Matiu 10:6 - U Bulunagana U Niga

⁶ Alimiou go la las uaiam turu sipsipira i Israel te tiar.

Matiu 10:6 Iomraidhean Croise

Matiu 18:10

Be Iesu e poeiena, “Alimiou go haneiam möa tu sigaleiam ta töa tara galapien teka. Na lia e hatei ragou limiou, u angelo i taren e tarakapin töa raren te ka rien tere Tamar i Kolö.

Matiu 18:11

Taraha, Alia u butun katuun silema tegomi lu pouts merai u katuun hoboto ti taia.

U Bulungana u Niga tere Iesu Kristo te kolotein e Luk 24:47

Na ka teka i koloto hasiin: u bulungana egi hatei la naia turu hun katuun hoboto i puta bate taniana i Jerusalem. Ba u katuun te palis ba ner a man markato a man omi bate hamana uaier tere Mesaia, e Sunahan e tatei luba nena a markato a omi i taren.

Aposol 13:46

Ti markato uaien teka be Pol mere Banabas e ranga hatagala korur me poeier, “E matsköna tu hala mam merai lam alimiou u raranga tere Sunahan. Kaba limiou e tori tsuga ba namen bate kato here nami a peisamiou u katuun te raman lu ner a nitöatöa te ka nitöana. Te kato uanen teka ba lam te la hamanasam tara pala tema Jiu ri.

Aposol 18:6

Kaba nori u Jiu i hipusiin u ranga i tanen me ranga sisi ria i tanen. Ba nonei e tohu ba nena u köahu turu hasobö i tanen te haröto merien a raharaha i tanen. Ba nonei e poeiena i taren, “Te tapolasa ba nemoa limiou e Sunahan bate tiamiou, a ka peisa noahas i tamilimiou. Alia u hatei hakapa railimiou u raranga u mana. Alia e la hamanasa tala uagou turu katuun tema Jiu ri.”

Aposol 26:20

Alia u la mam uu i Damaskus mena hatei ragi u katuun tegi hakapa menaien a man markato a man omi na man hakats a man omi i taren bate habirits uaier tere Sunahan, na tegi kato menaien a manka te haröto nena ti hakapa koru menaien a markato a omi na u hakats u omi i taren. Na lia u kato has uu iesana i Jerusalem na tara man han hoboto i Judia na turu katuun has tema Jiu ri.

Aposol 3:26

Be Sunahan e hopö kap nena a katunun kui i tanen e Iesu, me hala mam mena meien i tamilimiou tega kalala meraien limiou. Nonei e ngilin habirits ba ranei limiou a man markato a man omi i tamilimiou.”

1 Pita 2:25

Alimiou i here rami u sipsip ti hatutui a maroro i taren. Kaba limiou i la pouts hakapa uamuma tere Sunahan te taratara kap nena u namnamei i tamilimiou.