U Bulungana u Niga tere Iesu Kristo te kolotein e Luk 23:34 - U Bulunagana U Niga

³⁴ Be Iesu e singo uana tere Sunahan me poeiena, “O Tamar, alö go luban a markato a omi i taren. Nori ema atei sileri a ka te katoe ren.” Ba u soldia e satu siler u hasobö i tanen, me molamola naren.

U Bulungana u Niga tere Iesu Kristo te kolotein e Luk 23:34 Iomraidhean Croise

Matiu 11:25

Nonei tara pöata teka be Iesu e poeiena, “O Tamar, alö e Tsunono pan mia i Kolö na i puta. Alia e haniga uagu i tamölö te hamous mena milö a manka teka turu katuun te poeier e ka mer a niatei, bate haröto namen turu katuun papala tema atei balari.

Matiu 11:26

Aa, O Tamar, alö e markato uam turu ngil peisa i tamölö.

Matiu 5:44

Kaba alia e hatei ragou limiou, alimiou go ngil raiam u katuun te pakö rariou limiou, ba limiou te singo sile miou u katuun te kato hakamits rariou limiou.

U Bulungana u Niga tere Iesu Kristo te kolotein e Mak 15:24

Ba nori e nila narien tara kuruse me satu siler esi tego lui tu töa tu hasobö tara hasobö tere Iesu.

U Bulungana u Niga tere Iesu Kristo te kolotein e Jon 17:9

“Alia e singo bera gien i tamölö. Alia ema singo beragi u katuun hobotora i puta, kaba lia e singo beregu u katuun tu hala ramei lö alia, taraha nori u katuun i tamölö.

U Bulungana u Niga tere Iesu Kristo te kolotein e Jon 19:11

Be Iesu e ranga palis uana i tanen me poeiena, “Sanena e Sunahan tema halei lö ta nikapan, alö sane möa hasem ta nitagala tego pitaputa menai lö alia. Kaba a katuun te hala nelala lia i limamölö, a markato a omi i tanen e pan bala nena a markato a omi i tamölö.”

Aposol 16:28

Be Pol e ku hapan koruna me poeiena, “Möa tu ngatsi a peisamölö! Alam hoboto e kam!”

Aposol 3:17

“A man hahatoulana, alia e atei silegu a ka omi teka u kato memi limiou na pal kapan has i tamilimiou a nitutu.

Aposol 7:60

Ba nonei e hatukununa me ku hapan koruna me poeiena, “O Tsunono, moa tu palisi a markato a omi te katoeren teka!” E Stiven e mar ranga uu teka me matena.

U pas te koloto menai e Pol turu kristenira i Rom 12:14

Kato haniga raiam u katuun te kato homi rariou limiou, ne möa tu ranga hohomir, singo be ramia tere Sunahan ega taguhu raien.

1 Korin 2:8

U tsunono panira i puta ima atei sile ii a manka teka. Sanena nori ti atei sileien, ba nori tema antunan nila nari a Tsunono Pan i tarara tara kuruse.

1 Korin 4:12

Alam e kui hatagala silem a monin kannou i tamulam. Na pöata te ranga homi ria u katuun i tamulam, ba lam te ranga haniga mia i taren. Na te kato homi ria u katuun i tamulam, ba lam tema raharahami.

1 Timoti 1:13

Noahasina ti roron ranga hohomi sil menaien lia i manasa na tu kato hohomi menai lia u katuun i tanen. E Sunahan e taatagi naiou lia, taraha alia u hahamana naien batema atei silegi a ka ti kati lia.

1 Pita 3:9

Alimiou goma palisemi a man markato a man omi te katoe ria tamilimiou, na limiou goma hipou has mia turu katuun te kato homi ria i tamilimiou. E nigana tego hamatana mena milimiou a nikalkalala, taraha a nikalkalala nonei a ka te rangein e Sunahan tega hala raien limiou tara pöata te ngö raien limiou.