Matiu 11:8 - U Bulunagana U Niga

⁸ Tsi alimiou u la sile mula tegona tara menami u katuun te ka meier u hasobö u niga koru? Kaba a mar katuun teka e kana tara mar luma a nigan töa tere king.

Matiu 11:8 Iomraidhean Croise

Matiu 11:7

Na pöata ti la poutsia u katunun tsitsilo tere Jon, be Iesu e tanian ranga hatei ranei u katuun e Jon me poeiena, “Alimiou i la sile mula egona tareiam a saha ka tara makum a palaka? Toum romana u nga te gagas mena te pihu mena neien a lomolomo?

Matiu 11:9

Tsi alimiou u la sile mula tegona tara menami a propet? Aa, alia e hatei ragou limiou e Jon a propet hamana.

Matiu 3:4

E Jon e roron hasogi u hasobö ti katoei a huluna a kemol, bate pouseiena a lete. Na nonei e roron noui a köno na möröana.

U Bulungana u Niga tere Iesu Kristo te kolotein e Luk 7:25

Tsi alimiou u la sileiam tegona tara menami a katuun te hasogo haniga koruna? Kaba a mar katuun teka e kana tara luma pan a tsimala koru. E ma tatei ka neia tara makum a palaka!

1 Korin 4:11

I romana noahas alam e besim na e maka hasim. A man hasobö i tamulam e taktakiis hakapa. Na u katuun e muku rariou lam. Na lam e hula lam bate möam ta luma.

2 Korin 11:27

Alia u kamits koru mei a toukui pan i tar. A para a bong alia u namala soho ii. Alia u bes koru na u maka koru has. Tara parpara a pöata alia uma kamei ta kannou na tu hasobö na ta makumun soho.

Revelesin 11:3

Na lia e hale goi a huol a tson hahatei i tar a nitagala te hahatei menaroien u raranga tere Sunahan, e antuna noa turu 1,260 u lan. Ba nori te hasoge riou u hasobön mo.”