Matiu 2:1 - U Bulunagana U Niga

^1-2 E Iesu i poseia i Betlehem i Judia tara pöata te king ia e Herot. Na tara pöata ti posa hakapeia e Iesu, ba palair u tson atei tara pala te butu nama a pitala e la uarima i Jerusalem memi rangatar, “Ime te kana a pien ti posa sile ii ega kingir u Jiu? Alam u tarema a pitopito i tanen tara makum te roron butu nama a pitala, ba lam e la sile muma tegomi hatsunono uu lam i tanen.”

Matiu 2:1 Iomraidhean Croise

Matiu 1:25

Kaba nonei ema soho gono noa meien, e antunaia tara pöata tena poseia a tahol i tanen a pien tson. Ba e Josep e ngöe neien e Iesu.

Matiu 2:16

Pöata te atei sil hamanaseia e Herot u tson atei tara pala te roron butu nama a pitala i gamoeien, ba torinen e raharaha koruna. Ba nonei e hala meranei u soldia i Betlehem, na tara man han i sukusuku, ba nori ena atung hamate rer a galapien tson hoboto ti kamei u huol u hiningal, temar bobo uen tara pöata ti hateien u tson atei.

Matiu 2:19

I murina te mate hakapaia e Herot, ba töa angelo tara Tsunono e butuna turu sinasoho tere Josep i Itsip.

Matiu 2:3

Pöata te hengo naia e King Herot u ranga teka, ba nonei e toku koruna. Na u katuun hobotor i Jerusalem i toku koru has.

Matiu 2:5

Ba nori e hateieren, “Tara taun i Betlehem i Judia, temar koloto has uu a propet i manasa:

Matiu 2:7

Be Herot e ngö momous tuun rena u tson atei. Ba nonei e rangrangata raneien a saha pöata te butuia a pitopito teka.

U Bulungana u Niga tere Iesu Kristo te kolotein e Luk 1:5

Tara pöata te kingia e Herot i Judia, e kamei a töa pris e ka ti ngöei e Sakaria. Nonei e pala uu turu pris tere Abitsa. A tahol tere Sakaria a solonen e Elisabet e pala has uu turu pris. Taraha? Nonei a hatutubunei tere Eron.

U Bulungana u Niga tere Iesu Kristo te kolotein e Luk 2:11

A Tson Hitaguhu i tamilimiou e pose lila i bong teka tara taun tere Devit. Nonei a katuun tega la uama i puta te ngöe roui e Kristo. Nonei a Tsunono!

U Bulungana u Niga tere Iesu Kristo te kolotein e Luk 2:15

Pöata ti la pouts uu angelo i Kolö, ba u katunun pepeito kap turu sipsip e hiararangar me poeier, “Aragi la boroboro uu i Betlehem bara tena tarera a ka te butu lala, te hatei rela leira a Tsunono!”

U Bulungana u Niga tere Iesu Kristo te kolotein e Jon 7:42

U Buku u Göagono e poeiena e Mesaia ega tuhanaia tara pala tere Devit. Nonei gi poseia i Betlehem, a taun te kaia e Devit.”