Matiu 13:23 - U Bulunagana U Niga

²³ Kaba a man ngal ti tsihasa naia turu tsiktsiki u niga e here nei u katuun te hengoer u raranga bate atei sile ren. Ba u raranga te kato hanige iena a markato turu katuun teka: a palai e niga korur, na palai e gamon nigar na palai e niga hatsitabubu tunur.”

Matiu 13:23 Iomraidhean Croise

Matiu 12:33

Be Iesu e rangana me poeiena, “U ruei u niga e ka mena a hua a niga. Na u ruei u omi e ka has mena a hua a omi. U katuun e tara mamer a hua bate töan atei siler u ruei u niga tsi u omi.

Matiu 13:8

Ba palair a man ngal e pururuku ria turu tsiktsiki u niga, me panir me huar. A palai i ka mei a hua a parpara koru, na palai i ka mei a hua te gamon para, na palai i kamei a hua tema para balai.”

Matiu 3:10

A nikö e ka hakapaia i mouna u ruei. A man ruei tema hua haniga ri e ngats ba rariou bate lapo ba raroa turu tula.

Matiu 3:8

Te hapolasa ba namia limiou a man markato a man omi i tamilimiou, bora hatara marei tala naiam a markato a niga, tu habirits ba menami limiou a man markato a man omi i tamilimiou.

U Bulungana u Niga tere Iesu Kristo te kolotein e Mak 10:15

Alia e hatei hamana koru ragou limiou, a katuun tema hengo hanige nei u raranga tere Sunahan temar hengo uana a pien, a katuun teka ema antunan tasu nei tara Nipepeito tere Sunahan.”

U Bulungana u Niga tere Iesu Kristo te kolotein e Mak 4:20

Na u tsiktsiki u niga e here nei a palair u katuun te hengoeier u raranga tere Sunahan bate pile kap naren, ba u raranga i tanen te kato haniga rena u katuun teka. A palair u katuun e nigar, na palai e niga korur, na palai e niga bala korur.”

U Bulungana u Niga tere Iesu Kristo te kolotein e Luk 13:9

Te hua tala nen romana turu hiningal te la nama, e niga nou. Kaba te möa nen, e ngats ba nariou.’”

U Bulungana u Niga tere Iesu Kristo te kolotein e Luk 8:15

Ba man ngal ti pururukuia turu tsiktsiki u niga e hatei nena a pala te hengoer u ranga bate hake rien turu hakhakats u niga i toriren, ba nori te pile kap hakarapoto naren. Ba u raranga te kato hanigeiena a markato turu katuun teka.”

U Bulungana u Niga tere Iesu Kristo te kolotein e Luk 8:8

Na palair u ngal i pururukuia turu tsiktsiki u niga. Ba nori e pusuku hapanir me hua korur.” Be Iesu e ranga hapanina me poeiena, “A katuun te ka mena u talinga te atein hengona ega hengo!”

U Bulungana u Niga tere Iesu Kristo te kolotein e Jon 15:16

Alimiou uma hopö kap nami lia kaba alia tu hopö kap raiou limiou. Na lia u tus raiou limiou tego tataala uaiam limiou bate katoe miou u ngil tere Sunahan. Be Tamar te hala ranoui limiou a manka te singo sile moua limiou tara solor i tanen.

U Bulungana u Niga tere Iesu Kristo te kolotein e Jon 8:47

A pien tere Sunahan e hengoena u raranga tere Sunahan. Alimiou ema hengo memi u raranga tere Sunahan, taraha alimiou ema pien uami tere Sunahan.”

Aposol 16:14

A töa tahol a solonen e Lidia e kaia i gusura a touhaliou ti hengoia i tamulam. Nonei a taholuna tara taun i Taiataira na nonei e roron haholin u labalaba a hihol i tanen te la sei. Nonei e roron hatsunoni e Sunahan, ba Tsunono e kalatena a torinen ba nonei e hanige iena u raranga tere Pol.

Aposol 17:11

U Jiu teka ima here rai u Jiu ra i Tesalonaika. U Jiu ra i Beria i hakats halesala koru, kaba u Jiu ra i Tesalonaika i hapiou ni u raranga u tsimus. U Jiu ra i Beria i hengo hanigei u raranga tere Pol, na turu mamana u lan nori i taratara ia turu Buku u Göagono bate sakier tego mana uu raranga teka.

2 Korin 9:10

E Sunahan te hala nena a man ngal tena lebeier u katuun te kui ria turu kui, na nonei has te hala nena a mamana kannou te noueier. Nonei noahas te hala hantue nanou a mamanaka i tamilimiou ba limiou te tatei hala has ramiou a palair u katuun. Ba markato a niga i tamilimiou te pan susul nou bate tapiou has uanou turu katuun te hala ra milimiou.

Pilipai 1:11

Ba limiou te saputu memiou romana a man markato a man niga te habuteiena e Iesu Kristo, bate töan hapanemiou e Sunahan bate soloseie men.

Pilipai 4:17

Kaba limiou goma poeiemi alia e ngilin lu tunegu ta hitaguhu. E möa. Alia e sasaala koru megu te tara menagi lia alimiou u katuun u tatangana. E Sunahan e tatei kato haniga ranou limiou.

Kolosi 1:6

U Bulungana u Niga teka e kato haniga rena u katuun bate kato hasasaala ranen, bate la uana tara mamana han hoboto. Te kato has uaien i gusu milimiou tara pöata ti hengo tutuun namia limiou a nihitaguhu tere Sunahan me atei sil haniga korue men.

1 Tesalonaika 4:1

Na kapakapana u raranga a matsi hahatoulana e markato uana teka, alam u hatuts railimiou te markato uana a katuun te hanigeiena e Sunahan. Na u mana koru, alimiou e markato uamiou teka. Alam e ranga hatagala koru mera moulimiou tara solona a Tsunono e Iesu, alimiou go markato haniga noahas uaiam teka.

2 Tesalonaika 2:10

Nonei e gamo nitöa rena romana u katuun tena tia riou, taraha nori ema ngileri u raranga hamana te tatei lu pouts mera neien tere Sunahan.

Hibru 4:2

U Bulungana u Niga e la uama i tarara, temar la has uamen turu katuun teka i manasa. Nori i hengoe u bulungana, kaba u raranga teka ema taguhu raien, taraha nori i hengo papala tuneien bate hahamanar.

Hibru 6:7

E Sunahan e kalaleiena a kui te ue iena a langits te polona i tanen, taraha a kui teka e habutena a kannou a niga te taguhena a katuun terena kui.

Hibru 8:10

Ba Tsunono e mar ranga mera neien teka, “Nonei u hia hanhaniga u tsimus te kato gono megoi lia u katunura i Israel. Alia e hakei goua a lo i tar turu hakhakats i taren na i tori ren, ba nori te hakats kap nitöa narouen bate kukutie ren. Ba lia te tsunono ragouen ba nori te hun katuun uariou i tar.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita

1 Jon 5:20

Ara e atei silera a Pien Tson tere Sunahan e la silema i puta tegomi hala meraien ra a niatei tegi tatei atei sil menai ra e Sunahan hamana. Ara e ka gono mera e Sunahan hamana na e Iesu Kristo a Pien Tson i tanen. Nonei a Sunahan hamana teka, na a katuun te pala uana tara Pien Tson i tanen e ka mena a nitöatöa te ka nitöana.