U Bulungana u Niga tere Iesu Kristo te kolotein e Luk 7:42 - U Bulunagana U Niga

⁴² Ba i murinen nori hoboto ima antunan palis poutsei a moni, ba katunun halhala moni e hakapena a haroho tara huol. Gesi te ngil bale nou a katunun halhala moni?”

U Bulungana u Niga tere Iesu Kristo te kolotein e Luk 7:42 Iomraidhean Croise

Matiu 18:27

Ba king e taatagi nena a katunun pepeito kap i tanen be palis hakapan töa nena a man haroho i tanen me hapurese poutsenen.

Matiu 18:34

Ba king e raharaha koru talana me hala mena neien tara karabus, tegona sagoho kamits uen bate antunana tara pöata tego palis poutseien man haroho hoboto.”

Matiu 6:12

Alö go hapolasema u kato homi i tamulam te hapolasa has menamilam u kato homi ti katoeia u katuun i tamulam.

U Bulungana u Niga tere Iesu Kristo te kolotein e Luk 7:43

Be Saimon e poeiena, “Toum a katuun te ka mei a haroho pan.” Be Iesu e poeiena, “U ranga i tamölö e matsköna.”

U pas te koloto menai e Pol turu kristenira i Rom 3:24

Na e Sunahan e kato hamatskö has rena u katuun, taraha nonei e taatagi ranen. Na e Iesu e sakahis hakapa pouts raien kaba ema holeri.

U pas te koloto menai e Pol turu kristenira i Rom 5:6

A pöata tima ka noa meira ta nitagala tegi taguhu meira a peisarara, be Iesu e mate sil ranoura u katuun u omi, terena pöata noahas e Sunahan te hopö kap mamin.

Galesia 3:10

U katuun te hasola ria tara Lo turu Jiu bate poeier nonei lasi a maroro tena butu sila roien tere Sunahan, nori u katuun te korupakö raiena e Sunahan. Taraha, u rarangana turu Buku u Göagono e poeiena, “U rangan korupakö tere Sunahan e hake ria tara katuun tema kukute hanige nei a man raranga hoboto ti koloto naia turu bukuna tara Lo.”

Epesis 1:7

Pöata te mateia e Kristo, bu rahatsing i tanen e sakahis ranoura be Sunahan e luba nena a man markato a man omi i tarara. A nitaatagi i tanen e pan koru, ba nonei e hitaguhu haniga koruna i tarara.

Epesis 4:32

Alimiou go hiakaka hanigaiam ba limiou te hiataatagi miou. Alimiou go solopaleiam a markato a omi tara taina katuun bate tara poutse men, temar luba has menai e Sunahan a man markato a man omi i tamilimiou tara solona e Kristo.

Kolosi 3:13

Alimiou goma hakats sil balemi a manka man omi tara katuun. Te kato homiria u katuun i tamilimiou, solopali. Alimiou go tara pouts raiam u katuun te kato homiria i tamilimiou, temar tara pouts has merai limiou e Sunahan ti kato homi has uaiam limiou i tanen.