Matiu 2:16 - U Bulunagana U Niga

¹⁶ Pöata te atei sil hamanaseia e Herot u tson atei tara pala te roron butu nama a pitala i gamoeien, ba torinen e raharaha koruna. Ba nonei e hala meranei u soldia i Betlehem, na tara man han i sukusuku, ba nori ena atung hamate rer a galapien tson hoboto ti kamei u huol u hiningal, temar bobo uen tara pöata ti hateien u tson atei.

Matiu 2:16 Iomraidhean Croise

Matiu 2:1

E Iesu i poseia i Betlehem i Judia tara pöata te king ia e Herot. Na tara pöata ti posa hakapeia e Iesu, ba palair u tson atei tara pala te butu nama a pitala e la uarima i Jerusalem memi rangatar, “Ime te kana a pien ti posa sile ii ega kingir u Jiu? Alam u tarema a pitopito i tanen tara makum te roron butu nama a pitala, ba lam e la sile muma tegomi hatsunono uu lam i tanen.”

Matiu 2:17

Nonei a mar maroro teka e hatara hamana nena u raranga te ranga naia e Sunahan tere propet Jeremaia.

Matiu 2:7

Be Herot e ngö momous tuun rena u tson atei. Ba nonei e rangrangata raneien a saha pöata te butuia a pitopito teka.

Revelesin 12:4

A hisnen e salo bani a hatopisana pala turu pitopito me lapo ba ranen i puta. Ba kökötsi ena tuolna i matana a tahol te katsin posa. Nonei e ngilin noui a pien tara pöata tegi poseien.

Revelesin 17:6

Ba lia e taregu a tahol teka e tutu mei u rahatsing turu katuun tere Sunahan, na e tutu has mei u rahatsing turu katuun ti atung hamate merai ti hamana uaien tere Iesu. Ba pöata tu tareia lia a tahol teka ba lia e asingoto korugu.