Matiu 16:19 - U Bulunagana U Niga

¹⁹ Alia e hale goi lö a kii na tara Nipepeito tere Sunahan. A saha ka te kitse moalö i puta, e kits hase roa i Kolö. Na saha ka te haniga namoa lö i puta, e haniga has naroa i Kolö.”

Matiu 16:19 Iomraidhean Croise

Matiu 18:18

Be Iesu e poeiena, “Na lia e hatei hamana koru ragou limiou, a saha ka te kitse mialimiou i puta, e Sunahan e kits hasenouen i Kolö. Na saha ka te purese mialimiou i puta, e Sunahan e hapurese hase nouen i Kolö.

U Bulungana u Niga tere Iesu Kristo te kolotein e Jon 20:23

Te luba memoi limiou a man markato a man omi turu katuun, ba markato a omi teka te taiana. Tema luba ramoien limiou ba man markato a man omi teka tema antunan taia has noi.”

Aposol 15:7

Nori i solon gum a pöata a ngahangaha be Pita e tuoluna me poeiena i taren, “A matsi hatoulana, alimiou e atei silemiou i manasa e Sunahan e mola raira a toukui. Na nonei e hopö kap naiou lia tego hatei menai lia u Bulungana u Niga tara pala tema Jiu ri, ba nori te tatei hengor bate hamanar.

2 Korin 2:10

Te solopale mia limiou a markato a omi tara töa katuun, alia has e solopale gen, u mana koru a ka te solopale gula lia tegi solopali, alia e kato beragien limiou i matana e Kristo.

1 Tesalonaika 4:8

Na katuun te tori tsuga nena u raranga teka ema tori tsuga nanei u raranga tara katuun tuun. E möa. Nonei e tori tsuga nena u raranga tere Sunahan, e Sunahan te hala ranei limiou u Namnamei u Göagono i tanen.

Revelesin 1:18

Na lia te töatöagu. Alia u mate, kaba lö go tara! Alia u töatöa poutsuma na lia e töatöa nitöa gou tara mamana pöata. Na lia te pan saluhe ba negu a tou mate na te tsunono negu a han turu mate.

Revelesin 11:6

Nori e ka mer a nitagala tegi keits menaien a langits ba tema polo nei tara pöata te hatei narien u ranga tere Sunahan. Na nori e ka has mer romana a nitagala tegi hapalis menaien a man ramun bate butun rahatsingina. Na nori e ka has mer romana a nitagala tegi hala menaien a mamana mar niomi tara han i puta tara saha pöata tegi ngileien.

Revelesin 3:7

Na nonei a katuun tu tari lia e pei hasi, “Alö go koloto menai u raranga teka tara angelo tara hun katuun tere Kristo te ka ria i Piladelpia: “U ranga teka nonei u raranga tara katuun te göagonona na te manana na te pile nena a nitsunono tere Devit. A ka te kalate nen, e möa tegi tatei hapili menaien. Na ka te hapilie nen, e möa tegi tatei kalata menaien.

Revelesin 9:1

Ba hatolimana angelo e pihena a tuhil i tanen. Ba lia e taregu a töa pitopito te rusuma i kolö me rus uanama i puta. A pitopito i hale ii a kii tara tamanana tara kiou te möa ta nönöanen.