Matiu 18:14 - U Bulunagana U Niga

¹⁴ Nonei tema ngil benei e Tamamilimiou i Kolö ta töa tara galapien u tetenei teka ega taia.”

Matiu 18:14 Iomraidhean Croise

Matiu 18:13

Bora, gate sabe poutsenoen a sipsip te taia, alia e hatei hamana nitöa ragou limiou, nonei e sasaala koru lasmenou nonei a töa sipsip te taia, batema hakats sil ranei a 99 tara pal sipsip tima taia ii.

Matiu 18:15

E Iesu e ranga lel me poeiena, “Tega kato homieia a hahatoulana i tamölö alö, balö te la uam i tanen ba limiou a huol te ka pepeisamiou balö te hatei mien a markato a omi i tanen. Te hengo talenoien u raranga i tamölö, ba limiou te ka haniga pouts miou.

Matiu 5:16

Na u ualesala i tamilimiou ega kato has uu iesana bate alesala uana turu katuun. Ba nori te tare riou a markato a niga i tamilimiou bate soloseier e Tamamilimiou i Kolö.”

Matiu 6:32

A mamanaka teka te kato siler u tematan egi lueien. E Tamamilimiou i Kolö e atei silena te ngil mena milimiou a manka teka.

Matiu 6:9

“Alimiou go mar singo uaiam teka: ‘O Tamamulam alö e kamia i Kolö, alam e hagöagonem a solomölö.

U Bulungana u Niga tere Iesu Kristo te kolotein e Luk 12:32

Be Iesu e poeiena, “Alimiou a matsi katuun i tar, alimiou goma matout mi. Taraha? E Tamamilimiou e sasaala mena tego hala meraien limiou a Nipepeito i tanen.

U Bulungana u Niga tere Iesu Kristo te kolotein e Jon 17:12

Pöata tu ka gono meraien lia, alia u tara kap raien tara nitagala i tamölö. Alia u tara kapir u katuun tu hala ramei lö alia. A töa puku a katuun te taia, temar hatei mam menaien u Buku u Göagono.

U Bulungana u Niga tere Iesu Kristo te kolotein e Jon 21:15

Pöata tu nou hakapaia lam, be Iesu e poeiena tere Saimon Pita, “O Saimon, a pien tere Jon, alö e ngil hase moulia? U ngil i tamölö e pan saluhe ba nena u ngil turu katuun teka?” Be Pita e poeiena i tanen, “Aa, o Tsunono. Alö e atei silem alia e ngil korue goulö.” Be Iesu e poeiena i tanen, “Ha nou ri u tunan sipsip i tar.”

2 Timoti 2:10

Ba lia te söata sila nagia a mamanaka te butuna i tar tego taguhu merai lia u katuun te hopö kapir e Sunahan. Alia e ngilegu nori egi lu hasi a nitöatöa te kana tere Iesu Kristo, na nitsunono pan has te ka nitöana.

Hibru 12:13

Taguhu raiam a palai bate sila ria tara maroro a matskö, bate tagala miou ba limiou te ka haniga miou.

2 Pita 3:9

A Tsunono ema hamokomoko nei tega kato menaien a manka te ranga hamana naien tega katoeien, temar hakats uaier a palair u katuun. E möa. Nonei e hahaloso ranou limiou, taraha nonei ema ngile nei ta töa ta katuun ega taia, kaba e ngilena u katuun hoboto egi habirits ban a man hakats na man markato a man omi i taren.