Matiu 13:3 - U Bulunagana U Niga

³ Ba nonei e hatei raneien a parpara koru a ka turu haharuei me poeiena, “Hahengoiam. A töa katuun ena tsihasein a man ngalin kannou.

Matiu 13:3 Iomraidhean Croise

Matiu 13:4

Ba tara pöata te tsihasa naien a man ngal tara kui, ba palaina a man ngal e pururuku ria i maroro, ba u apena e la rima memi nou hakape ren.

Matiu 13:53

E Iesu e ranga hakapein a man haharuei teka, me la ba nena nonei a han.

Matiu 22:1

E Iesu e ranga lenin u tana u haharuei turu katuun me poeiena, “A Nipepeito tere Sunahan e tatei herenei a king te kato be ii a pien tson i tanen a kannoun hitöl.

Matiu 24:32

Be Iesu e ranga lenina me poeiena, “Alimiou go lue mia ta niatei tego haharuei mena milimiou u ruei te ngöeri u fik. Tara pöata te mararana a kalana u ruei bate rurusuna, alimiou e atei sil hakape mula a pöata tara pitala e susukuna.

U Bulungana u Niga tere Iesu Kristo te kolotein e Mak 12:1

Be Iesu e tanian ranga merena u katuun turu haharuei. “A töa katuun e lebei a kuin grep me ololo hahis kakap nanen, me kaho hasena a kiou tegi pots naia u grep. Nonei e hatakei hasi a luma a pia tegi pepeito kap naia a kuin grep teka. Ba nonei e hakuin moni nanen me lauana tara taina a han.

U Bulungana u Niga tere Iesu Kristo te kolotein e Mak 12:12

Pöata ti tara mareien u haharuei e sakasaka raien, nori i ngilin na hakarabus koru naien. Kaba nori i matoutir u katuun ba nori e laba naren.

U Bulungana u Niga tere Iesu Kristo te kolotein e Mak 3:23

Be Iesu e ngö rena u katuun egi la uama i tanen, ba nonei e ranga nena u haharuei i taren me poeiena, “Ime temar tsuga ba mena noi e Satan e Satan?

U Bulungana u Niga tere Iesu Kristo te kolotein e Mak 4:13

Be Iesu e ranga lel meranen me poeiena, “Alimiou ema atei sile mi temar mouna uana u haharuei teka? Ga ime temar atei sil mena moi limiou a man taina man haharuei?

U Bulungana u Niga tere Iesu Kristo te kolotein e Mak 4:33

E Iesu e habulungana nena u raranga i tanen turu katuun, e hihinatue gono has mei a man taina man haharuei. Nonei e haharuei hapopo has ia timar atei hantuna uaien.

U Bulungana u Niga tere Iesu Kristo te kolotein e Luk 12:41

Be Pita e poeiena, “Tsunono, u haharuei teka alö e hatei ramien lam pepeisa, tsi alö e ranga na mien turu katuun hoboto?”

U Bulungana u Niga tere Iesu Kristo te kolotein e Luk 8:10

Be Iesu e ranga palisina, “E Sunahan e haröto ranei limiou a manka ti hamousi tara Nipepeito i tanen. Kaba palai e hengo tuner u haharuei. Taraha? Nori e tarar kaba ema tara mareieri, na nori e hahengor kaba ema ateiri.”

U Bulungana u Niga tere Iesu Kristo te kolotein e Jon 16:25

Be Iesu e ranga noana me poeiena, “Alia e rangan haharuei tuun gula i tamilimiou. Kaba i murimuri alia ema haharuei lel goi. E möa. Alia e ranga halesala tuun nagou e Tamar.