Matiu 12:3 - U Bulunagana U Niga

³ Be Iesu e poeiena i taren, “Alimiou go mala rit hanigeiam a ka te katoe e Devit na man hahikapien i tanen tara pöata ti bes ien.

Matiu 12:3 Iomraidhean Croise

Matiu 12:2

Pöata ti tareia u Parasi a ka teka ba nori e poeier tere Iesu, “Tara, u katunun tsitsilo i tamölö e katoeier a ka tema antunan kato nari turu Lan u Göagono.”

Matiu 12:4

Ba nonei e tasuna tara luma tere Sunahan me nouena a beret a göagono ti hakeia i matana e Sunahan. Taraha, nonei na man hahikapien i tanen egima tatei noueien. Taraha, a beret puku turu pris.

Matiu 12:5

Na limiou go mala rit hanigeiam a Lo tere Mosis te hatei nena u pris puku lasi te tatei kui ria iahana Luman Lotu Pan turu Lan u Göagono.

Matiu 19:4

Be Iesu e ranga palis ranen me poeiena, “Alimiou u rit haniga haseiam u raranga te kana turu Buku u Göagono te poeiena, ‘tara tantania e Sunahan e kato raien a tson na tahol, Nonei te laba silanena a tson e tamanen na e tsinanen batena ka gono mena a tahol i tanen ba nori a huol te katoeier u töa puku u tuenrei.’

Matiu 21:16

Ba nori e poeier tere Iesu, “Alö e hengoeiem a ka te ranga naren?” Be Iesu e poeiena i taren, “Alia e hengogu. Alimiou toum ima rit hanigemi u ranga teka, ‘A galapien u tetenei egi solosei a solo mölö.’”

Matiu 22:31

Kaba tara tou takei pouts turu katuun ti mate, alia e ngilin rangata ragou limiou: alimiou u rit haniga haseiam u raranga tere Sunahan te ranga naien i tamilimiou?

U Bulungana u Niga tere Iesu Kristo te kolotein e Mak 12:10

Alimiou u taratara haniga haseiam u raranga teka? ‘A hatu ti raman u katunun kui tara luma me hapiraka ba naier, nonei a hatu te niga balana tara toukuina tara luma.

U Bulungana u Niga tere Iesu Kristo te kolotein e Mak 12:26

Na turu rangana turu katuun ti mate hakapa bate takei pouts riou tara tou mate, alimiou toum uma ritemi a makumun ranga iahana u buku tere Mosis te hatei nena u ruei te kulupu? Tara makum teka e Sunahan e ranga mei e Mosis me poeiena, ‘Alia a Sunahan tere Abraham na a Sunahan tere Aisak ne Sunahan tere Jekop.’

U Bulungana u Niga tere Iesu Kristo te kolotein e Luk 10:26

Be Iesu e poeiena i tanen, “Aha te ranga nena u Buku u Göagono? Alö e mar atei mena mien ime?”

U Bulungana u Niga tere Iesu Kristo te kolotein e Luk 6:3

Be Iesu e ranga palis ranen, “Alimiou ego mala rit hanigeiam a ka te katoe e Devit. Tara töa pöata nonei na u katuun i tanen i möa ta kannou ba nori e besir.