Matiu 10:5 - U Bulunagana U Niga

⁵ Nonei a maloto na huol a aposol teka e Iesu e tula ralen me poeiena i taren, “Möa tu la uaiam turu katuun tema Jiu ri na tara man han has i Samaria.

Matiu 10:5 Iomraidhean Croise

Matiu 22:3

Ba king e hala ralala u katunun kui i tanen egina ngö rema u katuun tegi la uama tara kannouna tara hitöl, kaba nori ima ngilin la uamei tara kannou.

Matiu 4:15

Ba nonei e poeiena, “U katunura turu tsiktsiki i Sebulun na turu tsiktsikina i Naptali, te ka ria tara maroro pan te la uana i tasi na turu tsiktsiki te kana i hapalana ramun i Jodan, na turu tsiktsikina i Galili te ka has ria u katuun tema Jiu ri.

U Bulungana u Niga tere Iesu Kristo te kolotein e Mak 6:7

Be Iesu e ngö rena a maloto na huol a katunun tsitsilo i tanen me tula ranen, a man huol tara man töa man makum. Ba nonei e hala raneien a nitagala tegi tsuga ba meraien u liliahanei. Ba nonei e poeiena i taren, “Möa tu söati ta ka tara nilala i tamilimiou. E möa has tu söateiam ta kannou na ta pora na ta moni. Kaba limiou e tatei luemiou u tukana, na e tatei hasogemiou u sendol na u töa puku u hasobö u ngahangaha.

U Bulungana u Niga tere Iesu Kristo te kolotein e Luk 10:1

I murina a ka teka ba Tsunono e hopö kap rena u tohit u maloto tara katuun. Nonei e ngilin hala huhuol mam mera leien tara man taun na man han hoboto te katsin la uaien.

U Bulungana u Niga tere Iesu Kristo te kolotein e Luk 10:33

Kaba a töa toun Samaria e gala sila hasia tara maroro teka. Ba pöata te tareien nonei a katuun me taatagi koru nanen.

U Bulungana u Niga tere Iesu Kristo te kolotein e Luk 17:16

Ba nonei e tuhopö nena i mouna e Iesu me haniga uana i tanen. A katuun teka a toun Samaria.

U Bulungana u Niga tere Iesu Kristo te kolotein e Luk 9:1

E Iesu e ngö gögoneir a maloto na huol a aposol i tanen me hala raneien a nitagala pan tegi tatei tsuga ba meraien u liliahanei u omi hoboto na tegi kato haniga pouts has merai u katuun ti ka mei a man siki.

U Bulungana u Niga tere Iesu Kristo te kolotein e Luk 9:2

Ba nonei e hala mera neien tegina hihatutsla menaien a Nipepeito tere Sunahan na tegina kato haniga pouts meraien u katuun.

U Bulungana u Niga tere Iesu Kristo te kolotein e Jon 17:18

Alö u hala mena mei lia turu katuun te ka mer u hakatsina i puta, na lia e hala has mera gien nonei noahas turu katuun teka.

U Bulungana u Niga tere Iesu Kristo te kolotein e Jon 20:21

Be Iesu e ranga lelna i tamulam me poeiena, “A masalohana e tatei ka gono mera noulimiou. E Tamar e tula mena mei lia i puta na lia te tula has ragou limiou.”

U Bulungana u Niga tere Iesu Kristo te kolotein e Jon 4:20

U tubumulam i hatsunoneia e Sunahan turu pokus te ka nama ili. Kaba alimiou u Jiu te peimiou u katuun egina hatsunoneia e Sunahan i Jerusalem.”

U Bulungana u Niga tere Iesu Kristo te kolotein e Jon 4:5

Ba nonei ena tukuna tara töa taun i Samaria te ngöeri Sikar i rehina a makumun tsiktsiki te halei e Jekop a pien i tanen e Josep.

U Bulungana u Niga tere Iesu Kristo te kolotein e Jon 4:9

Ba tahol e asingoto koruna me poeiena i tanen, “I me te kato koru uanen balö te rangate milia tu ramun? Alö a toun Jiu na lia a taholuna i Samaria.” (Nonei e mar ranga uu teka, taraha u Jiu ima ngil rai a tei Samaria. Na u Jiu mera tei Samaria ima hia lulu nai a manka i taren.)

U Bulungana u Niga tere Iesu Kristo te kolotein e Jon 7:35

Ba pal kapan turu Jiu e hiarangrangatar me poeier, “Ime te katsin la uana a katuun teka bara tema tatei sabie roien? Nonei e katsin la toum uana turu Jiu te ka kalakala ria turu han i lehana batena hatuts ranoien na u katuun has tema Jiu ri.

U Bulungana u Niga tere Iesu Kristo te kolotein e Jon 8:48

Ba u Jiu e poeier i tanen, “Alam ema gamo mi te pei mena milam alö a toun Samaria, na lö e kamem a liliahanei!”

Aposol 1:8

Kaba limiou e luemou u Namnamei u Göagono tere Sunahan ba nonei te hala ranoui limiou a nitagala. Ba limiou tena ranga hatei namoua lia i Jerusalem na i Judia na i Samaria na turu han hoboto i puta.”

Aposol 10:45

U Jiu ti la gono mema e Pita u katunun tsitsilo tere Iesu i asingoto koru, taraha e Sunahan e hala nema u Namnamei u Göagono i tanen turu katuun has tema Jiu ri.

Aposol 8:1

E Sol e hanigein te mate uu e Stiven. Nonei turu lan teka, ti tanian kato homi koru raia u kristen ti kaia i Jerusalem. I markato uu teka bu kristen hoboto e sata uaier tara man han iahana provins i Judia na i Samaria. U aposol puku ti ka noaia i Jerusalem.

1 Tesalonaika 2:16

Taraha, nori e hapiou rariou lam tegoma hatei menai lam u raranga tere Sunahan turu katuun halhal turu Jiu na tegoma lu pouts meraien e Sunahan. Nori u Jiu e kato homi nitöar, ti roron kato uaien. Kaba e Sunahan e hahuna tala ranouen romana.