Matiu 1:16 - U Bulunagana U Niga

¹⁶ Be Jekop e hatuhanena e Josep a tson tere Maria. E Maria te posei e Iesu, te ngö haseri e Kristo e Mesaia.

Matiu 1:16 Iomraidhean Croise

Matiu 1:15

Be Eliut e hatuhanena e Eliasa. Be Eliasa e hatuhanena e Matan. Be Matan e hatuhanena e Jekop.

Matiu 16:16

Be Saimon Pita e ranga palisenen me poeiena, “Alö e Mesaia te hopö kapiin e Sunahan. Alö a Pien Tson tere Sunahan te töatöa nitöana.”

Matiu 16:20

Be Iesu e ranga hatagala merena u katunun tsitsilo i tanen egima tatei hate ii ta katuun nonei e Mesaia.

Matiu 2:13

Pöata ti la hakapaia u tson atei, ba töa angelo tara Tsunono e butuna turu sinasoho tere Josep me poeiena i tanen, “Alö go takei ba lö te lu rem u mun tsinana, ba limiou te bus uamiou tara han i Itsip. Ba limiou tena ka möa i Itsip e antunana tara pöata te ranga lel goa lia i tamölö. Taraha, e King Herot e sake la nanou a pien bate atung hamatie nouen.”

Matiu 27:17

Ba tara pöata ti gonogonoia u katuun, be Pailat e rangata ranen, “Alimiou e ngilemiou esi tegi hapureseia tara karabus, e Barabas tsi e Iesu te ngöeri e Kristo?”

Matiu 27:22

Be Pailat e rangata ranen me poeiena, “Ga saha ka te katoe gou lia tere Iesu te ngöeri e Kristo?” Ba nori hoboto e poeier, “Nila namia tara kuruse!”

U Bulungana u Niga tere Iesu Kristo te kolotein e Mak 6:3

Nonei a kapenta, a pien tson tere Maria. Na u toulanen ere Jemis mere Josep ne Judas ne Saimon, na u hahinanen e ka has ria i gusu rara teka.” Ba nori e raharahe ren.

U Bulungana u Niga tere Iesu Kristo te kolotein e Luk 1:27

Nonei e la uu tara tahol a kukubei a solonen e Maria. Nonei a tahol ti hopö kap bei a töa tson a solonen e Josep, a hatutubunei tere Devit a King.

U Bulungana u Niga tere Iesu Kristo te kolotein e Luk 2:48

E tamanen na e tsinanen i asingoto koru hasiin ti tara menaien e Iesu. Be tsinanen e poeiena i tanen, “A pien i tar, taraha tsiponi balö te markato uaiem teka i tamulam? Alia ne tamamölö u lagi sakesake mölö me toku korum!”

U Bulungana u Niga tere Iesu Kristo te kolotein e Luk 2:7

Ba nonei e poseiena a pien tson a hamua i tanen me pitse neien u labalaba me hopöe nen tara bokisin nonou turu bulmakau. Taraha? E möa ta makum i taren tara luman soho.

U Bulungana u Niga tere Iesu Kristo te kolotein e Luk 3:23

Pöata te hatanieia e Iesu a toukui i tanen, nonei e ka toum mei u topisa u maloto u hiningal. E Iesu i ngöe ii a pien tson tere Josep. Na e Josep a pien tson tere Heli.

U Bulungana u Niga tere Iesu Kristo te kolotein e Luk 4:22

Ba nori e ranga haniga naren me asingoto koru ner u raranga u niga te katoeien. Ba nori e poeier, “Nonei a pien tere Josep, tsime?”

U Bulungana u Niga tere Iesu Kristo te kolotein e Jon 4:25

Ba tahol e poeiena i tanen, “Alia e atei silegu e Mesaia e la nama romana, a katuun te ngöeri e Kristo. Pöata te butu nen romana ba nonei te hatei ranoira a mamanaka hoboto.”