U Bulungana u Niga tere Iesu Kristo te kolotein e Luk 24:51 - U Bulunagana U Niga

⁵¹ Pöata te kalala noa raien e Iesu, ba nonei e laba ranen ti lu sei menaien i Kolö.

U Bulungana u Niga tere Iesu Kristo te kolotein e Luk 24:51 Iomraidhean Croise

U Bulungana u Niga tere Iesu Kristo te kolotein e Mak 16:19

A Tsunono e Iesu e ranga hakapa meraien be Sunahan e lu pouts mena neien i Kolö, tena gum ien tara pal matou tere Sunahan.

U Bulungana u Niga tere Iesu Kristo te kolotein e Luk 24:50

Be Iesu e la mera neien tara taun i Betani, ba nonei e hasoa sei nena a limanen me kalala ranen.

U Bulungana u Niga tere Iesu Kristo te kolotein e Luk 24:52

Ba nori e hatsunone ren me la pouts mer a nisasaala pan i Jerusalem.

U Bulungana u Niga tere Iesu Kristo te kolotein e Jon 20:17

Be Iesu e poeiena i tanen, “Möa tu pile kap naiou lia, taraha alia ema la noa gi iasa tere Tamar. Kaba alö go la tara man hahatoulana i tar, u katuun te hamana ria i tar, balö tena hatei ramen alia e la uagu iasa tere Tamar na e Tamamilimiou has. Alia e la uagu tere Sunahan i tar na tere Sunahan has i tamilimiou.”

Aposol 1:9

E Iesu e ranga hakapa lasi ba nonei te lu sei menari i kolö i matar u aposol. U köasi e hamous kap naien ba nori ema tara lele rien.

Hibru 1:3

A Pien Tson i tanen nonei u namnamei turu ualesala tere Sunahan. Nonei e here korue nei e Sunahan, na mamanaka hoboto e ka haniga silana turu raranga u tagala i tanen. I murina te galus ba naien a man markato a man omi turu katuun, ba nonei ena gumna tara pal matou tere Sunahan iasa koru i Kolö.

Hibru 4:14

Aragi pile hakarapotein a ka te hamane rara. Taraha, ara e ka mera a pris a tsunono pan te la nitöa uu tara makum te kana e Sunahan. Nonei e Iesu, a Pien Tson tere Sunahan.