U Bulungana u Niga tere Iesu Kristo te kolotein e Luk 9:26 - U Bulunagana U Niga

²⁶ Sanena ta töa ta katuun ega matsingolo naioulia na u ranga i tar, ba lia tu butun Katunuma te matsingolo has nagen romana tara pöata te la meguma lia romana u ualesala i tar na tere Tamagulia na turu angelo u göagono.

U Bulungana u Niga tere Iesu Kristo te kolotein e Luk 9:26 Iomraidhean Croise

Matiu 16:27

Alia lahas tu butun Katunuma te la gono meguma romana u angelo i tar turu ualesala pan tere Tamar, ba lia temi hala palis ragoui u katuun ti kato homi a ka a omi na u katuun ti kato haniga a ka a niga.

Matiu 25:31

Be Iesu e ranga lenina me poeiena, “Alia tu butun Katunuma e la guma romana bate heregi a king, u angelo hoboto e la gono has meri mou lia romana. Na nonei a pöata teka, alia e gum goa turu gumgum u göagono i tar.

Matiu 26:64

Be Iesu e poeiena i tanen, “Alö peisa has te ranga namen. Na lia e hatei ragou limiou, i murina a pöata teka ba limiou te tare mou Lia tu butun Katunuma e gum goa tara pal matou tere Sunahan te tagala koruna, ba lia te la sila guma romana turu köasi i kolö.”

U Bulungana u Niga tere Iesu Kristo te kolotein e Mak 8:38

E resi te matsingolo nariou lia na u Bulungana u Niga i tar turu katunura i romana te katoeier a mamanaka a omi, a Pien Tson te butun Katunuma ena matsingolo has ranouen romana tara pöata te la gono menamen romana u angelona turu ualesala pan tere Tamar.”

U Bulungana u Niga tere Iesu Kristo te kolotein e Jon 12:43

Taraha! Nori i ngil koru tegi haniga meraien u katuun. Nori ima ngil korui tego haniga meraien e Sunahan.

U Bulungana u Niga tere Iesu Kristo te kolotein e Jon 5:44

Alimiou e mar hamana uamou i me te lu mena mi limiou a nipan te hala nena a taina a katuun, ba limiou tema sake mi a nipan te la nama tere Sunahan a töa puku tega kato hapan raiou limiou.

Aposol 10:22

Ba nori e poeier, “A töa tsunono tara ami, a solonen e Konilius, e tula rena moulam. Nonei a katuun a niga na nonei e hatsunono hasena e Sunahan, u Jiu hoboto e hanige ren. A töa angelo tere Sunahan e butuia i tanen me poeiena, ‘Alö gona ngöeiema e Saimon Pita ba nonei te la uanama i luma i tamölö, balö te hengo mia turu ranga i tanen.’”

U pas te koloto menai e Pol turu kristenira i Rom 1:16

Alia e haröto koru megu u Bulungana u Niga. E Sunahan e haleien a nitagala tego lu pouts merien u katuun hoboto te hamane ren, e la mam uana turu Jiu, bate töan la uana turu katuun tema Jiu ri.

2 Korin 12:10

Aa, alia e sasaala megu tema tagala uagi lia na te ranga hohomi menarilia u katuun i tar, na te hakamits menari lia, na nomi na u tori tiama te butu has ria i tar. Te butu silana a manka teka tema tagala uagilia tara solona e Kristo, alia e sasaalagu. Taraha, a pöata te haröto nena a manka teka alia ema tagalagi, nori e haröto has naier a nitagala tere Kristo.

Galesia 6:14

Kaba lia, alia e hatei ragoui u katuun a Tsunono puku i tarara e Iesu Kristo te mateia tara kuruse. A kuruse i tanen e mar mouna uana teka: a markatona i puta ema tagala lel nanei lia, na lia ema kato sil lel hasegi a markatona i puta.

1 Timoti 5:21

Alia e hala hatagale goi lö u raranga teka i matana e Sunahan na i matana e Iesu Kristo na i matar u angelo u göagono. Alö go hengo hanigei u raranga teka batema kato homie mi a tana katuun. Alö go markato merai u katuun hoboto iesana.

2 Timoti 1:12

Na nonei a ka te sagoho sila nagia lia a kamits. Kaba alia ema matsingologi, taraha, alia e atei silegu esi te hamana gia lia, na lia e atei sil hasegu nonei e antunan tara kap haniga nena a mamanaka te hataratara kap naien lia, e antunana turu Lan Pan tere Sunahan.

2 Timoti 2:12

Te tuol hakarapoto nitöa roua ra, a ra ena tsunono gono has merouen. Kaba te holis narouen ra, ba nonei tena holis has ranou ra romana.

Hibru 11:26

Nonei e mar hakats uu teka, e niga bala nena tegi hamana uu tara katuun tena la nama romana nonei e Mesaia, e noahasina ti ranga homi uu katuun i tanen. Kaba markato teka e niga balein a manka man niga hobotona i Itsip. Taraha, nonei e hahalosi u hamatana u niga tega haleien e Sunahan.

Hibru 13:13

Aragi laban a han te ka rara bate la uara tere Iesu ielesala, bara tena söata haseiera a nimatsingolo timar hamatsingolo has menai u katuun e Iesu.

U pas te kolotein e Jut 1:14

E Inok a hatohitina a katuun tara hun katuun tere Adam. E Inok e katoi u rangan propet me hatei mam nena u mar katuun u omi teka me poeiena, “Hengo iam. A Tsunono e la menama romana a parpara koru a angelo a göagono i tanen tegomi ona merien u katuun hoboto. Nonei emi kout rena romana u katuun hoboto te sigaler e Sunahan bate haröto nena te omi uaren, taraha nori e omier e Sunahan bate roron kato homir bate ranga hohomi naren.”

Revelesin 1:7

Taraiam! Nonei e la gono me nama u köasi. U katuun hoboto e tare rouen, na u katuun has ti sakeien u saka. A man hun katuun hobotora i puta e hakats narouen bate tonur. Aa, u mana.

Revelesin 20:11

Na lia u tari u gumgum u hiaka u göagono te gum ia e Sunahan. U kolö na u puta e hatalis ban a matanen, me möa lenina ta makum i taren.

Revelesin 21:8

Kaba u pata bulbulu, na pala te hahamanar, na u katuun te hakats homir, na u hihipuli, na u tsiktsikolo na u lulu tson, na u matmatuna, na u gamogamo na u katuun te hatsunoner u kesa, a han i taren e kana romana iahana kiou pan te kulupuna u tula u ahiin u hiski koru. A ka teka nonei a hahuoluna tou mate.”

Revelesin 3:5

Te tagala saluhe moalö, alö ena hasei hase mou u hasobö u hiaka temar hasei uaren. Alia ema antunan busa ba nagoi a solomölö turu bukuna tara nitöatöa. Alia ena hatei nagou a solomölö tere Tamar na u angelo u göagono i tanen.