U Bulungana u Niga tere Iesu Kristo te kolotein e Luk 22:53 - U Bulunagana U Niga

⁵³ Alia u ka gono meraiou limiou turu mamana u lan iahana Luman Lotu Pan, kaba limiou ima pile kap nami lia. Kaba a pöata i tamilimiou teka, a nitagalana turu kuhil.”

U Bulungana u Niga tere Iesu Kristo te kolotein e Luk 22:53 Iomraidhean Croise

Matiu 21:23

Be Iesu e kopis pouts uana tara Luman Lotu Pan, ba pöata te hihatuts ien, ba u pris pan na u tsunono turu Jiu e la uarima i tanen memi rangateren, “A saha nitsunono te ka memölö te kato memi lö a manka teka? Esi te halei lö a nitsunono?”

U Bulungana u Niga tere Iesu Kristo te kolotein e Luk 22:52

Be Iesu e poeiena turu pris pan na u katuun pan turu tson taratara kap tara Luman Lotu Pan na u tsunono ti la silema tegimi lu menaien, “Aha te la sil memu mei limiou a man kilatan hiatatung na man baru batemi pile kap here nami lia a kopkop?

U Bulungana u Niga tere Iesu Kristo te kolotein e Luk 22:54

Ba nori e pile kap naier e Iesu me lu mena rien i luma tara tsunono pan turu pris. E Pita e kukutema, kaba e lehana ba raien.

U Bulungana u Niga tere Iesu Kristo te kolotein e Jon 12:27

Be Iesu e pei lelena, “A torir e tiama koru talana. Kaba alia go pei aha, ‘O Tamar, alö go luban a pöata a omi te butu nama i tar?’ E möa. Taraha, nonei a ka tu la silema lia.

U Bulungana u Niga tere Iesu Kristo te kolotein e Jon 13:30

E Judas e lu hakapa lasi a tsi makumun beret teka ba nonei te lakasana. A ka e bong hakapa.

U Bulungana u Niga tere Iesu Kristo te kolotein e Jon 14:30

Alia ema antunan raranga pala lel gia i tamilimiou, taraha a kapan tara han i puta teka e la nama. A nitagala i tanen ema antuna neia i tar.

U Bulungana u Niga tere Iesu Kristo te kolotein e Jon 7:30

Ba nori e pats pile kap naren, kaba nori ima pile naien, taraha a pöata i tanen e ka noana.

U Bulungana u Niga tere Iesu Kristo te kolotein e Jon 7:45

Ba u polis tara Luman Lotu Pan e la pouts uar turu pris pan na u Parasi, ba nori e rangata raier u polis me poeier, “Aha tema lu memu mei limiou e Iesu?”

Aposol 26:18

Alia e hala sile goui lö tegona hatuts meraien lö u raranga i tar na tegi habirits ba menaien a man markato a man omi te here nei u kuhil. Alia e hala mena goui lö i taren tegi habirits uaien tara markato a niga te here nei u ualesala, ba lö tena habirits ba ramien a nitagala tere Satan ba nori te habirits uaier tere Sunahan. Ba lia te luba negou a man markato a man omi turu katuun te hamana ria i tar, ba nori te lue riou a makum i taren i gusuna u katuun te hopö kap berai e Sunahan a peisanen.’”

Epesis 6:12

Taraha, ara ema hiatatung merei u katuun tuun. E möa. Ara e hiatatung mera u liliahanei u omi na i kolö na a pal kapan i taren. Ara e hiatatung mera a nitsunono i taren na u liliahanei u omi te tara kap ner a han i puta te ka noana turu kuhil.

Kolosi 1:13

Taraha, nonei e luba raiara tara nitagala turu kuhil me haka renara tara nipepeito tara Pien Tson i tanen te ngil korue nen.