Matiu 16:3 - U Bulunagana U Niga

³ Ba tara bongbong, ba limiou te pemiou, ‘A langits e polo nou i romana, taraha u kolö e röröna na e ruruhanana bate tara here nei a langits.’ Alimiou e atei silemiou te mouna uana a mar nitaratara i kolö. Kaba limiou ema atei silemi te mouna uana a man hiharöto tara kapakapana pöata.

Matiu 16:3 Iomraidhean Croise

Matiu 11:5

U katuun u kiou e tara poutsur, na u katuun u mou omi e tataala poutsur, nu katuun u toba e gogoso poutsur, na u talinga tupu e hengo poutsur, nu katuun ti mate e töatöa poutsur. Na u Bulungana u Niga e lauama turu katuun papala.

Matiu 15:7

Alimiou u katuun u gamogamo! E propet Aisaia e ranga hamana koruia tara markato i tamilimiou, me poeiena, ‘U katuun teka e hatsunono tune ria lia turu ranga tuun i taren, kaba i toriren na turu hakhakats i taren e ka halehana ba koru nariou lia.

Matiu 22:18

Kaba e Iesu e atei sil hakapi u hakhakats u omi i taren, ba nonei e poeiena, “Alimiou u gamogamo! Aha te katsin torohana sile milimiou alia?

Matiu 23:13

E Iesu e ranga lel me poeiena, “Alimiou u tson ateira tara Lo na limiou u Parasi, a nomi pan e butu noa i tamilimiou! Alimiou u gamogamo, na limiou te ron hatu kap ramiou u katuun tegi tasu uen tara Nipepeito tere Sunahan, na limiou pouts has ema antunan tasumi.

Matiu 4:23

E Iesu e hula laia tara man han hoboto i Galili, me hihatutsna tara man luman lotu turu Jiu. Nonei e hihatutsin u Bulungana u Niga tara Nipepeito tere Sunahan bate kato haniga pouts has raiena u katuun ti ka mei a mamana mar siki.

Matiu 7:5

Alö a katuun a gamogamo, alö go luba mamin a makumun palang i matamölö pouts, ba lö te töan tara haniga mou bate luba nem a tsi köahu i matana e toulamölö.

U Bulungana u Niga tere Iesu Kristo te kolotein e Luk 11:44

A nomi pan e hahaloso ranou limiou. Alimiou e heremi a man kioun mate tema tareri u katuun. Bate tataala ria ielunen, kaba ema atei sileri a ka a omi e kana iogana.”

U Bulungana u Niga tere Iesu Kristo te kolotein e Luk 12:56

Alimiou e tatei röto uamiou turu tsiktsiki na i kolö bate atei sile mou ime te mar mouna uanen. Kaba limiou u gamogamo! Taraha ba limiou tema atei silemi te mouna uana a manka te butuna i romana?”

U Bulungana u Niga tere Iesu Kristo te kolotein e Luk 13:15

Ba e Iesu e mar ranga palis mena neien teka, “Alimiou u katuun u gamogamo! Ga limiou e ron la uamiou tara luman bulmakau turu Lan u Göagono bate purese miou a man bulmakau tsi a man rongki i tamilimiou batena haua ramun ramen, boka?

Hibru 5:14

Kaba u hihatuts pan e ka uana turu katuun ti solon atei sil a markato a matskö, bate tatei hamoueier a ka te nigana na ka te omina.