Matiu 10:19 - U Bulunagana U Niga

¹⁹ Na pöata te kout rarouen limiou, e möa tu hakats haparpara balö te poeiem, ‘Ime tala temar ranga uagou lia? Na, aha tala te pei gou lia?’ Nonei koru has tara tsi pöata teka alimiou e hala raroui a ka tego ranga naiam limiou.

Matiu 10:19 Iomraidhean Croise

Matiu 10:18

Nori e haka raroua limiou i matar u tsunono na u king te hamana uami limiou i tar, taraha u ngilngil i tar tego hatei meramien limiou u Bulungana u Niga, bate hatei has ramiou u katuun tema Jiu ri.

Matiu 6:25

“Nonei te hatei sila ragia lia limiou: alimiou goma hakats silemi a nitöatöa i tamilimiou bate poe miou, ‘A saha ka te noue riou? Na saha ka te ue riou?’ Na limiou goma hakats silemi u tuenrei i tamilimiou, na tu hasobö tegi hasogi. A nitöatöa e pan bala nena a kannou, na u tuenrei e pan bala nena u hasobu.

Matiu 6:31

Alimiou goma hakats balami bate peimiou, ‘Aha te noue rou ra? Na ha te ue rou ra na te hasoge rou ra?’

Matiu 6:34

Na limiou egoma hakats hapara sile mi u lan i mahö, taraha u lan i mahö e ka menou u tana u mar hakhakats peisa i tanen. Na nitiamana i romana e antuna puku hasna i romana.”

U Bulungana u Niga tere Iesu Kristo te kolotein e Luk 12:11

Na pöata te kout raroen limiou ba limiou te tuol mia iahana u luman lotu na i matar a pal kapan, e möa tego hakats hapara uaiam limiou bate pei miou, ‘Ime temar ranga uagou lia?’

U Bulungana u Niga tere Iesu Kristo te kolotein e Luk 12:12

Taraha? U Namnamei u Göagono te hatuts ranei limiou romana a ka tego ranga naiam limiou.”

Aposol 6:10

Kaba u Namnamei tere Sunahan e hale ii e Stiven a niatei a niga koru, nori ima antuna ii temar ranga sila uu e Stiven.

Pilipai 4:6

Alimiou goma hakats hapara nami ta töa ta ka. Kaba limiou go singo siliam a mamanaka, bate rangatemi e Sunahan a manka te makmakumuna i tamilimiou, ba limiou te haniga nitöa uamiou i tanen.

2 Timoti 4:17

Kaba a Tsunono e ka gono meiou lia bate hatagale noulia, ba u raranga te sila nama romana i tar, ba u katuun hoboto tema Jiu ri te hengoeren. Ba tara markato teka ba e Sunahan te luba nena lia i runguna a laion.

Jemis 1:5

Te möa na ta töa i tamilimiou tu hakhakats tu niga, nonei ego singo nitöa uu tere Sunahan be Sunahan te hale nen. Taraha, e Sunahan e tangana koru rena u katuun hoboto na ema lohale noi ta katuun te singo uana i tanen.