Matiu 13:25 - U Bulunagana U Niga

²⁵ Kaba tara pöata ti soho hakapaia u katuun ba pakö i tanen e la nama memi tsihasa nena a huana u pulung u omi i gusuna a kuin wit, me lana.

Matiu 13:25 Iomraidhean Croise

Matiu 13:24

Be Iesu e ranga mera nei u katuun u taina u haharuei me poeiena, “A Nipepeito tere Sunahan ega herei a katuun te tsihasein a ngalin wit a niga tara kui i tanen.

Matiu 13:26

Ba pöata te pusukuema a man ngalin wit be huana, ba u parpara u pulung u omi e butu hasina.

Matiu 13:27

“Ba u katunun kui tere tamana kui e la rima memi poeier, ‘O tsunono, alö u tsihasein a man ngalin wit a man niga tara kui i tamölö, kaba ime temar butu uu parpara u pulung u omi?’

Matiu 13:29

“Ba nonei e poeiena, ‘E möa. Alimiou ena mots pate ba has namiou u wit te sohalana turu pulung tegona pate ba mena milimiou u pulung u omi.

Matiu 13:30

Hakeiam u wit na u pulung u omi egi pan hoboto antunana tena tangoho noa u wit. Ba lia te ranga meragou u katuun tena gone riou a kannou a tangoho, pate mam meiam u pulung u omi bate kits ramen batena lapo ramen turu tula. Ba limiou te töan gone miou u wit batena haka ramen tara luman haputu kannou i tar.’”

Matiu 13:39

Na katuun a omi te tsihasein u pulung tara kui, nonei e Satan. Na pöata te gone ria a kannou a tangoho e here nei a kapakapana pöata turu han i puta. Na u katuun te goner a kannou a tangoho tara kui, nori u angelo.

Matiu 25:5

Kaba a tson tegomi hitöl ema la boroboro mei, ba nori hoboto e topi korur be sohor.

Galesia 2:4

Kaba palair u katuun tima kristen ii hasohaleia a peisaren turu katuun u kristen. Nori emi katsin tari ta saha ka tego katoi lam u katuun tere Iesu Kristo. E Iesu nonei te purese ba raialam tara Lo turu Jiu, kaba u katuun teka i ngilin hakits pouts len raiou lam.

Hibru 12:15

Tara kap haniga raiam a palai bate moa nou ta töa tega habirits ban a nihitaguhu tere Sunahan. Ta töa ena mots tori homina i gusumilimiou bate hatakeiena ta raharaha bate kato homiena u hakats tara palai.

1 Pita 5:8

Alimiou go hakats haniga mia i peisamilimiou, na ego haneiam! Taraha, u pakö i tamilimiou e Satan e roron hula lana bate sakeiena ta katuun tega kato homien. E here nei a laion te hula ngala lamena te sake menaneien ta ka ta töatöa tega noueien.

2 Pita 2:1

Kaba u propet u gamogamo i butu hasia i gusur u katuun, na e kato has uanou iesana, u tson hihatuts u gamogamo e butu has ria romana i gusumilimiou. Nori e la momous merima romana u hihatuts u gamo te antunan kato homi korueiena u hakhakats turu katuun. Na nori e holis has ner romana a Tsunono te sakahis pouts raien, ba nori te taia boroboro pouts has mer romana a man markato a man omi i taren.

Revelesin 12:9

Ba kökötsi na u angelo hoboto i tanen e lapo ba merarumei i puta. Nonei noa has a kökötsi na i manasa e Satan, a liliahanei a omi te gamogamo rena u katunura i puta.

Revelesin 13:14

Nonei e gamoer u katuun ti kaia i puta a man mirakol te katoeien i matana a ka tutuun a töatöa. Na hahuoluna a ka e ranga mer u katuun i puta tegi kui menaien u kesa te mata here ii a ka tutuun ti ngats hamati kaba e töatöa pouts.

Revelesin 2:20

“Kaba a töa ka tema niganei: alimiou ema hapiou nami e Jesebel, a tahol te ngöe nei a peisanen a propet. Nonei e hatuts rena u katuun i tar bate las ranen, ba nori te noueier a kannou te haats ba naria turu kesa, bate kukuteier a markato te tsikolo uaier.