U Bulungana u Niga tere Iesu Kristo te kolotein e Luk 24:44 - U Bulunagana U Niga

⁴⁴ Ba nonei e poeiena i taren, “Nonei koru a manka teka tu ranga merai lia limiou tara pöata tu ka gono noa meraia lia limiou: a mamanaka ti koloto naia lia tara Lo tere Mosis na tara man buku turu propet na turu Sam ega butu hamana koru.”

U Bulungana u Niga tere Iesu Kristo te kolotein e Luk 24:44 Iomraidhean Croise

Matiu 1:22

A mamanaka hoboto teka e butu sil korueiena tega kato hamana menaien u raranga te ranga naia a Tsunono tara töa propet i manasa. A propet e mar ranga uu teka: “Hengoiam! A tahol a kukubei tema soho gono noa menei ta tson e pika nou. Ba nonei te pose nou a pien tson, ba nori te ngöe roi a solonen e Emanuel.” A solo e Emanuel e mar mouna uana teka, “E Sunahan e ka gono mera noura.”

Matiu 16:21

Tara pöata teka e Iesu e tanian hatei ri u katunun tsitsilo i tanen tega mate uen ba nonei e poeiena, “Alia e la uagou i Jerusalem balia tena sagoho kamits goa i limar u tsunono, na u pris pan, na u tson hihatuts tara Lo. Ba nori tena atung hamate riou lia, ba lia te takei pouts gou turu hatopisana u lan.”

Matiu 26:54

Kaba tego markato u lia teka, ga ime temar mana uanou u raranga te kana turu Buku u Göagono? Taraha, u Buku u Göagono e poeiena nonei ega mar butu uu teka.”

Matiu 26:56

Kaba mamanaka hoboto teka e butu silena tego kato hamana menaien u raranga ti koloto naia u propet turu Buku u Göagono.” Ba u katunun tsitsilo hoboto i tanen e laba naren me busur.

U Bulungana u Niga tere Iesu Kristo te kolotein e Mak 9:31

taraha nonei e hatutsir u katunun tsitsilo i tanen. Ba nonei e poeiena i taren, “Alia tu butun Katunuma ena hala naroua tara pal tson tena ranga hohomi nariou lia romana. Nori ena kato hamate riou lia, ba i murina u topisa u lan ba lia te takei pouts gou.”

U Bulungana u Niga tere Iesu Kristo te kolotein e Luk 21:22

Taraha? Nonei a man lanin hahuna teka te kato hamanena romana a manka hoboto ti ranga mamin turu Buku u Göagono.

U Bulungana u Niga tere Iesu Kristo te kolotein e Luk 22:37

Taraha? Alia e ranga mera gilimiou a ka teka: u raranga turu Buku u Göagono ega butu hamana te poeiena, ‘Nonei i ngöe ii a katuun a omi.’ Nonei e ranga nanou lia, na u raranga ti koloto sile ii lia ega butu hamana.”

U Bulungana u Niga tere Iesu Kristo te kolotein e Luk 9:22

Ba nonei e rangana me poeiena, “Alia tu butun Katunuma e sagohe gou romana a kamits pan. Ba pal kapan nu pris pan na u tson hihatuts tara Lo te tor tsuga nariou lia. Alia ena kato hamatie riou romana, kaba turu hatopisana u lan ba lia te hatakei poutse riou.”

U Bulungana u Niga tere Iesu Kristo te kolotein e Luk 9:44

Ba nonei e poeiena turu katunun tsitsilo i tanen, “Hakats kap haniga naiam u raranga teka: Alia tu butun Katunuma e susukun hala menari tara nitagala turu katuun.”

U Bulungana u Niga tere Iesu Kristo te kolotein e Jon 3:14

E Mosis e söata sei u ruei ti katoei u kesa tara kökötsi tara makum a palaka, alia has tu butun Katunuma ena markato has menaroi teka.

U Bulungana u Niga tere Iesu Kristo te kolotein e Jon 5:39

Alimiou e röto nitöa namiou u Buku u Göagono, taraha alimiou e poeiemiou nonei te hala ranoui limiou a nitöatöa te ka nitöana. U Buku u Göagono e hatei noahas na nou lia.

U Bulungana u Niga tere Iesu Kristo te kolotein e Jon 5:46

Te hamane mia limiou e Mosis, alimiou go hamana hase moulia. Taraha, nonei e koloto sileiou lia turu Buku u Göagono.

Aposol 13:40

Alimiou go hanei iam! A ka teka, ti rangein u propet i manasa e namots la uanama i tamilimiou nonei ti mar ranga uaien teka:

Aposol 2:27

Taraha, alö ema laba namoi u namnamei i tar bate kakana tara makum turu mate. E möa. Alö ema haniga namoi tego koreme uu a tsomi i tamölö. E möa.

Aposol 3:18

Ba tara markato teka be Sunahan te kato hantoeiena u raranga i tanen ti hatei mamin u propet hoboto, te poeiena e Mesaia ega sagohi a kamits pan, na e Sunahan e kato hamana noa hasi a ka teka.

Aposol 7:37

Nonei e Mosis te hateir u katunura i Israel me poeiena, ‘E Sunahan e hatuolenou a töa propet turu katuun i tamilimiou i murimuri, kato has uanou temar hatuol menaien lia.’

Hibru 10:1

A Lo turu Jiu e haharuei nena a manka man niga tega lama, kaba ema halesala ranera. Nonei ema haröto ranei ra a mouna a manka teka. Na Lo ema antunan kato haniga nitöa ranei ra. Na man haats te hala ner turu mamana u hiningal, ema antunan kato haniga nitöa ranei u katuun te la hasukusukur bate hatsunoner e Sunahan. E möa.

Hibru 3:5

E Mosis, a katunun kui tere Sunahan, e katoe a toukui a niga i gusuna u katuun hoboto tere Sunahan, bate hatei nena a manka tega rangein e Sunahan i murimuri.

Hibru 7:1

E Melkisedek a kingina i Salem, na nonei a pris has tere Sunahan iasa koru. Tara pöata te kopis ma e Abraham tara hiatatung te atung hamate merameien u king, be Melkisedek e hitupali gono menen be kalale nen.

Hibru 9:8

U Namnamei u Göagono e hatalesala ra neira a maroro tegi la uu ra tara makum a göagono ema butu halesala noa ii. E markato uana teka, a makum tutuun e haharuei nena a markato na tara Lo na i manasa te antunana i romana. Na Makum a Göagono Koru e haharuei nena a makum te kana e Sunahan ema kalata noa nei tara pöata te ka noa ria u katuun tara luman lotu ti katoe ii u labalaba tuun.

1 Pita 1:11

U Namnamei tere Kristo te kaia i toriren e hatei raien tega sagoho menai e Kristo a kamits, ba i murinen banonei te lu hasena a nikapan. Na nori i hiarangrangata hasiin a ka teka ega butuia teresi na tara saha pöata, kaba nori ima atei haniga ii.

Revelesin 19:10

Ba lia e hopöe gia a peisar i puta i mouna angelo me katsin hatsunone gen, ba nonei e poeiena i tar, “E möa tego markato uu lö teka! Alia has a katunun kui tere Sunahan. Na ra u katuun hoboto te pala uara tere Sunahan te pile kap nera u ranga hamana te rangein e Iesu. Alö go hatsunonei e Sunahan. U ranga hamana te rangein e Iesu nonei a mouna a ka te haranga rena u propet tere Sunahan.”