Matiu 18:15 - U Bulunagana U Niga

¹⁵ E Iesu e ranga lel me poeiena, “Tega kato homieia a hahatoulana i tamölö alö, balö te la uam i tanen ba limiou a huol te ka pepeisamiou balö te hatei mien a markato a omi i tanen. Te hengo talenoien u raranga i tamölö, ba limiou te ka haniga pouts miou.

Matiu 18:15 Iomraidhean Croise

Matiu 18:14

Nonei tema ngil benei e Tamamilimiou i Kolö ta töa tara galapien u tetenei teka ega taia.”

Matiu 18:21

Be Pita e la uanama tere Iesu me rangatenen, “O Tsunono, a lahisa pöata tego ranga hataatagi ia lia tere toular bate solopalena a markato a omi i tanen, bate tara poutse noulia? Ega para hapopoia tara tohit a pöata?”

Matiu 18:35

“Nonei te markato has meranoi limiou, e Tamar i Kolö tegoma solopala mena milimiou a markato a omi tara palair u katuun, e antunana tena tara pouts ramouen limiou.”

U pas te koloto menai e Pol turu kristenira i Rom 12:21

A markato a omi ema tatei tagala saluhe ranei limiou. E möa. Alimiou go tagala saluhe naiam a markato a omi te haröto menami lö a markato a niga.

1 Korin 8:12

Te markato uamölö teka turu toulamölö, alö e kato homi mia i matana e Kristo, taraha alö e kato hapieiem ats tabubun nihamana te kame ren.

2 Korin 7:12

Alia u ma koloto sile ii u pas teka a katuun te kato homina, tsi a katuun ti kato homii. E möa. Alia u koloto silema tego haröto merai limiou i matana e Sunahan, te ngil koru mera milimiou alam.

Galesia 6:1

A matsi hahatoulana, te atei sile mia limiou ta töa ta katuun i gusumilimiou e kato ta ka ta omi, alimiou te kukute miou na te kame miou u Namnamei tere Sunahan e tatei kato hamatskö poutsemiou a markato tara katuun teka. Kaba alimiou go tami mia i tanen batema poeiemi alimiou e niga bala namen. Na limiou go hahanei has iam taka ena mots kato harus ranou limiou.

Kolosi 3:13

Alimiou goma hakats sil balemi a manka man omi tara katuun. Te kato homiria u katuun i tamilimiou, solopali. Alimiou go tara pouts raiam u katuun te kato homiria i tamilimiou, temar tara pouts has merai limiou e Sunahan ti kato homi has uaiam limiou i tanen.

1 Tesalonaika 4:6

Alimiou goma kato homi uami teka bate kato homie miou a tana katuun. E möa. Alam u hatei hakapa railimiou, a Tsunono e hahuna rena romana u katuun te markato uar teka.

2 Tesalonaika 3:15

Kaba limiou goma kato here namien u pakö i tamilimiou. E möa. Alimiou go hale mien u raranga u tagala, taraha nonei a hahatoulana i tamilimiou.

Taitus 3:10

Hapiouni a katuun te lu kaakata rena u katuun. Tema hengo neien, ranga hahuol lel mei. Kaba te möa noahas nen, balö te töa haka ba namen.

1 Pita 3:1

Na tara markato hobotona tara nikaka a niga, alimiou a touhaliou ego haka pute mia a peisa milimiou tara pal tson i tamilimiou. Na sanena a palai i taren egima hamane ii u raranga tere Sunahan, nori e tatei hamana sila has ria tegi tara menaien a markato a niga i tamilimiou. Na tema katoe milimiou tu töa tu ranga i taren, a palai e tatei hamana noahasir, taraha nori e tare riou te kato mena milimiou a markato a gogoso na markato te hapan mena milimiou a Tsunono.