Matiu 11:23 - U Bulunagana U Niga

²³ Na limiou u katunura i Kapenium e tatei soloseiemiou a peisa milimiou i kolö, kaba e Sunahan e lapo ba has ranoua limiou i hel! Sanena e Sunahan te katoe u mar mirakol teka tara taun i Sodom, a taun i Sodom sanena e ka noa hasina i romana.

Matiu 11:23 Iomraidhean Croise

Matiu 10:15

Alia e hatei hamana koru ragou limiou, a nihahuna tara taun teka e pan bala koru nanou a nihahuna tara taun i Sodom na i Gomora.”

Matiu 16:18

Na lia e hateie goulö, alö e Pita, a hatu. Na ieluna a hatu teka alia e hatakeiegoa a luman lotu i tar i tanen. Na nitagala tara tou mate ema antunan tagala saluhe ba na nouien.

Matiu 17:24

Ba tara pöata te la uu e Iesu na u katunun tsitsilo i tanen i Kapenium, ba u katunun lulu monina tara Luman Lotu Pan e la rima memi rangateier e Pita, “A tson hihatuts i tamilimiou e hol hasena a takis tara Luman Lotu Pan, tsime?”

Matiu 4:13

Ba nonei e laba nena i Nasaret mena kana tara taun i Kapenium i rehina a Ramun a Perperere i Galili. I Kapenium e kaia tara pala turu Sebulun na u Naptali, a huol a pala turu Jiu.

Matiu 8:5

Pöata te tataalaia e Iesu iahana taun i Kapenium, ba töa tsunono turu soldia e la uanama i tanen memi ranga hataatagina i tanen me poeiena, “O Tsunono, a katunun kui i tar e opö mena u tuenrei u matekata, na e sagoho koru hasena a kamits pan i peisanen.”

U Bulungana u Niga tere Iesu Kristo te kolotein e Luk 10:15

Na limiou u katunura tara taun i Kapenium e ngilin soloseie miou a peisa milimiou iasa, kaba limiou e lapo ba has raroua i hel!”

U Bulungana u Niga tere Iesu Kristo te kolotein e Luk 14:11

Taraha? A katuun te hapanena a solonen e hala puteier romana. Na katuun te hala puteiena a solonen, nonei ena luena romana a solo pan.”

U Bulungana u Niga tere Iesu Kristo te kolotein e Luk 16:23

Nonei ena sagohi a kamits pan i hel, ba nonei e tara seina me tarena e Abraham i lehana, ne Lasarus e kaia i rehinen.

U Bulungana u Niga tere Iesu Kristo te kolotein e Luk 4:23

Ba nonei e poeiena i taren, “Alia e atei silegu alimiou e katoe mou u rangan haharuei teka i tar, ‘O dokta, alö go kato haniga poutsi a peisamölö.’ Na limiou emar ranga has uamou teka i tar: ‘Alam u hengoin alö u katoe a man mirakol i Kapenium. E hana ba lö tema kato hasemi a man mirakol tara han pouts i tamulö?’”

Aposol 2:27

Taraha, alö ema laba namoi u namnamei i tar bate kakana tara makum turu mate. E möa. Alö ema haniga namoi tego koreme uu a tsomi i tamölö. E möa.

Aposol 2:31

E Devit e atei sil a ka teka ba nonei e ranga mam nena e Mesaia a katuun te hopö kapiin e Sunahan. Ba nonei e poeiena, e Mesaia ega takei poutsia tara tou mate i tanen. E markato uana teka, ‘E Sunahan ema laba naien ba nonei te kakana tara makum turu katuun ti mate. E möa. A tuenrei nen ema koreme ii.’

U pas te kolotein e Jut 1:7

Alimiou e atei sil hase miou a taun i Sodom na i Gomora na palair u taun has i rehiren. U katuun ti kaia tara man han teka i kato hohomi koru mei a peisaren ti hiakaka gono pouts u a pal tson na touhaliou has. Na ka teka e haröto nena ime temar hahuna mera neien romana, u katuun u omi turu tula te kulupu nitöana.

Revelesin 1:18

Na lia te töatöagu. Alia u mate, kaba lö go tara! Alia u töatöa poutsuma na lia e töatöa nitöa gou tara mamana pöata. Na lia te pan saluhe ba negu a tou mate na te tsunono negu a han turu mate.

Revelesin 11:8

Ba u tuenrei i taren te opöna romana tara kalana tara taun pan ti nila naia a Tsunono i taren tara kuruse. A man solon haharuei tara taun teka i Sodom na i Itsip.

Revelesin 20:13

Ba u katuun ti rukuia i tasi e takei poutsur, na u katuun hoboto ti mate i takei pouts has. Ba nori hoboto e kout merari a manka ti katoe len i puta.

Revelesin 6:8

Ba lia e taregu a hos a ngöngöana, na ka te osaia i tanen i ngöei a Tou Mate, na Han turu Mate te kukute hasukusukuia i tanen. Nori i hala rai a nitagala tegi kato hamate meraien u katuun i puta tara mar tou mate teka: a hiatatung, a bes, a siki, na ka a hie. Ba hatohatsina pala turu katunura i puta e mater.