U Bulungana u Niga tere Iesu Kristo te kolotein e Luk 3:1 - U Bulunagana U Niga

¹ Turu hamaloto na u tolima u hiningal te gamman pania e Taibirius i Rom, nonei has a pöata te tanian hihatutsia e Jon. Be Pontias Pailat te gamman na i Judia, na e Herot i Galili, be toulanen e Pilip te tara kap nena a provins i Ituria na i Trekonaitis. Be Laisenias te tara kap nena i Abilin.

U Bulungana u Niga tere Iesu Kristo te kolotein e Luk 3:1 Iomraidhean Croise

Matiu 14:1

Tara pöata teka e Herot a King e hengoen a man raranga hatei tara manka te katoe e Iesu.

Matiu 14:3

I mam nen e Herot e pile kapiin e Jon, be kitsenen bena hakenen tara karabus. Nonei e kato mei a ka teka a ngilina e Herodias a tahol tere Pilip, e toulanen.

Matiu 14:6

Na turu lan ti hatöatongeia u lan ti poseia e Herot ba nori e katoeier a kannou pan na u hirata, ba pien tahol a kukubei tere Herodias e sanina i matar u katuun hoboto ti kaia tara kannou. Be Herot e haniga korueiena te sani uen, me ranga hamana koru menen turu ranga te mana uana iasa me poeiena, “Ta saha ta ka te ngile moa lö i tar, alia e hale goien lö!”

Matiu 22:17

Bora, alö go hatei ramou lam, ime temar hakats uemölö, e niga hasina tegi hol mei a takis tere Sisa a gamman pan, tsi e möa?”

Matiu 27:2

Ba nori e kitse rien a tsien me la menarien tere Pailat a gamman.

U Bulungana u Niga tere Iesu Kristo te kolotein e Mak 6:17

A ka teka e butu silaia te tölo menai e Herot e Herodias a tahol tere toulanen e Pilip. Be Jon a tsonun baptais e ranga mena e Herot, “Ema matskö nei te tölo mena milö a hahagono i tamölö.” E Herot ema hanigei e Jon ba nonei e hangö nena e Jon ba u katuun i tanen ena pile kap naren mena hake rien tara karabus.

U Bulungana u Niga tere Iesu Kristo te kolotein e Mak 6:21

A pöata e butu hakapa turu lan te hakats naia e Herot u lan ti posa meien. E Herot e katoe a pannen a kannou me hangö rena u katuun pan tara gamman i tanen na u kapten pan turu soldia i tanen na pal kapanira i Galili.

U Bulungana u Niga tere Iesu Kristo te kolotein e Luk 13:31

Nonei has tara pöata ba palair u Parasi e la rima me poeier tere Iesu, “Alö go la ban a han teka bate la uaiem tara tana han. Taraha? E Herot e ngilin atung hamate na noulö!”

U Bulungana u Niga tere Iesu Kristo te kolotein e Luk 2:1

Tara pöata teka e Sisa Ogastas te gamman Pania i Rom. Nonei e hala nela u raranga tegi hakoloto menai u katuun hoboto a soloren turu buku tara gamman.

U Bulungana u Niga tere Iesu Kristo te kolotein e Luk 23:24

Be Pailat e töa kukutiena u ngil i taren me kitsena u ranga tega mate uu e Iesu.

U Bulungana u Niga tere Iesu Kristo te kolotein e Luk 3:19

Be Jon e ranga silena e Herot a gamman. Taraha? E Herot e töli e Herodias, a tahol tere toulanen pouts. E Herot e kato hakapi a para a markato a omi.

U Bulungana u Niga tere Iesu Kristo te kolotein e Luk 9:7

E Herot a Kingina i Galili e hengoein a mamanaka te katoe e Iesu ba nonei e hatutue na aha koru te butu. Taraha? U katuun i pei, “E Jon a Tsonun Baptais e takei poutsia tara tou mate i tanen!”

Aposol 23:26

“O Piliks, alö a gamman te soloseie mulam. Alia e butu gia i tamölö i romana. Alia e Klodias Lisias.

Aposol 24:27

U huol u hiningal e la hakapa, be Posius Pestus e palisena e Piliks tara toukui i tanen. E Piliks e ngilir u Jiu egi haniga uu i tanen ba nonei ema hapurese ba nanei e Pol tara karabus.

Aposol 26:30

Be King e takeina na e gamman na e Benis, na u katuun ti gum gono meien i takei has.

Aposol 4:27

Na ka teka e butuia i Jerusalem. U mana koru, e Herot a King na e Pontias Pailat a gamman i gono hoboto mer a pal kapan i tamulam u Jiu na u katuun halhal. Nori i gono hobotoia tara taun teka tegi kato homi menaien e Iesu, nonei a katunun kui a Göagono i tamölö tu hopö kap mamin lö tego Mesaia.