Matiu 16:1 - U Bulunagana U Niga

¹ Na tara pöata ti lama u Parasi na u Sadiusi tere Iesu. Ba nori e rangate rien tegi hatara meraien tu mirakol tego harötein a nitagala tere Sunahan.

Matiu 16:1 Iomraidhean Croise

Matiu 12:14

Ba u Parasi e lakasar mena korupakö ner tegi mar atung hamate menaien e Iesu.

Matiu 15:1

Ba palair u Parasi na u tson hihatuts tara Lo i la uama i Jerusalem me la uarima tere Iesu memi rangate ren, “Taraha tsiponi ba u katunun tsitsilo i tamölö te hipus ner u hihatuts ti halan u katuun pan i tarara i manasa? Nori ema galus mameri a limaren bate töan nour!”

Matiu 16:6

Be Iesu e poeiena i taren, “Alimiou go tarakap hanigaiam bate hanei silemou u is turu Parasi na u Sadiusi.”

Matiu 19:3

Ba palair u Parasi e la uarima i tanen memi torohane ren me poeier, “A Lo i tarara e haniganena tega laba menai a tson a tahol i tanen?”

Matiu 22:15

Ba u Parasi e lakasar mena hiararanganer ime tegi mar gamo menaien e Iesu tara man raranga i tanen.

Matiu 22:18

Kaba e Iesu e atei sil hakapi u hakhakats u omi i taren, ba nonei e poeiena, “Alimiou u gamogamo! Aha te katsin torohana sile milimiou alia?

Matiu 22:23

Nonei noahas turu lan ba u Sadiusi e la uarima tere Iesu. A pal katuun teka nori i pei e möa ta tou takei pouts tara tou mate. Ba nori i poeier tere Iesu, “Tson Hihatuts, i manasa e Mosis te poei, ‘Tega mateia ta tson bate möana ta pien, e toulanen e tatei tölena a amoaba, ba nori te hatuhaner romana ta pien tena luenou a solo tara tson te mate.’

Matiu 27:62

Ba turu hamahö, turu Lan u Göagono, ba u pris pan nu Parasi e lar mena gono ria tere Pailat.

Matiu 5:20

Alia e hatei ragou limiou, te ngilin tasu mia limiou tara Nipepeito tere Sunahan, alimiou ego kukute hanigeiam u raranga i tanen, kaba te kukute mia limiou a markato turu tson hihatuts tara Lo na turu Parasi, alimiou ema antunan tasu moi tara Nipepeito tere Sunahan.”

Matiu 9:11

Ba pöata ti tareia u Parasi a ka teka ba nori e poeier turu katunun tsitsilo tere Iesu, “E hana ba Tson Hihatuts i tamilimiou te nou gono meraiena u katuun te luluer a takis na u palair u katuun u omi?”

U Bulungana u Niga tere Iesu Kristo te kolotein e Mak 10:2

A palaira u Parasi i lama bemi torohane ren me rangate ren, “A Lo i tarara e haniga nena tego laba menai a tson a tahol i tanen?”

U Bulungana u Niga tere Iesu Kristo te kolotein e Mak 12:15

Aragi hol a takis tsi ara gima holeien?” Kaba e Iesu e atei sil u gamo i taren me poeiena, “Taraha ba limiou te katsin torohane mou lia? Hale mume lia ta denarius moni ba lia te taragu.”

U Bulungana u Niga tere Iesu Kristo te kolotein e Mak 12:18

U Sadiusi i la uama tere Iesu. Nori u katuun teka te rangar bate poeier u katuun ema takei pouts roi i murina a tou mate i taren.

U Bulungana u Niga tere Iesu Kristo te kolotein e Luk 10:25

Turu töa u lan, a töa tson hihatuts tara Lo tere Mosis e tuol sei me torohane nei e Iesu u rangatasei teka, “Tson Hihatuts, aha tego kati lia ba lia te luegou a nitöatöa te ka nitöana?”

U Bulungana u Niga tere Iesu Kristo te kolotein e Luk 11:16

Ba palai e torohane ren me rangate rien tega kato menaien tu töa tu hiharötona i Kolö tega harötein nonei e lama tere Sunahan.

U Bulungana u Niga tere Iesu Kristo te kolotein e Luk 20:23

Kaba e Iesu e atei sil u gamo i taren me poeiena, “Hatara nemuma ta denarius moni. A bakune si na solone si te kana i tanen?” Ba nori e ranga palisir, “E Sisa.”

U Bulungana u Niga tere Iesu Kristo te kolotein e Luk 20:27

U palair u Sadiusi i la uama tere Iesu. Nori u katuun ti pei e möa ta tou takei pouts tara tou mate.

U Bulungana u Niga tere Iesu Kristo te kolotein e Jon 8:6

Nori i mar ranga uu teka taraha, nori i kato sili ta ka tegi mar kout menaien e Iesu, ba nori e torohaneren. Be Iesu e turu putana me koloto nena a kabelenen turu tsiktsiki.

Aposol 4:1

E Pita mere Jon i ranga noahas ia turu katuun, ba u pris na tson pepeito kap turu polis ti tara kapiin a Luman Lotu Pan na u Sadiusi e la uarima i taren.

Aposol 5:17

Ba tsunono pan turu pris na u katuun ti ka gono meien, a pala turu Sadiusi, e hiomi koru ria turu aposol.

1 Korin 1:22

Kaba u Jiu e ngilin tarer tu mirakol, na u katunura i Grik e sakeier ta niatei.