Matiu 17:22 - U Bulunagana U Niga

^22-23 Ba pöata ti gono hobotoia u katunun tsitsilo i Galili, be Iesu e poeiena i taren, “Alia tu butun Katunuma e susukun hala menari i limar u katuun tena atung hamate riou lia. Kaba turu hatopisana u lan ba lia te takei pouts gou.” Ba u katunun tsitsilo i tanen e taatagi korur.

Matiu 17:22 Iomraidhean Croise

Matiu 16:21

Tara pöata teka e Iesu e tanian hatei ri u katunun tsitsilo i tanen tega mate uen ba nonei e poeiena, “Alia e la uagou i Jerusalem balia tena sagoho kamits goa i limar u tsunono, na u pris pan, na u tson hihatuts tara Lo. Ba nori tena atung hamate riou lia, ba lia te takei pouts gou turu hatopisana u lan.”

Matiu 16:28

Alia e hatei hamana ragou limiou, a palair u katuun te tuolur teka ema antunan materi, e antunana tegi tara menien Alia tu butun Katunuma ena la here gumei romana a king.”

Matiu 17:12

Na lia e hatei ragou limiou e Elaitsa e la hakapama, kaba u katuun ima tara mareien ba nori e markato hohomi menarien ti mar ngil uaien. Na nonei noahas tena markato hohomi has meroien lia, Alia tu butun Katunuma.”

Matiu 17:9

Pöata ti koul puta men turu pokus be Iesu e ranga mera nen, “Alimiou ema tatei hatei moi ta töa ta katuun aha te tara muma limiou e antunana te takei pouts goa lia, Alia tu butun Katunuma, tara tou mate.”

Matiu 24:10

U katuun u parpara koru e hapolaser romana u nihamana i taren. Nori e hala mera roi a palai turu katuun te pakö raren batena hia o omi pouts hasir romana.

Matiu 26:16

Ba nonei tara pöata teka, e Judas e tanian sake hamanasena ta maroro tego haröto menaien e Iesu turu katuun teka.

Matiu 26:46

Takei iam, ba ra te lara. Rötoiam, a katuun te haröto nanou lia turu katuun ti korupakö naiou lia e tuku hakapa.”

U Bulungana u Niga tere Iesu Kristo te kolotein e Mak 8:31

Be Iesu e tanian hatuts raneien tega lu menai a Pien Tson te butun Katunuma a kamits a kapan koru, na tegima ngil menaien u tson hihatuts tara Lo na pal kapan turu pris. Ba nonei e poeiena, “Alia ena atung hamatie riou romana, ba i murina u topisa u lan balia te takei pouts gou.”

U Bulungana u Niga tere Iesu Kristo te kolotein e Luk 24:26

E matskö noa hasina tega sagoho menai e Mesaia a kamits teka bate töan luena a nitsunono i tanen.”

U Bulungana u Niga tere Iesu Kristo te kolotein e Luk 9:22

Ba nonei e rangana me poeiena, “Alia tu butun Katunuma e sagohe gou romana a kamits pan. Ba pal kapan nu pris pan na u tson hihatuts tara Lo te tor tsuga nariou lia. Alia ena kato hamatie riou romana, kaba turu hatopisana u lan ba lia te hatakei poutse riou.”

U Bulungana u Niga tere Iesu Kristo te kolotein e Luk 9:43

Ba u katuun e asingoto hoboto koru ner a nitagala pan tere Sunahan. U katuun i hakats hapara noan a mamanaka te kati e Iesu.

Aposol 7:52

U tuburara i kato homir u propet hoboto i manasa. Nori i atung hamatir u katuun tere Sunahan ti habulungana mamin tego la uama romana a Katuun a Matskö i tanen, nonei e Kristo. Na limiou u hala hakapa mena mien turu katuun ti omieien ba nori e atung hamatie ren.

1 Korin 11:23

U hihatuts te hale ii lia a Tsunono, te hala has ragilia alimiou. I mamina tega mateia e Iesu a Tsunono, nonei noahas tara bong ti hala naien turu pakö, banonei e lueiena a beret me haniga uana tere Sunahan, ba nonei e pose nen me poeiena, “Nonei u tuenrei i tar teka tena mate sil ranou limiou. Alimiou ena kato has uamou teka bate hakats pouts namou lia.”