U Bulungana u Niga tere Iesu Kristo te kolotein e Luk 6:42 - U Bulunagana U Niga

⁴² Aha te pei mölö tere toulamölö, ‘Alia ego luban a tsi köahu i matamölö’ ba lö tema taremi a makumun ruei i matamölö pouts? Alö a gamogamo! Luba mam bin a makumun ruei te kana i matamölö, ba lö te tara haniga mou bate töan luba nem a tsi köahu i matana e toulamölö.”

U Bulungana u Niga tere Iesu Kristo te kolotein e Luk 6:42 Iomraidhean Croise

Matiu 26:75

Be Pita e hakats pouts nena u raranga te hateien e Iesu, “I mamina te kekeretskö noa a keriou alö e holis topisa namou tego atei sil menai lö alia.” Ba nonei e lakasana mena tabe hohomi koru mena a nitaatagi pan koru.

Matiu 7:3

Aha te tara sile milö a tsi bita i matana e toulamölö, ba lö tema taremi a makumun palang i matamölö pouts?

Matiu 7:4

Ime te markato uanen balö te poeiem tere toulamölö ‘Lama, ba lia te luba negu a tsi bita i matamölö’ tara pöata te kana a makumun palang i matamölö pouts?

U Bulungana u Niga tere Iesu Kristo te kolotein e Luk 13:15

Ba e Iesu e mar ranga palis mena neien teka, “Alimiou u katuun u gamogamo! Ga limiou e ron la uamiou tara luman bulmakau turu Lan u Göagono bate purese miou a man bulmakau tsi a man rongki i tamilimiou batena haua ramun ramen, boka?

U Bulungana u Niga tere Iesu Kristo te kolotein e Luk 22:32

Kaba lia u singo hakapa sileiou lö, o Saimon, tegoma hapolasa menai lö a nihamana i tamölö. Ba tara pöata te hakopis pouts muma lö romana i tar, ba lö te hatagala rem u toulamölö.”

U Bulungana u Niga tere Iesu Kristo te kolotein e Luk 6:41

Taraha ba lö te tarem a tsi köahu i matana e toulamölö, ba lö tema taremi a makumun ruei i matamölö pouts?

U Bulungana u Niga tere Iesu Kristo te kolotein e Luk 6:43

Be Iesu e poeiena, “U ruei u niga ema tatei ka menei a hua a omi, na u ruei u omi ema ka has menei a hua a niga.

Aposol 2:38

Be Pita e poeiena i taren, “Hapolasa ba neiam a man markato a man omi na man hakats a man omi i tamilimiou ba limiou tena habaptais mia tara solona e Iesu Kristo ba man markato a man omi i tamilimiou te luba nariou ba limiou te lue miou u Namnamei u Göagono i tanen.

Aposol 8:21

E möa koru, alö u möa ta pala tara manka teka, taraha a torimölö ema matskö neia i matana e Sunahan.

U pas te koloto menai e Pol turu kristenira i Rom 2:1

Te one mia lö a palair u katuun, ga lö e kato homi hasim. Alimiou e möa tego ranga uaiam. Pöata te pei mia limiou a palair u katuun e omir bate hahatu peisa mia i taren, ga limiou e kato has uamiou iesana.

2 Korin 5:18

A mamanaka teka e lama tere Sunahan, e Sunahan pouts has te nolo pouts sila raira tere Kristo. Na nonei has te hala rai lam a toukui te go nolo pouts has merai lam a palair u katuun i tanen.

2 Timoti 2:21

Te luba nemia lö a markato a omi, ba lö te here moi a kaan hongo te ka mena a toukui pan. Alö e gogoso mou bate hahalosem a saha toukui a niga te hopö kap benoi lö a Tsunono.

2 Pita 1:9

Kaba a katuun tema markato uanei teka e here nei a katuun a matakiou te tara puku lasena a ka te susuku koruna. Nonei e solopala hakapi te hagogoso ba menai e Sunahan a man markato a man omi i tanen i manasa.