Matiu 13:19 - U Bulunagana U Niga

¹⁹ U katuun te hengoer u raranga tara nipepeito kap ba tema atei silerien, e Satan ena la nama romana bate lubanena a tsi niatei te kana i tori milimiou. E herenei a man ngal ti tsihasa naia i maroro.

Matiu 13:19 Iomraidhean Croise

Matiu 12:26

Ga tega tsugeia e Satan u katuun i tanen pouts, ga nonei e luba pouts has nanen i tanen pouts. Bora, ga nipepeito tere Satan e mar tagala uanou ime?

Matiu 13:20

Na man ngal ti tsihasa naia turu tsiktsiki te ka mena u lapo e here nei u katuun te hengoer u raranga bate toul boroboro merien a nisasaala.

Matiu 13:38

Na kui e here nei u han hoboto i puta. Na man ngal a man niga e here nei u katunura tara Nipepeito tere Sunahan. Na u pulung u omi e here nei u katuun tere Satan.

Matiu 4:23

E Iesu e hula laia tara man han hoboto i Galili, me hihatutsna tara man luman lotu turu Jiu. Nonei e hihatutsin u Bulungana u Niga tara Nipepeito tere Sunahan bate kato haniga pouts has raiena u katuun ti ka mei a mamana mar siki.

Matiu 5:37

Alimiou go poe tuun laseiam, ‘Aa’ tsi ‘E möa.’ Ta saha ta ka te ranga lel namou limiou e la hamanasa tala nama tere Satan.”

U Bulungana u Niga tere Iesu Kristo te kolotein e Mak 4:15

A man ngal te pururukuia i maroro e here ri u katuun te hengoer u raranga batema pina nei be Satan temi gulena u raranga te lu menarien i toriren.

U Bulungana u Niga tere Iesu Kristo te kolotein e Luk 10:9

Alimiou go kato haniga pouts raiam u katuun te ka mer a siki nonei tara taun, bate mar ranga hatei meramien teka, ‘A nipepeito kap tere Sunahan e susuku hakapa uama i tamilimiou.’

U Bulungana u Niga tere Iesu Kristo te kolotein e Luk 9:2

Ba nonei e hala mera neien tegina hihatutsla menaien a Nipepeito tere Sunahan na tegina kato haniga pouts meraien u katuun.

U Bulungana u Niga tere Iesu Kristo te kolotein e Jon 18:38

Be Pailat e poeiena i tanen, “Aha nonei, u Mana?” E Pailat e ranga hakapa me lakasa pouts uana turu Jiu me poeiena i taren, “Alia ema sabiegi ta ka ta omi tara katuun teka.

U Bulungana u Niga tere Iesu Kristo te kolotein e Jon 8:43

E hana ba limiou tema atei silemi a ka te ranga negu lia? Taraha, alimiou ema ngilin hengo nami u raranga i tar.

Aposol 17:32

U katuun i hengo hakapi u raranga tere Pol. Ba pöata ti hengo naien a katuun e takei poutsia tara tou mate, ba palai e gol hahamana naren. Kaba palai i pei, “Alam e ngilin hengoem u raranga i tamölö tara tana pöata.”

Aposol 18:15

Kaba temi ranga menamilimiou a man ranga pinopino na man solo na man lo peisa i tamilimiou, alimiou peisa tego hamatsköeiam a ka teka. Alia ema antunan hengoegi u kout turu mar ranga teka.”

Aposol 20:25

E Pol e ranga lel me poeiena, “I manasa tu tataala ia lia i gusumilimiou, ba lia te hatei negu u rangana tara Nipepeito tere Sunahan. Kaba lia e hatei ragou limiou, alimiou hoboto ema tara lele moui lia.

Aposol 28:23

Ba nori e hakeier u lan tegi gono hoboto meien e Pol, ba u katuun u parpara e la uarima tara makum te kaia e Pol. Tara bongbong mena antunena a lahibong nonei e ranga hatararein a Nipepeito tere Sunahan. Nonei e kato sil tega antunan palis meien u hakats i taren tere Iesu, bate hatei raneien u raranga te kana tara Lo tere Mosis na u raranga turu propet.

U pas te koloto menai e Pol turu kristenira i Rom 1:28

U katuun ima hakats nai e Sunahan na i raman ka mei a niatei a niga, ba nonei e töa rongaronga ranen tegi ka noahas menaien u hakats u omi na tegi kato homi has menaien a markato a omi.

U pas te koloto menai e Pol turu kristenira i Rom 14:17

Taraha, a Nipepeito tere Sunahan ema kannou nei na ema kaan ua nei. E möa. A Nipepeito tere Sunahan a mouna a markato a matskö i matana e Sunahan na masalohana na nisasaala te hala ranei ra u Namnamei u Göagono.

U pas te koloto menai e Pol turu kristenira i Rom 2:8

Na palair u katuun e hakats peisa ner a peisaren bate tori tsuga ba ner u raranga u mana bate kukuteier a markato a omi. Na e Sunahan e raharaha ranouen bate hahuna ranen romana.

Epesis 3:8

Alia e ka puta koru gia turu katuun hoboto tere Sunahan. Kaba e Sunahan e taatagi naiou lia me hale ne lia a toukui tego hahatei merai lia alimiou u katuun tema Jiu ri a manka a man kapan te nigana tere Kristo, bate haröto has ragi u katuun hoboto temar butu hamana uanou u raranga te hamouseier tere Sunahan. E Sunahan te habuti a mamanaka, e hamous u raranga teka tara man pöata i manasa noa.

2 Tesalonaika 2:12

Ba u katuun hoboto tema hamaneri u raranga hamana te lue riou a nihahuna, nori a pala te ngil koruer a markato a omi.

Hibru 2:1

Nonei tegi pile hakarapoto beira u raranga u mana ti hengoen ra. Ara ena mots hapolasa susul ba naren.

1 Jon 3:12

Ara gima here ii e Kein nonei e pala uu tere Satan, ba nonei e atung hamateiena e toulanen e Ebol. Nonei e atung meien a markato i tanen e omi ba markato tere Ebol te matsköna.

1 Jon 5:18

Ara e atei silera a katuun te pien uana tere Sunahan ema tatei kato homi hiton nei, taraha a Pien Tson tere Sunahan e pepeito kap nitöa nanen, na e Satan ema antunan kato homi naneien.

1 Jon 5:20

Ara e atei silera a Pien Tson tere Sunahan e la silema i puta tegomi hala meraien ra a niatei tegi tatei atei sil menai ra e Sunahan hamana. Ara e ka gono mera e Sunahan hamana na e Iesu Kristo a Pien Tson i tanen. Nonei a Sunahan hamana teka, na a katuun te pala uana tara Pien Tson i tanen e ka mena a nitöatöa te ka nitöana.