Matiu 13:21 - U Bulunagana U Niga

²¹ Kaba nori ema lu hongo menari u raranga tere Sunahan i taren, ba nori te ka taleier a tsitabubun pöata puku. Ba pöata te omi mera rien u katuun te hamana mena rien u raranga tere Sunahan bate kato hatiamer u hakhakats i taren, ba nori te tori polasa boroboro tuneren.

Matiu 13:21 Iomraidhean Croise

Matiu 10:22

U katuun u parpara koru e omi rariou limiou te hamana uami limiou i tar. Kaba a katuun te hamana nitöa uana i tar, e Sunahan e lu pouts mena noien i tanen.

Matiu 11:6

Na esi a katuun te hamana nitöa uana i tar e sasaala nou!”

Matiu 13:20

Na man ngal ti tsihasa naia turu tsiktsiki te ka mena u lapo e here nei u katuun te hengoer u raranga bate toul boroboro merien a nisasaala.

Matiu 13:57

Ba nori e raharahe ren. Be Iesu e poeiena i taren, “A propet tere Sunahan e ka mena a solo turu han hoboto. Kaba u katunura i han pouts i tanen na i luma has i tanen nori ema hatsitsie rien nema hatsunone rien.”

Matiu 13:6

Ba pöata te la seima a pitala me piri halangoe nen, taraha nori ima kanoa mei ta poloso.

Matiu 24:13

Kaba u katuun te pile kap ner romana a markato tere Sunahan tara pöata a omi teka batema hapolaserien, e Sunahan e lu pouts mera noien i tanen.

Matiu 26:31

Be Iesu e poeiena i taren, “Alimiou hoboto e matout mou bate laba namou lia i bong teka. Taraha, e Sunahan e mar ranga uu teka turu Buku u Göagono: ‘Alia e atung hamate gou romana a katunun taratarakap ba heis sipsip te bus kalakalar romana.’

Matiu 26:33

Be Pita e rangana me poeiena i tanen, “U katuun hoboto teka e laba nariou lö romana, kaba lia ema antunan laba nagilö romana!”

U Bulungana u Niga tere Iesu Kristo te kolotein e Mak 4:17

Kaba ema tasu hatsiruku bala nei ba pöata te butu nama a pöata a omi, u nihamana i taren tere Sunahan e taia ba ranen.

U Bulungana u Niga tere Iesu Kristo te kolotein e Luk 8:13

Na man ngal ti pururukuia turu tsiktsiki te ka mena u lapo e hatei nena a pala te hengoer u raranga bate sasaala koru meren. Kaba u raranga ema la koru uanei turu hakhakats i taren. Bate hamana meier a tsitabubun pöata, ba pöata te butuna u hiamus, ba nori te kurapa hobotor.

U Bulungana u Niga tere Iesu Kristo te kolotein e Jon 6:26

Be Iesu e poeiena i taren, “Alia e hatei hamana koru ragou limiou, alimiou ema sake memi lia tu tara mena mei limiou a man mirakol i tar. E möa, alimiou e sake memu mei lia tu hanou hamasul mera mei lia alimiou.

U pas te koloto menai e Pol turu kristenira i Rom 2:7

A palair u katuun e roron kato haniga siler tegi hapan meraien e Sunahan bate solosei ranen, na tegi lu menaien a nitöatöa teka nitöana. Ne Sunahan e hala ranouien romana a nitöatöa te ka nitöana.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Galesia 6:12

U katuun te tuke mera rilimiou u hapö e ngil tuneier tegi tara marei meraien na tegi ma ha kamits merain te hamana mena rien a tou mate puku tere Kristo te tatei lu pouts mera nei u katuun tere Sunahan.

Galesia 6:15

Te hapö menari a hatöatongo tere Sunahan i pikpiköna katuun na tema hapö hasneia a katuun, e here hoboto talenei a manka palapala. A ka puku lasi te panina, te kato hatsimus merai ra e Sunahan.

Epesis 3:17

Na lia e singo sil hasegu e Kristo e tatei kana i torimilimiou, alimiou te hamana mia i tanen. A mouna ka te singo sil korue gulia, turu hakhakats na markato i tamilimiou: alimiou go hiangilngil iam.

Pilipai 1:6

Alia e atei silegu e Sunahan e hatania hakapi a toukui a niga teka i tamilimiou, e antunana te kapa nitöa nen romana tara pöata te butu nama romana u Lan u Kapan tere Iesu Kristo.

2 Timoti 1:15

Alö e atei silem u katuun hoboto tara provins i Eisia i la ba naiou lia, na e Pitselas mere Hemotsenis has.

2 Timoti 4:10

Taraha, e Demas e ngil koruena a han i puta teka. Nonei e laba hakapa naiou lia me lauana tara taun i Tesalonaika. E Kresens e la uu tara provins i Galesia na e Taitus e la uu tara provins i Dalmesia.

Jemis 3:2

Te antunan hakui nena a töa katuun a rungnen batema ranga nanei ta ka ta omi, a katuun teka te antunan hakui haniga hasena a peisanen hoboto.

1 Pita 1:5

Na tara nihamana i tamilimiou na nitagala i tanen, nonei e tara kap ranou limiou, e antunana tena lue moua limiou a nihitaguhu teka te hahalosena tegi haröto menaien tara kapakapana a pöata.

Revelesin 2:13

Alia e atei silegu a han te ka mia limiou, a han te ka hasina u gumgumun tsunono tere Satan. E Antipas e hihatuts haniga beiou lia tara han teka, ba nori e atung hamatie ren. Kaba limiou uma hapolase mi lia. Alimiou e hamana noa hase moulia.