U Bulungana u Niga tere Iesu Kristo te kolotein e Luk 4:41 - U Bulunagana U Niga

⁴¹ A man liliahanei a man omi i lakasa ba hasir u katuun u parpara, me ku hohomir me poeier tere Iesu, “Alö a Pien Tson tere Sunahan!” Be Iesu e ranga hatagala mera nen me hapiou nena tegima tatei ranga uaien. Taraha? Nori i atei sil nonei e Mesaia.

U Bulungana u Niga tere Iesu Kristo te kolotein e Luk 4:41 Iomraidhean Croise

Matiu 26:63

Kaba e Iesu e kakamoto ba nitöa raien. Ba tsunono e ranga lelna i tanen me poeiena, “Alia e rangate gia lö i matana e Sunahan, alö go hatei ramei lam, alö e Mesaia, a Pien Tson tere Sunahan?”

Matiu 4:3

Be Satan emi torohane nen me poeiena i tanen, “Tego Pien uu lö tere Sunahan, ba lö te rangam, bu hatu teka te palis uar tara beret.”

Matiu 8:16

Ba tara lahibong ba nori ena piou raria u katuun u para ti kamei u liliahanei, tere Iesu. Ba nonei e ranga tununa me tsuga baraiena u liliahanei u omi i taren. Ba nonei e kato haniga pouts has rena u katuun hoboto ti kamei a siki.

Matiu 8:29

Ba huol e ku hohomi korur me poeier, “A Pien Tson tere Sunahan, alö emi hamia i tamulam? Alö goma hakamits mam railam, a pöatan hahuna i tamulam e kanoana!”

Matiu 8:4

Be Iesu e poeiena i tanen, “Alö ema antunan hatei korue moi ta töa ta katuun. Kaba lö go la uala tara pris balö tena hatare mien te niga uana a peisamölö. Ba lö te hale moien a kaan haats te ranga uu e Mosis i manasa. Ba u katuun te tatei atei sile riou a toba i tamölö e kapa nitöa.”

U Bulungana u Niga tere Iesu Kristo te kolotein e Mak 1:25

Kaba e Iesu e ranga sisi mei a liliahanei me poeiena, “Kakamoto, balö te koul ba nem a tson teka.”

U Bulungana u Niga tere Iesu Kristo te kolotein e Mak 1:32

Ba tara lahibong ba u katuun e la mera ruma u katuun u siki na u katuun ti kamei u liliahanei.

U Bulungana u Niga tere Iesu Kristo te kolotein e Mak 1:34

Be Iesu e kato haniga raiena u katuun u parpara ti ka mei a mamana a mar siki, me tsuga ba has raiena u liliahanei u omi. Ba nonei e kato hakakamoto has raiena u liliahanei, taraha nori i atei sileien.

U Bulungana u Niga tere Iesu Kristo te kolotein e Mak 3:11

Tara man pöata ti tara reia u katuun ti kamei u liliahanei e Iesu, ba nori te hatukun ria i matanen. Ba nori te ku hapanir bate poeier, “Alö a Pien Tson tere Sunahan!”

U Bulungana u Niga tere Iesu Kristo te kolotein e Luk 4:39

Ba nonei ena tuolna i rehina inana i tanen, me abisena u hiski i peisana a tahol. Ba u hiski e laba nanen, ba nonei tara tsi pöata puku noahas teka ba tahol e takeina me hanou ranen.

U Bulungana u Niga tere Iesu Kristo te kolotein e Jon 20:31

A man raranga teka i koloto sile ii tego hamana mena milimiou e Iesu nonei e Mesaia, a Pien Tson tere Sunahan. Na te hamana mia limiou i tanen ba limiou te lu sila has namoua a nitöatöa tara solo nen.

Jemis 2:19

Alimiou e mar hamana uamiou teka: e Sunahan a töa puku. Bara! Kaba a nihamana teka ema antunanei. Taraha, u liliahanei u omi e hamana has uaier iesana, ba nori te toltololo mer a nimatout.