Matiu 18:10 - U Bulunagana U Niga

¹⁰ Be Iesu e poeiena, “Alimiou go haneiam möa tu sigaleiam ta töa tara galapien teka. Na lia e hatei ragou limiou, u angelo i taren e tarakapin töa raren te ka rien tere Tamar i Kolö.

Matiu 18:10 Iomraidhean Croise

Matiu 1:20

E Josep e hakhakats noa hasin a ka teka, ba töa angelo tara Tsunono e butuna i tanen turu sinasoho me poeiena, “O Josep, a hatutubunei tere Devit, alö goma matout ii tego lu menai lö e Maria a tahol i tamölö. Taraha, nonei e pikana turu Namnamei u Göagono.

Matiu 12:20

Nonei ema antunan pekoe nei u nga te magmagolona, na ema antunan kato hoseinei u lam tema kulupu haniga nei. Kaba nonei e kui tuun las nou, e antunana te kato hatagala hanigan töa nanouen a markato a matskö.

Matiu 18:14

Nonei tema ngil benei e Tamamilimiou i Kolö ta töa tara galapien u tetenei teka ega taia.”

Matiu 18:6

E Iesu e ranga noa me poeiena, “Esi ta katuun te las meranoi a galapien te hamana uar i tar tara markato a omi, e niga bala nena tegi hakits mei a hatu pan i totongolona a katuun teka batena harukue ria i gusuna tasi.

Matiu 2:13

Pöata ti la hakapaia u tson atei, ba töa angelo tara Tsunono e butuna turu sinasoho tere Josep me poeiena i tanen, “Alö go takei ba lö te lu rem u mun tsinana, ba limiou te bus uamiou tara han i Itsip. Ba limiou tena ka möa i Itsip e antunana tara pöata te ranga lel goa lia i tamölö. Taraha, e King Herot e sake la nanou a pien bate atung hamatie nouen.”

Matiu 2:19

I murina te mate hakapaia e Herot, ba töa angelo tara Tsunono e butuna turu sinasoho tere Josep i Itsip.

Matiu 24:31

Ba lia te pihegu a tuhil bate ling hapanina, ba u angelo i tar te la uar turu han hoboto i puta, ba nori te gono rarima u katuun te hopö kapir e Sunahan.”

U Bulungana u Niga tere Iesu Kristo te kolotein e Luk 1:19

Ba angelo e ranga palise nen me poeiena, “Alia e Gabriel te roron tuol gia i matana e Sunahan. Nonei e tahul mena mei lia tegomi ranga uu lia i tamölö bate hatei gilö u bulungana u niga teka.

U Bulungana u Niga tere Iesu Kristo te kolotein e Luk 10:16

Be Iesu e poeiena turu katunun tsitsilo i tanen, “U katuun te hengo rariou limiou e hengo hase riou lia, na u katuun te tori hasoala rariou limiou e tori hasoala has nariou lia. Na u katuun te tori hasoala narioulia e tori hasoala has ner e Sunahan te haleie moulia.”

U Bulungana u Niga tere Iesu Kristo te kolotein e Luk 16:22

Ba katuun teka e matena, ba u angelo e söate ren mena hagume rien i rehina e Abraham. Na tson moni e mate has me kaho ner.

Aposol 10:3

Turu töa u lan tara pal 3 kilok tara lahi nonei i hatare ii u töa u hiharöto te tara hanigan töa naien a angelo tere Sunahan bate tasuna me poeiena i tanen, “O Konilius.”

Aposol 12:15

Ba nori e poeier i tanen, “A baku mölö ema hakats haniga nei!” Kaba nonei e tagala koru be poeiena, “U mana koru!” Ba nori e poeier, “A angelo banei i tanen.”

Aposol 12:23

E Herot ema solosei mamei e Sunahan, ba angelo tara Tsunono e atunge nen. U kakaminei i noueien, ba nonei e mate nitöana.

Aposol 27:23

Taraha, i bong a töa angelo e tuol lala i rehir, a angelo tere Sunahan te hopö kap naiou lia, e Sunahan te hatsunone gulia.

Aposol 5:19

Kaba tara bong ba angelo tara Tsunono e kalatena a tamana tara luman karabus me halakasa rena u aposol me poeiena i taren, “Na tuol mia iahana Luman Lotu Pan bate hatei rami u katuun u raranga hoboto tara markato a tsimus teka.”

U pas te koloto menai e Pol turu kristenira i Rom 14:10

Aha te ranga sil memilö e toulamölö tsi e hahinamölö? Aha te tara puta sile milö e toulamölö tsi e hahinamölö? Taraha ara hoboto ena tuol roua i matana e Sunahan.

U pas te koloto menai e Pol turu kristenira i Rom 14:21

E nigana te raman nou mena milö u benö na te raman ua mena milö u uain na tema ngilin kato memilö ta ka te kato homie nou u hakats tara hahatoulana i tamölö.

U pas te koloto menai e Pol turu kristenira i Rom 15:1

Ara te atei haniga silera u hihatuts tere Sunahan ega taguhir a pala tema atei hanigari. Ara gima hakats sile ii tegi sasaala peisa uu ra. E möa.

1 Korin 11:22

Alimiou e ka memiou u luma. E hana ba limiou tema nou mia turu luma i tamilimiou? Alimiou e sigale miou a hun katuun tere Sunahan, bate hamatsingolo ramiou u katuun te kaka pukur. Alia go mar ranga uu ime i tamilimiou? Alia go haniga raiou limiou tara markato teka? E möa koru!

1 Korin 16:11

E möa koru tego tor tsuga menaien ta töa i tamilimiou. Taguheiam bate hala gono memien a masalohana tara tou lala lel i tanen, ba nonei te kopis pouts uanama romana i tar. Taraha, alia e hahalose gen tega kopis pouts gono mera men a palair a man hatoulana i tarara.

1 Korin 9:22

Na pöata te ka gono meragi lia u katuun tema hamana hatagalari, alia e kato here nagi a peisar nori, bate taguhu sil ragien tegi hamana hatagala uaien. Alia e here hamanasagi a mamanaka turu katuun hoboto, ba lia te tatei las meragi a palai tara maroro tara Tsunono.

2 Korin 10:1

Alia e Pol, e ranga hataatagi hatagalagu na e ranga hatami gia i tamilimiou, te markato has uana e Kristo. A palai i tamilimiou e poeier alia e hala putegu a peisar te ka gono meragi lia limiou, kaba te ka halehana gialia, alia e ranga hatagala koru gia i tamilimiou.

2 Korin 10:10

A palai i tamilimiou e pei toume riou, A man pas tere Pol e ka mena u raranga u tagala koru, kaba te ka gono mera nen ra, nonei a katuun a pata siba na u ranga i tanen ema ka menei ta nitiama.

Galesia 6:1

A matsi hahatoulana, te atei sile mia limiou ta töa ta katuun i gusumilimiou e kato ta ka ta omi, alimiou te kukute miou na te kame miou u Namnamei tere Sunahan e tatei kato hamatskö poutsemiou a markato tara katuun teka. Kaba alimiou go tami mia i tanen batema poeiemi alimiou e niga bala namen. Na limiou go hahanei has iam taka ena mots kato harus ranou limiou.

1 Tesalonaika 4:8

Na katuun te tori tsuga nena u raranga teka ema tori tsuga nanei u raranga tara katuun tuun. E möa. Nonei e tori tsuga nena u raranga tere Sunahan, e Sunahan te hala ranei limiou u Namnamei u Göagono i tanen.

1 Timoti 4:12

Alö a katuun a hitots, ego möa ta katuun tega pita putputeiou lö. Harötein ta markato ta niga turu katuun te hamanar te markato uana a katuun a kristen turu hihatuts i tamölö, na tara markato i tamölö na te ngil mera milö u katuun hoboto na te hamana ua mölö tere Sunahan, bate ka mem a markato a gogoso.

Hibru 1:14

U angelo u saha u mar katuun? Nori hoboto a man namnamei te kui beier e Sunahan. Nonei e hala sil rameien tegi taguhu meraien u katuun te katsin lu pouts rena e Sunahan.

Hibru 9:24

Taraha, e Kristo ema tasu ii tara luman lotu ti kui u katuun bate haharuei tuun nena a luman lotu hamana. E möa. Nonei e tasuia i Kolö, ba nonei e kana i matana e Sunahan me ranga bera noura.

Revelesin 8:2

Ba lia e taregu a tohit a angelo te roron tuol ria i matana e Sunahan. Nori i hala rai a tohit a tuhil.