Matiu 10:16 - U Bulunagana U Niga

¹⁶ Be Iesu e poeiena, “Hengoiam! Alia e hala here ragoui limiou u sipsip te sila ria i gusura u muki u hie. Alimiou go tarakap here rami u kökötsi, ba limiou te here hase mi a kulu tema tatei kato homie nei ta ka.

Matiu 10:16 Iomraidhean Croise

Matiu 24:25

Hengoiam! Alia e hatei mammam ragilimiou a ka teka i mamina a pöata tena butu nen romana.

Matiu 24:45

Be Iesu e pei lelena, “Esi nonei ta katunun kui ta atei te tatei kato hanigan töa nena a toukui tanen? A Tsunono te tatei hataratara kap nanei a katuun teka a palair u katunun kui i tanen tega hala meraien a kannou i taren tara pöata hamatskö.

Matiu 25:2

A tolima a tahol a tutu na tolima a tahol atei.

Matiu 25:4

Kaba touhaliou u atei i luela a man lam i taren na man botolo karasin a man saputu.

Matiu 25:9

Kaba a tolima tahol a atei i ranga palis raien me poeier, ‘E möa. U karasin ema antunanei i tamilimiou na i tamulam has. Alimiou go la mula i stoa batena hol peise miou ta karasin i tamilimiou.’

U Bulungana u Niga tere Iesu Kristo te kolotein e Luk 10:3

La tala mula. Tara, alia e hala here ragi limiou u tunan sipsip te la uaier i gusur u muki u hie.

U Bulungana u Niga tere Iesu Kristo te kolotein e Luk 21:15

Taraha? Alia e hala ragi limiou romana a man raranga nu hakhakats u niga koru, ba u pakö i tamilimiou tema antunan tulaputa nari romana u raranga tego hala rilia limiou.

Aposol 20:29

Kaba alia e ateigu, te laba ragoua lia limiou ba u katunun hihatuts u omi te la rima romana i gusumilimiou batemi kato homi rariou limiou, bate here roi u muki u hie te kato homi raier u sipsip.

1 Korin 14:20

A matsi hatoulana, möa tu hakats here mi a pien. Kato here rami a galapien u tetenei te tutu ba ner a markato a omi. Kaba tara man palaina manka, mar hakats uaiam te hakats uana a katuun pan.

2 Korin 1:12

U mana nitöa, alam e tatei sasaalam bate ranga mem u hakats u gogoso nitöa ti marka uu lam tara niniganiga te hala railam e Sunahan, ba lam te kato hamatsköm bate kato haniga mia tara han i puta teka na i mata milimiou has. Alam uma kato mei a manka teka a niatei i tamulam, kaba tara niatei tere Sunahan.

2 Korin 11:14

E manana, e Satan e kato here has nai a peisanen a angelona turu ualesala.

2 Korin 11:3

Kaba lia e matoutegu, alimiou ena mots heremi e Eva te hengo sila nai u gamo tere Satan a kökötsi, batema hakats sil lenemi e Kristo puku lahas a töa.

2 Korin 8:20

Alam u kato mei a ka teka, u katuun ena mots hahatu merari lam a monin hitaguhu pan koru ti lu la ni lam.

Pilipai 2:15

Alimiou go ka halehana ba neiam a manka man omi. Alimiou u katuun tere Sunahan ego niga nitöaiam, noahasina te ka uami limiou i gusur u katuun u omi te katoeier a markato a tutu. Alimiou e ka heremi u ualesala i gusuren te alesala uana tara mamana han i puta.

Kolosi 1:9

Nonei koru a ka, te taniama tara pöata tu hengo naien limiou, alam uma hanöan singo sil rai limiou, tu rangata menai lam e Sunahan ega hatuts raiou limiou bate atei haniga sile miou u ngilngil i tanen. Alam u singo sil hasi tega hala menai u Namnamei i tanen u hakhakats u niga, ba limiou te antunan kato uamou temar ngil uana a Tsunono bate kato hasasaale men. Ba limiou te katoe mou a mamana markato a niga bate atei susul sile miou e Sunahan.

Kolosi 4:5

Hatara naiam a markato a niga na matskö te ka gono mera milimiou u katuun tema hamanari. Hahanei sil nitöa neiam a man pöata a man niga ba limiou te hatei ramien e Iesu.

1 Tesalonaika 2:10

Alimiou na e Sunahan has, alimiou u tareiam alam u kato haniga na u kato hamatskö tara pöata tu ka gono meraia lam alimiou. Alam uma katoei taka ta omi.

1 Tesalonaika 5:22

Na limiou go hatalis ba naiam a manka man omi hoboto.