Matiu 11:1 - U Bulunagana U Niga

¹ A pöata te hala hakapa neia e Iesu u raranga tara maloto na huol a katunun tsitsilo i tanen, ba nonei e lana mena hihatutsna tara man taun i taren.

Matiu 11:1 Iomraidhean Croise

Matiu 28:20

Ba limiou te hatuts ramien tegi kukute menaien a mamanaka tu ranga merai lia limiou. Bate hakats namiou: alia e ka gono nitöa mera gou limiou e antunanoa tara kapakapana a pöata.”

Matiu 4:23

E Iesu e hula laia tara man han hoboto i Galili, me hihatutsna tara man luman lotu turu Jiu. Nonei e hihatutsin u Bulungana u Niga tara Nipepeito tere Sunahan bate kato haniga pouts has raiena u katuun ti ka mei a mamana mar siki.

Matiu 7:28

Pöata te ranga hakapanaia e Iesu a manka teka ba u katuun e asingoto koru ner temar hihatuts uaien.

Matiu 9:35

E Iesu e hula laia tara mamana taun na man han hoboto. Ba e hihatuts lana tara man luman lotu turu Jiu bate habulungana la nena u Bulungana u Niga tara Nipepeito tere Sunahan. Na nonei e kato haniga pouts hasir u katuun ti kamei a mamana mar siki.

U Bulungana u Niga tere Iesu Kristo te kolotein e Mak 6:12

Ba maloto na huol a katunun tsitsilo e lar mena hahatei ner tegi palis menai u katuun a man markato a man omi i taren.

U Bulungana u Niga tere Iesu Kristo te kolotein e Luk 23:5

Ba nori e ranga hatagala korur me poeier, “Nonei e roron hatutsir u katuun turu han hoboto i Judia me kato hataktakei ranen. Nonei e taniama i Galili batemi hanöan töa na teka.”

U Bulungana u Niga tere Iesu Kristo te kolotein e Luk 8:1

Tara tana pöata be Iesu e hula lauana tara man taun na man han, me hatei la nena u Bulungana u Niga tara Nipepeito tere Sunahan. A maloto na huol a katunun tsitsilo i la gono meien, na palair a touhaliou has ti tsuga barai a man liliahanei a man omi na man siki has. Nori a man touhaliou teka: e Maria Matalina, ti tsuga banai a tohit a liliahanei a omi.

U Bulungana u Niga tere Iesu Kristo te kolotein e Jon 15:10

Te hengon töa namoua limiou u raranga i tar ba lia te ngil koru noahas ragou limiou, tu mar hengo has mei lia u raranga tere Tamar, be Tamar te ngil koru hase noulia.

U Bulungana u Niga tere Iesu Kristo te kolotein e Jon 15:14

Na te hengo hanige mia limiou u raranga i tar, alimiou u katuun i tar.

Aposol 10:38

E hatei nena e Iesu na i Nasaret. E Sunahan e hale meien u Namnamei u Göagono na nitagala has. Nonei e tataala bate taguhu rena u katuun na nonei e kato haniga pouts hasir u katuun hoboto ti ka mei a siki na u katuun te pile kapir e Satan, taraha e Sunahan e ka gono meien.

Aposol 10:42

Na nonei e ranga meraiou lam me poeiena, ‘Alimiou gona hahatei naiam u Bulungana u Niga turu katuun, ba tena hatei ramien e Sunahan e hopö kap naiou lia tego ona menai lia u katuun te töatöar na u katuun ti mate.’

1 Tesalonaika 4:2

Alimiou e atei silemiou u raranga tu hala railam alimiou, u raranga te hala has nema a Tsunono e Iesu i tamulam.

2 Tesalonaika 3:10

Pöata tu kaia lam i tamilimiou ba lam te hala rami limiou u raranga teka, a katuun tema kukui nei ema tatei nou has nei.

2 Tesalonaika 3:6

Alam e hatei ramou limiou a matsi hahatoulana, tara solona e Iesu Kristo a Tsunono i tarara, alimiou go ka halehana ba raiam a man hahatoulana a man karous tema hengori batema kukutie ri a ka tu hatuts railam alimiou.