Matiu 2:13 - U Bulunagana U Niga

¹³ Pöata ti la hakapaia u tson atei, ba töa angelo tara Tsunono e butuna turu sinasoho tere Josep me poeiena i tanen, “Alö go takei ba lö te lu rem u mun tsinana, ba limiou te bus uamiou tara han i Itsip. Ba limiou tena ka möa i Itsip e antunana tara pöata te ranga lel goa lia i tamölö. Taraha, e King Herot e sake la nanou a pien bate atung hamatie nouen.”

Matiu 2:13 Iomraidhean Croise

Matiu 1:20

E Josep e hakhakats noa hasin a ka teka, ba töa angelo tara Tsunono e butuna i tanen turu sinasoho me poeiena, “O Josep, a hatutubunei tere Devit, alö goma matout ii tego lu menai lö e Maria a tahol i tamölö. Taraha, nonei e pikana turu Namnamei u Göagono.

Matiu 10:23

Na te kato homi raroa limiou tara töa taun, ba limiou te bus uamiou tara taina taun. Alia e hatei hamana nitöa ragou limiou, alimiou ema hakapa noa hase moi a toukui i tamilimiou tara mamana taun hoboto i Israel, ba lia tu butun Katunuma te la pouts guma romana.

Matiu 2:12

Nori i hakopis pouts uala i han i taren me sila lila tara tana maroro. Taraha, turu sinasoho i taren e Sunahan e ranga meraien, nori gima tatei la pouts uai tere Herot.

Matiu 2:14

Be Josep e takei noa mena a bong me lu rena u mun tsinana ba nori e la uar i Itsip.

Matiu 2:16

Pöata te atei sil hamanaseia e Herot u tson atei tara pala te roron butu nama a pitala i gamoeien, ba torinen e raharaha koruna. Ba nonei e hala meranei u soldia i Betlehem, na tara man han i sukusuku, ba nori ena atung hamate rer a galapien tson hoboto ti kamei u huol u hiningal, temar bobo uen tara pöata ti hateien u tson atei.

Matiu 2:22

Kaba e Josep e hengoen te lu menai e Akelaus a makum tere tamanen e Herot, me king nena a provins i Judia. Be Josep e matout koruna. Na turu tana u sinasoho e Sunahan e hateien nonei goma la uai i Judia, ba nonei e la uana tara provins i Galili.

Aposol 10:22

Ba nori e poeier, “A töa tsunono tara ami, a solonen e Konilius, e tula rena moulam. Nonei a katuun a niga na nonei e hatsunono hasena e Sunahan, u Jiu hoboto e hanige ren. A töa angelo tere Sunahan e butuia i tanen me poeiena, ‘Alö gona ngöeiema e Saimon Pita ba nonei te la uanama i luma i tamölö, balö te hengo mia turu ranga i tanen.’”

Aposol 10:7

Pöata te la hakapaia a angelo te rangaia i tanen be Konilius e ngö rena a huol katunun kui i tanen, ba nonei e ngö hasena a töa soldia te kui be haseien na te hatsunono hasi e Sunahan.

Aposol 12:11

Ba u hakats tere Pita e töan alesala poutsuna, ba nonei e poeiena, “Alia e atei hamana talagu, a Tsunono e hala nenama a angelo i tanen memi luba nena lia tara nitagala tere Herot na tara mamanaka ti katsin kato hasi a pala turu Jiu i tar.”

Aposol 12:7

Kaba a töa angelo tara Tsunono e butu, ba ka e alesalana iahana rum te kaia e Pita. Ba angelo ena guleiena e Pita me poeiena, “Takei boroboro.” Ba u tsien e tapurese ba nena a limana e Pita me rusuna.

Aposol 16:36

Ba tson pepeito kap ena hatei rena ere Pol mere Sailas me poeiena, “A gamman e hala nenama u ranga te poeiena, alimiou mere Sailas egi halakasa raiou. Bara! Lakasa tala muma, a masalohana e tatei la gono mera noulimiou.”

Aposol 5:19

Kaba tara bong ba angelo tara Tsunono e kalatena a tamana tara luman karabus me halakasa rena u aposol me poeiena i taren, “Na tuol mia iahana Luman Lotu Pan bate hatei rami u katuun u raranga hoboto tara markato a tsimus teka.”

Aposol 7:19

Nonei e gamoer u katuun i tarara me ranga meraiena u tuburara tegi laba meraien a man göama i taren ielesala bate mater.

Revelesin 12:14

Kaba tahol i hale ii u huol u pakapaka tara manu pan tega tapa meien tara makum i tanen i gusuna makum a palaka. Nonei ena tara kap naroua tara makum teka antunana turu topisa u hiningal na tönomo a tsihou, na e hatongo kap has naroien tara kökötsi.

Revelesin 12:4

A hisnen e salo bani a hatopisana pala turu pitopito me lapo ba ranen i puta. Ba kökötsi ena tuolna i matana a tahol te katsin posa. Nonei e ngilin noui a pien tara pöata tegi poseien.

Revelesin 12:6

Ba tahol e bus uana tara makum a palaka. E Sunahan e kato hamatskö hakapa beien a makum teka, ba nonei tena tara kap nanouen e antuna turu 1,260 u lan.