Matiu 10:2 - U Bulunagana U Niga

² Nonei teka a man solo tara maloto na huol a aposol tere Iesu: E Saimon ti ngö hasei e Pita. Ne Endru e toulana e Saimon. Ne Jemis a pien tson tere Sebedi. Ne Jon e toulana e Jemis.

Matiu 10:2 Iomraidhean Croise

Matiu 17:1

I murina u tönomo u lan be Iesu e lue raiena ere Pita, na u muntoulana ere Jemis mere Jon, me peigi pepeisa mera neien ieluna u pokus u pannen koru.

Matiu 20:20

Be tsinar a galapien tson tere Sebedi e la uarima tere Iesu na huol a pien tson i tanen, be tsinaren e hatukunna i matana e Iesu, me rangata nena tega haniga mei e Iesu u ngilngil i tanen.

Matiu 26:37

Ba nonei e la meraiena ere Pita mera huol pien tson tere Sebedi, a torinen e tiama koru me taatagi koruna.

Matiu 4:18

Pöata te tataalaia e Iesu i kotolana tara Ramun a Perperere i Galili, ba nonei e tareiena e Saimon ti ngö hase ii e Pita na e toulanen e Endru, bate hagala ria i ramun, taraha nori u katunun hagala. Nori i holei a kannou i taren a iena.

Matiu 4:21

Ba nonei e gamon la lenina me tarena u taina u mun toulana ere Jemis mere Jon, a galapien tere Sebedi. Nori i kaia tara tolaala i taren bate sugeier a man abe i taren, ba nonei e ngö ranen egi la gono meien.

U Bulungana u Niga tere Iesu Kristo te kolotein e Mak 1:29

A pöata ti laba naien a luman lotu ba nori e la uaier tara luma tere Saimon mere Endru, na e Jemis mere Jon i la gono has meraien.

U Bulungana u Niga tere Iesu Kristo te kolotein e Mak 13:3

Pöata te gum ia e Iesu turu Pokus tara Ruein Olip i hapalana Luman Lotu Pan, be Pita mere Jemis na e Jon na e Endru e rangata momouse ren me poeier i tanen. “Hatei ramou lam, i hangisa te butuna romana a manka teka, na u saha u mar hiharöto te haröto nanou a pöata tega butu ia a mamanaka teka?”

U Bulungana u Niga tere Iesu Kristo te kolotein e Mak 6:30

U aposol i kopis pouts uama tere Iesu memi hatei rien a manka ti katoe men na manka ti hihatuts namen.

U Bulungana u Niga tere Iesu Kristo te kolotein e Luk 11:49

E Sunahan, te ka mena u hakhakats u niga, e pei, ‘Alia e hala ragou u propet na u katunun raranga i taren. Ba nori te kato homi rer romana a palai i taren, bate atung hamate raier a palai.’

U Bulungana u Niga tere Iesu Kristo te kolotein e Luk 22:14

A pöata e butu hakapa be Iesu nu aposol e gum ria turu tebol.

U Bulungana u Niga tere Iesu Kristo te kolotein e Luk 22:8

Be Iesu e tula mera nei ere Pita mere Jon u raranga teka, “La mula ba limiou tena hamatsköe miou a manka, bara tena noue rou a kannouna turu Paska.”

U Bulungana u Niga tere Iesu Kristo te kolotein e Luk 5:10

Ti markato has uu ere Jemis mere Jon, a galapien tere Sebedi ti kukui gono mei e Saimon. Be Iesu e poeiena tere Saimon, “Ma matout ii. Alö a katuun a sosooho iena. Kaba tara man pöata te la nama, alö e na lu mera mumei u katuun i tar!”

U Bulungana u Niga tere Iesu Kristo te kolotein e Luk 9:10

Ba u aposol e kopis pouts rima tara nilala i taren memi hateieri e Iesu a mamanaka ti katoe men. Ba nonei e lu ranen me peigi pepeisa meraneien tara taun ti ngöe ii Betsaida.

U Bulungana u Niga tere Iesu Kristo te kolotein e Jon 12:22

Be Pilip ena hateiena e Endru. Bere Endru mere Pilip ena hateier e Iesu.

U Bulungana u Niga tere Iesu Kristo te kolotein e Jon 13:23

A aposol te ngil korui e Iesu e gum ia i rehina e Iesu turu tebol.

U Bulungana u Niga tere Iesu Kristo te kolotein e Jon 20:2

Ba nonei e piata uana tere Saimon Pita na i tar mena poeiena i tamulam, “Nori e lue lila e Iesu tara kiou, alam ema atei silemi ime tena hake lilen!”

U Bulungana u Niga tere Iesu Kristo te kolotein e Jon 21:2

Alam mere Saimon Pita, ne Tomas ti ngö hasei “e Didimus,” ne Natanielina i Kena i Galili, na lam a galapien tson tere Sebedi, na huol lel has a aposol i ka gonogono hoboto.

U Bulungana u Niga tere Iesu Kristo te kolotein e Jon 21:20

Be Pita e habirits uana i muriren me tare noulia, tu kukute mera meien lia, alia tu ngil korui e Iesu. (Alia a katuun tu habuaia tere Iesu tara kannou me poeiegu, “O Tsunono, esi nonei te haröto nanou lö turu katuun te paköe riou lö?”)

U Bulungana u Niga tere Iesu Kristo te kolotein e Jon 21:24

Alia e Jon, a katunun tsitsilo tere Iesu te koloto negu a manka teka. Alia u tara peisein a matar balia te hatei nagen, na lam e atei silem te mana uana u raranga teka.

U Bulungana u Niga tere Iesu Kristo te kolotein e Jon 6:67

Be Iesu e rangata rena a maloto na huol a katunun tsitsilo i tanen me poeiena, “Alimiou has e ngilin la miou?”

U Bulungana u Niga tere Iesu Kristo te kolotein e Jon 6:70

Be Iesu e ranga palis ranen me poeiena, “Alia u hopö kap riou limiou a maloto na huol a katuun. Kaba a töa i tamilimiou a katuun tere Satan.”

U Bulungana u Niga tere Iesu Kristo te kolotein e Jon 6:71

Nonei e rangein e Judas a pien tere Saimon Iskariot. E manana, nonei a töa tara maloto na huol a katunun tsitsilo tere Iesu, kaba nonei tena harötein e Iesu turu katuun ti korupakö naien.

U Bulungana u Niga tere Iesu Kristo te kolotein e Jon 6:8

Ba töa katunun tsitsilo i tanen, e Endru e toulana e Saimon Pita, e poeiena i tanen, “A töa pien tson e kana teka, e ka mena a tolima a bali beret na huol a iena. Kaba ema antuna noi tara katuun a parpara koru teka.”

Aposol 1:13

Pöata tina tukuien i Jerusalem ba nori e sei uaier tara rum iasa ti kaien. Nori ere Pita mere Jon ne Jemis ne Endru, ne Pilip ne Tomas ne Batolomio ne Matiu. Na e Jemis a pien tere Alpius, ne Saimon a katuun te tagala bei a han i tanen, ne Judas a pien tere Jemis.

Aposol 1:26

Ba nori e hongo hoboter a man hihase tara huol, ba u hihase tere Matias e talous mam nama, ba nonei e hatahongo taleria tara maloto na töa a aposol ba u hihase i taren e onoto poutsuna.

Aposol 12:2

Nonei e hangats hamateni e Jemis e toulana e Jon u kilatan hiatatung.

Aposol 3:1

Turu töa u lan e Pita mere Jon i la uu tara Luman Lotu Pan tara pal 3 kilok tara lahi, a pöatan singo.

1 Korin 15:7

Ba nonei e butu lel na tere Jemis, na turu aposol hoboto.

Epesis 4:11

Na nonei e hala nema a man nitagala teka turu katuun: a palai i hala ramei a nitagalana tara aposol, na palai a nitagalana tara propet, na palai a nitagalana tara tson hahabulungana, na palai a nitagalana tara tsonun halotu na tson hihatuts.

Hibru 3:1

A matsi hahatoulana, e Sunahan e ngö sil railimiou tego katuun uaiam limiou i tanen. Na limiou go hakats naiam e Iesu. E Sunahan e hala sile mei e Iesu tegomi aposol uen turu lotu i tarara na tegomi tsunono pan meraien u pris turu lotu i tarara.

1 Pita 1:1

Alia e Pita, a aposol tere Iesu Kristo, e hala menagi u pas teka turu katuun tere Sunahan te sata la ria tara man han i Pontus na i Galesia na i Kapadosia na i Eisia na i Bitenia.

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.

2 Jon 1:1

Alia e Jon, a tson a kapan i tamilimiou. Alia e koloto menagi u pas teka i tamölö a tahol te hopö kapiin e Sunahan na galapien has i tamölö. Alia na u katuun hoboto te atei silem u hihatuts u mana, e ngil hamana koru ramou limiou, taraha u raranga u mana e ka nitöana i torirara.

3 Jon 1:1

Alia e Jon, a tson a kapan i tamölö e hala menagi u pas teka i tamölö o Gaius a katuun te ngil korue gulia.

Revelesin 1:1

U hiharöto tere Iesu Kristo. E Sunahan e haleien a manka teka ega haröto raien u katunun kui i tanen a manka tena butu nou romana. E Kristo e hala mena mei a angelo i tanen i tar, alia e Jon a tsonun kui i tanen, me haröte nei lia a manka teka.

Revelesin 1:9

Alia e Jon, a hahatoulana i tamilimiou turu katuun te hamana ria tere Iesu. Alia e sagoho hasegu a kamits te sagohe milimiou, ba ra te pile hakarapoto ria tara Nipepeito tere Iesu. Alia i kitse iou mena hake ria tara tolo te ngöeri i Patmos, tu hihatuts naia lia u raranga tere Sunahan na manka a man mana te harötein e Iesu.

Revelesin 18:20

Kaba alimiou u katunura i Kolö, alimiou go sasaala meiam te taia uanen. Alimiou u katuun tere Sunahan na u aposol na u propet ego sasaala iam. Taraha? E Sunahan e hahuner u katuun tara taun teka tara manka man omi ti kateien i tamilimiou!”

Revelesin 22:8

Alia e Jon. Alia nonei tu hengo a manka teka na tu tareien. Pöata tu hengo hakapeien lia na tu tara hakapeien lia, ba lia e tuhopö nena i mouna a angelo te haröte ii lia a manka teka tego hatsunono uu lia i tanen.