U Bulungana u Niga tere Iesu Kristo te kolotein e Luk 5:17 - U Bulunagana U Niga

¹⁷ Turu töa u lan e Iesu e hihatutsia turu katuun. U Parasi nu tson hihatuts tara Lo tere Mosis i gum has. Nori i lama turu han hoboto i Galili na i Judia na i la hasma i Jerusalem. Na nitagala tere Sunahan e kaia tere Iesu tego kato haniga pouts meraien u katuun ti ka mei a siki.

U Bulungana u Niga tere Iesu Kristo te kolotein e Luk 5:17 Iomraidhean Croise

Matiu 11:5

U katuun u kiou e tara poutsur, na u katuun u mou omi e tataala poutsur, nu katuun u toba e gogoso poutsur, na u talinga tupu e hengo poutsur, nu katuun ti mate e töatöa poutsur. Na u Bulungana u Niga e lauama turu katuun papala.

Matiu 15:1

Ba palair u Parasi na u tson hihatuts tara Lo i la uama i Jerusalem me la uarima tere Iesu memi rangate ren, “Taraha tsiponi ba u katunun tsitsilo i tamölö te hipus ner u hihatuts ti halan u katuun pan i tarara i manasa? Nori ema galus mameri a limaren bate töan nour!”

U Bulungana u Niga tere Iesu Kristo te kolotein e Mak 1:45

Kaba nonei e la mena habulungana nena a ka teka turu katuun hoboto. Nonei tara markato teka be Iesu ema haröto na nei a matanen i matar u katuun iahana taun. Kaba nonei e kaia tara man makum tema kamei ta katuun, ba u katuun tara mamana han hoboto e la uarima i tanen.

U Bulungana u Niga tere Iesu Kristo te kolotein e Mak 16:18

Na te pile naroien a kökötsi ba nori te ueier u ramun te kato hamatiena a katuun, nori ema antunan mate roi. Nori e hatakoperoua a limaren turu katuun te ka mer a siki ba nori te niga pouts riou.”

U Bulungana u Niga tere Iesu Kristo te kolotein e Mak 3:22

Ba u palair u katunun hihatuts tara Lo ti lama i Jerusalem e poeier, “E Belsebul e seie nen. A tsunono turu liliahanei te hale neien a nitagala tega tsuga ba meraien u liliahanei u omi.”

U Bulungana u Niga tere Iesu Kristo te kolotein e Mak 5:30

Be Iesu e hasagohena a nitagala i peisanen e koul puta ba nonei e habirits na i gusur u katuun me poeiena, “Esi te sebele lala turu hasobö i tar?”

U Bulungana u Niga tere Iesu Kristo te kolotein e Mak 7:1

U Parasi na u palair u tson hihatuts tara Lo ti lama i Jerusalem i gonogono hahisi e Iesu.

U Bulungana u Niga tere Iesu Kristo te kolotein e Luk 15:2

Ba u Parasi na u tson hihatuts tara Lo e ranga haraharaha ner e Iesu me poeier, “A katuun teka e kapiena rena u katuun u omi na e nou gono has mera nen!”

U Bulungana u Niga tere Iesu Kristo te kolotein e Luk 2:46

Turu hatopisana u lan nori ina sabeien i Luman Lotu Pan, te gum gono meraien u tson hihatuts turu lotu, bate hehengona i taren bate rangata has raneien a man harangata.

U Bulungana u Niga tere Iesu Kristo te kolotein e Luk 5:21

Ba u tson hihatuts tara Lo na u Parasi e tanian hiarangrangatar me poeier, “Te ha uanen ba nonei temar ranga uana teka? Nonei e katsin guleiena a nitsunono tere Sunahan! E möa ta töa tego tatei luban a markato a omi, e Sunahan puku lasi a töa!”

U Bulungana u Niga tere Iesu Kristo te kolotein e Luk 5:30

Ba palair u Parasi na u tson hihatuts tara Lo e tara raren me ranga sil rer u katunun tsitsilo tere Iesu, “Taraha tsiponi ba limiou te nou gono mera miou u katuun te lulueier a takis na palair u katuun u omi?”

U Bulungana u Niga tere Iesu Kristo te kolotein e Luk 6:19

U katuun hoboto i torohanan hasebeleia i tanen. Taraha? A nitagala e butuma i tanen me kato haniga pouts ranen hoboto.

U Bulungana u Niga tere Iesu Kristo te kolotein e Luk 7:30

Kaba u Parasi na u tson hihatuts tara Lo i rama koruni u ngil tere Sunahan tima habaptais uaien tere Jon.)

U Bulungana u Niga tere Iesu Kristo te kolotein e Luk 8:46

Kaba e Iesu e pei, “A töa katuun e hasebele lala i tar. Alia e hasagohe gula a tsi nitagala e lakasa lala i tar!”

U Bulungana u Niga tere Iesu Kristo te kolotein e Jon 3:10

Be Iesu e ranga palisenen me poeiena, “Alö a tson hihatuts panina i Israel, alö ema atei sil noemi a ka teka?

U Bulungana u Niga tere Iesu Kristo te kolotein e Jon 3:21

Kaba a katuun te kato hamatsköna e laua nama turu ualesala, ba u ualesala te haröto nanou e Sunahan e hanigeiena a markato i tanen.

Aposol 19:11

E Sunahan e hatakui sila naia u mamana u mar mirakol tere Pol.

Aposol 4:30

Alö go harötein a nitagala i tamölö bate kato haniga pouts rem u katuun te ka mer a siki, bate katoeiem u mamana mirakol tara nitsunono tere Iesu a katunun kui a Göagono i tamölö.”

Aposol 5:34

Kaba a töa a Parasi e kaia turu hagum pan teka, nonei a katuun pan turu Kout, a tson hihatuts tara Lo, na u katuun i tara marei korueien. A solonen e Gamaliel, e tuol ia i gusuren me hatei nena u aposol gi halakasa bir. Ba nonei e poeiena turu Kout, “U katunur i Israel, alimiou go hakats mam naiam a ka te ngilin katoe milimiou turu katuun teka.