ka te kato hahaloso berai e Sunahan u katuun ti ngileien.”

2 Korin 1:7

Alam e hamanem, te sagoho has memilimiou a mar kamits te sagohe mulam, alimiou ena lu hase mou a niniganiga tena hala ranouilam e Sunahan.

Kolosi 1:24

Alia e sasaala megu te sagoho mena gilia a kamits te taguhu mera gilia alimiou. Tara kamits i tar alia e ngilin kato hantue negu a kamits tere Kristo te sagoheien tego taguhu meraien u katuun i tanen, te hereri u tuenrei i tanen.

Hibru 11:16

Kaba e möa. A han ti ngil bala korueien te niga bala, nonei a han i Kolö. Na e Sunahan ema matsingolo mei tegi ngö menaien a Sunahan i taren, taraha nonei e kato beraien a han.

Revelesin 1:9

Alia e Jon, a hahatoulana i tamilimiou turu katuun te hamana ria tere Iesu. Alia e sagoho hasegu a kamits te sagohe milimiou, ba ra te pile hakarapoto ria tara Nipepeito tere Iesu. Alia i kitse iou mena hake ria tara tolo te ngöeri i Patmos, tu hihatuts naia lia u raranga tere Sunahan na manka a man mana te harötein e Iesu.