Matiu 11:5 - U Bulunagana U Niga

⁵ U katuun u kiou e tara poutsur, na u katuun u mou omi e tataala poutsur, nu katuun u toba e gogoso poutsur, na u talinga tupu e hengo poutsur, nu katuun ti mate e töatöa poutsur. Na u Bulungana u Niga e lauama turu katuun papala.

Matiu 11:5 Iomraidhean Croise

Matiu 10:8

Alimiou go kato haniga pouts raiam u katuun te ka mer a siki na ego hatakei pouts has raiam u katuun ti mate. Ba limiou te kato haniga pouts ramiou u katuun u toba bate tsuga ba has ramiou u liliahanei u omi. Alimiou uma hole mi a nihitaguhu alimiou u lu pukpukuemen, na taguhu tala raiam u katuun bate ma luemi ta hihol.

Matiu 11:4

Be Iesu e ranga palis ranen me poeiena, “La mula batena hateimi e Jon a ka te tare mula limiou na ka te hengoe mula limiou.

Matiu 12:13

Be Iesu e poeiena tara katuun, “Alö go haparori a limamölö.” Ba nonei e haparorena a limanen, me niga pouts here nei a hapalana a limanen.

Matiu 21:14

Ba u katuun u matakiou na u mou omi e la uarima i tanen iahana a Luman Lotu Pan ba nonei e kato haniga pouts ranen.

Matiu 5:3

Ba nonei e poeiena, “U katuun te kato hateteneier a peisaren egi sasaala. E Sunahan e ngö raneien u katunun sasaala, taraha a Nipepeito tere Sunahan e ka uana i taren.

Matiu 9:30

Ba man mata i taren e takalatana! Be Iesu e ranga hatagala mera nen me poeiena, “E möa tegona hatei mena milimiou ta katuun a ka teka!”

U Bulungana u Niga tere Iesu Kristo te kolotein e Mak 7:37

U katuun hoboto i asingoto koruni a ka teka, ba nori te poeier, “A mamanaka hoboto te katoenen e nigana. Nonei e kato haniga pouts rena u talingatu ba nori te hengo poutsur, na nonei e kato haranga pouts has rena u katuun u biru ba nori te ranga haniga poutsur.”

U Bulungana u Niga tere Iesu Kristo te kolotein e Mak 9:25

Pöata te tareia e Iesu a katuun a parpara i piata gögonoma, ba nonei e hakopiseiena a liliahanei me poeiena, “Alö a liliahanei te kato habiruem na te hasiköem a pien teka, alia e ranga megou lö, koul bani balö tema antunan ka lel mia i tanen.”

U Bulungana u Niga tere Iesu Kristo te kolotein e Luk 4:18

“U Namnamei tara Tsunono e kana i tar. Nonei e hopö kap naiou lia tego hahatei menai lia u Bulungana u Niga turu katuun ti möa ta ka. Nonei e hala namou lia tegomi habulungana menai lia u mar raranga teka: U katuun ti kitsir ena purese rariou, na u katuun u kiou e tatei tara pouts riou. Nonei e hala namou lia tegomi taguhu merai lia u katuun te tori tiamar. Taraha? Nori e pita puta rer.

U Bulungana u Niga tere Iesu Kristo te kolotein e Jon 10:25

Be Iesu e poeiena i taren, “Alia u hatei raiou limiou, kaba alimiou ema hamane milia. A man mirakol na man hiharöto te katoe gulia tara solo tere Tamar te hatei nena te mana uana u raranga i tar.

U Bulungana u Niga tere Iesu Kristo te kolotein e Jon 10:38

Kaba te katoegien lia, noahasina tema hamane milimiou alia, hamana mia tara toukui i tar ba limiou te atei sile mou e Tamar e kana i tar na lia e ka has gia i tanen.”

U Bulungana u Niga tere Iesu Kristo te kolotein e Jon 2:23

E Iesu e kaia i Jerusalem tara pöata ti kateia u Jiu a kannouna turu Paska i taren. A parpara a katuun e hamanaia i tanen, taraha nori i tari a man mirakol te katoeien.

U Bulungana u Niga tere Iesu Kristo te kolotein e Jon 5:36

“Kaba a ka te pan bala nena e Jon e hatei has nanou lia. E Tamar e hanigein tego kui menai lia a man mirakol. Na man mirakol has te katoe gulia e haröto nena e Tamar has te tula na moulia.

U Bulungana u Niga tere Iesu Kristo te kolotein e Jon 9:7

Be Iesu e poeiena i tanen, “La tala, ba lö tena galusem a matamölö tara kioun ramun i Siloam.” Ba nonei ena galusena a matanen, ba pöata te kopis pouts men nonei e tara haniga pouts.

Aposol 2:22

“Alimiou u katunura i Israel, hengoeiam u raranga i tar. E Iesu na i Nasaret nonei a katuun te hopö kapiin e Sunahan. Na e Sunahan e haleien a nitagala ba nonei te katoeiena a man mirakol pan i matamilimiou, na manka teka e harötein te mana uana e Iesu. Alimiou e atei sile miou a ka teka, taraha nonei e butuia tara han teka.

Jemis 2:5

Hengoiam, a matsomi i tar. E Sunahan e hopö kapir u katuun papala tara han i puta, u katuun te hamana haniga uaier tere Sunahan. Be Sunahan te poeiena u mar katuun teka te ngile nen, e lue riou a Nipepeito tere Sunahan.