U Bulungana u Niga tere Iesu Kristo te kolotein e Luk 6:22 - U Bulunagana U Niga

²² Sasaalaiam tara pöata te omi raria limiou, na te tori hasoala raria limiou, na te ranga homi raria limiou, na te tsuga raria limiou, te hamana uami limiou i tar, alia tu butun Katunuma.”

U Bulungana u Niga tere Iesu Kristo te kolotein e Luk 6:22 Iomraidhean Croise

Matiu 10:18

Nori e haka raroua limiou i matar u tsunono na u king te hamana uami limiou i tar, taraha u ngilngil i tar tego hatei meramien limiou u Bulungana u Niga, bate hatei has ramiou u katuun tema Jiu ri.

Matiu 10:22

U katuun u parpara koru e omi rariou limiou te hamana uami limiou i tar. Kaba a katuun te hamana nitöa uana i tar, e Sunahan e lu pouts mena noien i tanen.

Matiu 10:39

Esi te poeiena e ka peisa mena a nitöatöa i tanen e hatia pouts hase nouen. Kaba esi te hakats nanoulia ba nitöatöa i tanen te taiana, nonei ena sabie nou a nitöatöa hamana i tanen.”

U Bulungana u Niga tere Iesu Kristo te kolotein e Luk 20:15

Ba nori e lapo ba naren tara kui me atung hamatie ren.” Be Iesu e rangatana, “Ga katuun terena kui e katoe nou aha turu katuun u omi teka?

U Bulungana u Niga tere Iesu Kristo te kolotein e Luk 21:17

U katuun hoboto e omi rariou limiou romana te katuun uami limiou i tar.

U Bulungana u Niga tere Iesu Kristo te kolotein e Luk 6:21

Sasaalaiam, alimiou te bes miou i romana. Alimiou e hamasul rariou! Sasaalaiam, alimiou te tabe miou. Alimiou e golgol mou!

U Bulungana u Niga tere Iesu Kristo te kolotein e Jon 12:42

Kaba a para a katuun pan turu Jiu i hamana noa hasia tere Iesu. Kaba nori ima ranga naien i matar u katuun, taraha nori i matoutir u Parasi ena mots tsuga ba rarien a luman lotu.

U Bulungana u Niga tere Iesu Kristo te kolotein e Jon 16:2

Nori ena hapiou ba raroui limiou a man luman lotu, na nori e kato hamate has rariou a palai i tamilimiou bate poeier, ‘Alam u kato mei a ka teka tegi solosei menai e Sunahan.’

U Bulungana u Niga tere Iesu Kristo te kolotein e Jon 17:14

Na lia u hala raien u raranga i tamölö. Na u katunura tara markatona i puta e omi raren, taraha nori e hereri lia: alia ema katuun uagi tara markatona i puta, na nori ema katuun has uari tara markatona i puta.

U Bulungana u Niga tere Iesu Kristo te kolotein e Jon 7:7

U katuun i puta ema antunan omi rari limiou, kaba nori e omie riou lia, taraha alia e hatei ragien te omi uana a markato i taren.

U Bulungana u Niga tere Iesu Kristo te kolotein e Jon 9:34

Ba nori e ranga sisi naren me poeier, “Alö i poseia iahana a markato a omi koru! E möa koru tego hatuts merai lö alam!” Ba nori e kute halakasa ba narien a luman lotu.

Aposol 22:22

U katuun i hengoia tere Pol e antunaia teka, ba nori e ku hapan korur me poeier, “Atung ba naiam! Atung hamate iam! A mar katuun teka e möa koru tega tatei töatöa lel uaien!”

Aposol 24:5

“Alam u sabe a tson teka e Pol a katununa tara markato a omi. Nonei e roron habutena a raharaha na hiatatung i gusur u Jiu tara han hoboto i puta. Na nonei a töa tson mammam has turu katuun ti lukater a pala i tamulam me ka uaier tara tana pala te ngö rari a hun katunura i Nasaret.

Aposol 9:16

Alia peisa te haröte goien romana a kamits pan tena lue nouen. U katuun te rama nariou lia e kato hakamitse rouen romana.”

Jemis 1:12

A katuun te hamana hanigana tara pöata te butuna a manka man omi i tanen ega sasaala. Taraha, pöata te tagala saluhe nanen a manka man omi, ba nonei tena lue nou a nitöatöa te ka nitöana te ranga hamanein e Sunahan turu katuun te ngil korue ren.

1 Pita 3:14

Kaba te kamits sil mena milimiou a markato a niga te katoe milimiou, e Sunahan e kalala has ranou limiou romana! Alimiou goma matout rami u katuun teka, bate toku miou. E möa.