Matiu 10:23 - U Bulunagana U Niga

²³ Na te kato homi raroa limiou tara töa taun, ba limiou te bus uamiou tara taina taun. Alia e hatei hamana nitöa ragou limiou, alimiou ema hakapa noa hase moi a toukui i tamilimiou tara mamana taun hoboto i Israel, ba lia tu butun Katunuma te la pouts guma romana.

Matiu 10:23 Iomraidhean Croise

Matiu 16:27

Alia lahas tu butun Katunuma te la gono meguma romana u angelo i tar turu ualesala pan tere Tamar, ba lia temi hala palis ragoui u katuun ti kato homi a ka a omi na u katuun ti kato haniga a ka a niga.

Matiu 16:28

Alia e hatei hamana ragou limiou, a palair u katuun te tuolur teka ema antunan materi, e antunana tegi tara menien Alia tu butun Katunuma ena la here gumei romana a king.”

Matiu 2:13

Pöata ti la hakapaia u tson atei, ba töa angelo tara Tsunono e butuna turu sinasoho tere Josep me poeiena i tanen, “Alö go takei ba lö te lu rem u mun tsinana, ba limiou te bus uamiou tara han i Itsip. Ba limiou tena ka möa i Itsip e antunana tara pöata te ranga lel goa lia i tamölö. Taraha, e King Herot e sake la nanou a pien bate atung hamatie nouen.”

Matiu 23:34

Tara markato teka alia e hala ragou limiou u propet na u katuun u atei na u tson ateira tara lo. Ba limiou tena atung hamate ramiou a palai bate tapala ramien tara kuruse bate kato hamate ramen, ba limiou te lahus ramia a palai turu luman lotu i tamilimiou bate kute meramien tara mamana man taun.

Matiu 23:36

Alia e ranga hamana koru mera goulimiou, a nihahuna tara man markato teka e lue mou limiou u katunura i romana!”

Matiu 24:27

Taraha, Alia tu butun Katunuma e la here gumei romana u kanaha te kanahana tara mamana makum turu kolö.

Matiu 24:30

“Ba u hiharöto i tar tu butun Katunuma te butuna romana i kolö. Ba mamana katununa i puta te matoutur romana bate taber, ba nori te tarer romana Alia tu butun Katunuma e la meguma romana u köasi i kolö na nitagala na u ualesala u kapan.

Matiu 24:34

Alia e hatei hamana koru ragou limiou, a mamanaka hoboto teka e butuna romana i mam te mate ria a palair u katuun te töatöar tara pöata teka.

Matiu 24:48

Kaba tega omia a katunun kui teka, ba nonei te rangana i torinen bate poeiena, ‘A katuun pan i tar ema sesein la pouts namei romana.’

Matiu 25:13

Be Iesu e poeiena, “Alimiou go haneiam, taraha alimiou ema atei silemi u lan tsi a aua te butu nama romana a Tsunono i tamilimiou.”

Matiu 26:64

Be Iesu e poeiena i tanen, “Alö peisa has te ranga namen. Na lia e hatei ragou limiou, i murina a pöata teka ba limiou te tare mou Lia tu butun Katunuma e gum goa tara pal matou tere Sunahan te tagala koruna, ba lia te la sila guma romana turu köasi i kolö.”

Matiu 4:12

Pöata te hengo naia e Iesu u raranga ti haka menai e Jon tara karabus, ba nonei e lana i Galili.

U Bulungana u Niga tere Iesu Kristo te kolotein e Mak 13:26

“Ba tara pöata teka u katuun ena tare riou alia, tu butun Katunuma e butu guma romana turu köasi bate lame guma a nitagala pan na u ualesala pan.

U Bulungana u Niga tere Iesu Kristo te kolotein e Luk 18:8

Alia e ranga meragou limiou, nonei e kato hakapa boroboro tune nou u kout i taren. Kaba pöata te la pouts guma lia romana i puta, alia tu butun Katunuma, alia e sabe has ragou u katuun te hamanar?”

U Bulungana u Niga tere Iesu Kristo te kolotein e Luk 21:27

Ba nori te tarer romana alia tu butun Katunuma e la sila guma romana turu köasi i kolö na nitagala na u ualesala pan.

U Bulungana u Niga tere Iesu Kristo te kolotein e Jon 7:1

Ba i murinen be Iesu e hula lana iahana a provins i Galili. Nonei ema ngilin lauai tara provins i Judia, taraha a pal kapan turu Jiu i Judia i sake lan ta maroro tegi mar atung hamate sila menaien.

Aposol 17:10

Ba tara bong turu lan teka bu katuun ti hamanaia tere Iesu e hala ba merari ere Pol mere Sailas tara taun i Beria. Ba pöata ti tuku hakapa ien i Beria ba nori ena tasu ria tara luman lotu turu Jiu.

Aposol 17:14

Ba u katuun ti hamanaia tere Iesu e hala ba menari e Pol i tasi, kaba ere Sailas mere Timoti i kakaia i Beria.

Aposol 20:1

I murina te kapaia u hiagetageta be Pol e hangö ralala u kristen ba nonei e hala nena u ranga ti kato hatagala raien. Ba nonei e töan la uana tara provins i Masedonia.

Aposol 8:1

E Sol e hanigein te mate uu e Stiven. Nonei turu lan teka, ti tanian kato homi koru raia u kristen ti kaia i Jerusalem. I markato uu teka bu kristen hoboto e sata uaier tara man han iahana provins i Judia na i Samaria. U aposol puku ti ka noaia i Jerusalem.