U Bulungana u Niga tere Iesu Kristo te kolotein e Luk 3:8 - U Bulunagana U Niga

⁸ Alimiou go palis ba naiam a markato a omi, bate kato hamana koru uamou te kato uana a katuun te palis ba nena a markato a omi. Alimiou goma mar hakats uami teka: ‘Alam e nigam. Taraha? E Abraham e tubumulam.’ Alia e hatei ragou limiou, e Sunahan e antunan katoe noi u marats teka a hun katuun tere Abraham! E Sunahan ema haniga papale nei a katuun te pala uana tere Abraham. E möa. E hanigeiena a katuun te kukutiena u raranga tere Sunahan.

U Bulungana u Niga tere Iesu Kristo te kolotein e Luk 3:8 Iomraidhean Croise

Matiu 21:43

Be Iesu e poe lelena, “U raranga teka e ranga ranou limiou. Na lia e hatei ragou limiou, a Nipepeito tere Sunahan e luba rari limiou romana bate hala rari u katuun te katoeier a toukui a niga.

Matiu 3:8

Te hapolasa ba namia limiou a man markato a man omi i tamilimiou, bora hatara marei tala naiam a markato a niga, tu habirits ba menami limiou a man markato a man omi i tamilimiou.

Matiu 3:9

Alimiou goma tatei mar hakats uami teka, ‘Alam e kamem e Abraham e tubumulam.’ Alia e hatei ragou limiou, e Sunahan e antunan katoe nei u hatu teka a hun haposa tere Abraham. E Sunahan ema antunan ngil pinopinoe nei a katuun te pala uana tere Abraham. E möa. E ngileiena a katuun te kato hanigana.

U Bulungana u Niga tere Iesu Kristo te kolotein e Luk 13:25

A katuun terena luma e takeina romana bate hapiliena a tamana. Ba limiou tena tuol mia romana ielesala bate ku miou bate poei miou, ‘O Tsunono, kalata berai lam a tamana!’ Kaba nonei e ranga palis ranou limiou romana bate poeiena, ‘Alia ema atei silegi ime te la muma limiou!’

U Bulungana u Niga tere Iesu Kristo te kolotein e Luk 13:26

Ba limiou temar ranga palis uamiou romana, ‘Alam u nou na ua gono meiou lö, na lö u hihatuts hasia tara taun i tamulam!’

U Bulungana u Niga tere Iesu Kristo te kolotein e Luk 14:9

Te markato tala uanouen teka, ba katunun hihanou, te ngö hoboto raiou limiou, te la nama romana bate poeiena i tamölö, ‘Alö go hale ii a makum teka a katuun pan ili.’ Ba lö te matsingolo tala mou batena gum moua tara makum turu katuun papala koru.

U Bulungana u Niga tere Iesu Kristo te kolotein e Luk 19:40

Ba e Iesu e ranga palisina, “Alia e hatei ragou limiou, te kakamoto roua u katuun teka ba u marats te ku riou!”

U Bulungana u Niga tere Iesu Kristo te kolotein e Luk 19:9

Be Iesu e poeiena i tanen, “I romana e Sunahan e lu pouts hakapa ralala u katuun tara luma teka. Taraha? Alö e mar hamana uaiem temar hamana uu e Abraham.

U Bulungana u Niga tere Iesu Kristo te kolotein e Luk 5:21

Ba u tson hihatuts tara Lo na u Parasi e tanian hiarangrangatar me poeier, “Te ha uanen ba nonei temar ranga uana teka? Nonei e katsin guleiena a nitsunono tere Sunahan! E möa ta töa tego tatei luban a markato a omi, e Sunahan puku lasi a töa!”

U Bulungana u Niga tere Iesu Kristo te kolotein e Jon 8:33

Ba nori e poeier i tanen, “Alam u tuhanama tere Abraham. Na lam ima kukui puku noia ta katuun. I me temar mouna uana u ranga i tamölö te poeiena, ‘Alimiou e hapurese rariou’?”

U Bulungana u Niga tere Iesu Kristo te kolotein e Jon 8:39

Ba nori e poeier i tanen, “E Abraham e tamamulam, nonei e tubumulam.” Be Iesu e poeiena i taren, “Tu tuhana hamana ma limiou tere Abraham, ga limiou go kato haseiam a ka te katoi e Abraham.

Aposol 26:20

Alia u la mam uu i Damaskus mena hatei ragi u katuun tegi hakapa menaien a man markato a man omi na man hakats a man omi i taren bate habirits uaier tere Sunahan, na tegi kato menaien a manka te haröto nena ti hakapa koru menaien a markato a omi na u hakats u omi i taren. Na lia u kato has uu iesana i Jerusalem na tara man han hoboto i Judia na turu katuun has tema Jiu ri.

U pas te koloto menai e Pol turu kristenira i Rom 4:16

Nonei te hala sila naia e Sunahan u raranga hamana teka i tanen turu katuun te hamanar. A nihitaguhu peisa tere Sunahan te habutu hamane nou u raranga hamana i tanen. E markato uana teka bu ranga hamana i tanen te la uana turu katuun hoboto tere Abraham. E la hoboto uana i tarara u katuun te hamanara, u Jiu na u katuun has tema Jiu ri, tegi mar hamana uu ra temar hamana uu e Abraham. Taraha, e Abraham e here nei e tuburara hoboto u katuun te hamanara.

U pas te koloto menai e Pol turu kristenira i Rom 9:7

Na ra ema tatei pei hase rei, “U katuun hoboto ti tuhanama tere Abraham nori u hatutubunei hamana i tanen.” E möa. Taraha, e Sunahan e rangaia tere Abraham i manasa me poeiena, “E Aisak a pien i tamölö, na hun katuun tena hatuhane nouen, nori a hun katuun hamana i tamölö.”

Pilipai 1:11

Ba limiou te saputu memiou romana a man markato a man niga te habuteiena e Iesu Kristo, bate töan hapanemiou e Sunahan bate soloseie men.