U Bulungana u Niga tere Iesu Kristo te kolotein e Luk 6:30 - U Bulunagana U Niga

³⁰ U katuun hoboto te rangata ner ta ka i tamölö, halari. Na tara pöata te lue ria a manka i tamölö, ma rangata nai tego lu pouts menaien lö.

U Bulungana u Niga tere Iesu Kristo te kolotein e Luk 6:30 Iomraidhean Croise

Matiu 18:35

“Nonei te markato has meranoi limiou, e Tamar i Kolö tegoma solopala mena milimiou a markato a omi tara palair u katuun, e antunana tena tara pouts ramouen limiou.”

Matiu 5:39

Kaba alia e hatei ragou limiou, alimiou goma palisemi a katuun te kato homina i tamilimiou. E möa. Te tapalena a katuun a abuabu mölö tara pal matou, habirits balö te hatapala nem a hapala.

Matiu 6:12

Alö go hapolasema u kato homi i tamulam te hapolasa has menamilam u kato homi ti katoeia u katuun i tamulam.

U Bulungana u Niga tere Iesu Kristo te kolotein e Luk 11:41

Kaba alimiou go hala naim a manka te ka memi limiou tara katuun te möa ta ka, ba limiou te töan gogoso hamana miou.

U Bulungana u Niga tere Iesu Kristo te kolotein e Luk 12:33

Hahol naiam a manka i tamilimiou bate hala namiou a moni turu katuun ti möa ta ka. Alimiou go kui hatagala sileiam a manka tema tatei omiri, a manka man niga na i Kolö te ka nitöana, na u katuun u kopkop ema antunan lue rien romana, ne möa ta kokoros tega kato homieien.

U Bulungana u Niga tere Iesu Kristo te kolotein e Luk 18:22

Pöata te hengoeia e Iesu a ka teka, ba nonei e poeiena i tanen, “A töa patu a ka tego kati lö. Alö go haholin a manka hoboto i tamölö bate hala rami u katuun ti möa ta ka. Ba lö te ka memou romana a mamanaka a niga i Kolö. Ba lö te töan kukutie mumou lia.”

U Bulungana u Niga tere Iesu Kristo te kolotein e Luk 6:29

Tega tapaleia ta töa ta katuun a abuabu mölö, hatapala hasiin a hapala. Tega lueia ta töa u hasobö pan i tamölö, hala hasei u hasobö u tetenei i tamölö.

U Bulungana u Niga tere Iesu Kristo te kolotein e Luk 6:31

Kato merai a palai temar ngil has uamölö tegi markato uaien i tamölö.

U Bulungana u Niga tere Iesu Kristo te kolotein e Luk 6:38

Hala naiam a hitaguhu turu katuun ba palai te kato has uariou iesana i tamilimiou. Ba u katuun te hala haniga raroui limiou a skel i tamilimiou antunana te saputu nen bate pururukuna. A mar skel te roron hala rami limiou u katuun, tara mar skel teka te hala hapopo pouts has naria romana i tamilimiou.”

Aposol 20:35

Tara mamana toukui i tar, alia u haröto railimiou tegi mar kui hatagala uu ra teka, bara te tatei taguhu raier u katuun u pinolasa. Aragi hakatsin u raranga te kato e Iesu a Tsunono me poeiena, ‘A nisasaala tara katuun te hala nena a manka tara tana katuun e pan bala nena a nisasaala tara katuun te luna tara tana katuun.’”

2 Korin 8:9

Alimiou e atei silemiou a nitaatagi tara Tsunono e Iesu Kristo. Noahasina te ka meien a mamanaka a niga, kaba turu ngilngil tanen i tarara ba nonei e butu here namei a katuun te möa ta ka. Nonei e laba sila nama a mamanaka a niga tanen i Kolö tegomi hala meraienra a mamanaka a nigana i Kolö.

Epesis 4:28

A katuun a kopkop ega hanöa ban a tou kop bate tanian kuina. Nonei ega kuin a limanen peisa, ba nonei te ka menou a mamanaka bate taguhu hasena a katuun te moana ta ka.