U Bulungana u Niga tere Iesu Kristo te kolotein e Luk 21:36 - U Bulunagana U Niga

³⁶ Tara kap hanigaiam bate singo nitöa uamiou tere Sunahan, ba limiou te ka memou a nitagala tego hakarasa ba menami limiou a man nomi teka te butu nouen, ba limiou te tatei tuol has mia romana i matar, alia tu butun Katunuma.”

U Bulungana u Niga tere Iesu Kristo te kolotein e Luk 21:36 Iomraidhean Croise

Matiu 24:42

“Taraha, alimiou ema atei silemi u sahu lan te la nama romana a Tsunono i tamilimiou.

Matiu 24:43

Kaba limiou go atei iam: sanena a katuun terena luma ega atei sil i hangisa tega lama a kopkop tara bong, ba nonei te kalkalatana bate hatu kap nena a kopkop tega tasu uaien i luma.

Matiu 24:44

Te markato uanen teka alimiou go hanei hasiam. Taraha, Alia tu butun Katunuma e la pouts guma romana tara pöata, alimiou ema atei silemien romana.”

Matiu 25:13

Be Iesu e poeiena, “Alimiou go haneiam, taraha alimiou ema atei silemi u lan tsi a aua te butu nama romana a Tsunono i tamilimiou.”

Matiu 26:41

Alimiou go tara kap iam bate singo uamiou tere Sunahan. U hiamus u omi e namots buturia i tamilimiou. A man namnamei i tamilimiou e ngilin kato nena a ka teka, kaba a tuenrei milimiou ema tagala nei.”

Matiu 8:20

Be Iesu poeiena i tanen, “U muki u hie e kamer a man kiou i taren, na u apenar iasa e kamer a man suhana i taren. Kaba lia tu butun Katunuma, ema kamegi ta makumun soho i tar.”

U Bulungana u Niga tere Iesu Kristo te kolotein e Mak 13:33

Haneiam, tara kap hanigaiam. Taraha, alimiou ema atei silemi i hangisa te butu nama romana a pöata teka.

U Bulungana u Niga tere Iesu Kristo te kolotein e Mak 13:37

A ka te ranga mera gilia alimiou e la has uana turu katuun hoboto: tara kap hanigaiam.”

U Bulungana u Niga tere Iesu Kristo te kolotein e Luk 1:19

Ba angelo e ranga palise nen me poeiena, “Alia e Gabriel te roron tuol gia i matana e Sunahan. Nonei e tahul mena mei lia tegomi ranga uu lia i tamölö bate hatei gilö u bulungana u niga teka.

U Bulungana u Niga tere Iesu Kristo te kolotein e Luk 18:1

Be Iesu e hatei ranei u katunun tsitsilo u haharuei teka, u hihatutsuna tegi singo nitöa uaien tere Sunahan batema sökanari.

U Bulungana u Niga tere Iesu Kristo te kolotein e Luk 20:35

Kaba pal tson na touhaliou te haniga rena e Sunahan te tatei takei poutsur romana tara pöata i murimuri, nori ema hitölri romana.

U Bulungana u Niga tere Iesu Kristo te kolotein e Luk 21:35

Taraha? U Lan Pan teka e la here namei romana a tanga bate butuna tara man han na turu katuun hoboto te ka ria i puta.

Aposol 10:2

Nonei e hamanaia tere Sunahan, na nonei na u katuun hoboto i luma tanen i hatsunoni e Sunahan. Nonei e roron hala ni a moni tina taguhu merai u Jiu ti möa ta moni, na nonei e roron singo has uu tere Sunahan.

1 Korin 16:13

Kahete kap nitöaiam, bate tuol hakarapoto mia tara nihamana i tamilimiou. Möa tu matout iam, hatagala kakap nitöaiam.

2 Korin 4:14

Taraha, alam e atei silem e Sunahan e hatakei poutsi a Tsunono e Iesu, na lam e atei sil hasem nonei e hatakei pouts has gono meranei lam romana e Iesu. Na nonei e lu gögono ranou lam na limiou bara tena ka gono meren.

Kolosi 4:2

Alimiou go pile hakarapoto naiam a markato turu singo i tamilimiou bu hakhakats i tamilimiou tema tatei tianei, ba limiou te haniga uamiou tere Sunahan.

1 Tesalonaika 5:17

Singo hatagala nitöa uaiam tere Sunahan.

2 Timoti 4:5

Kaba lö go tara kap hanigein a peisa mölö tara saha ka te hakamitse noulö. Alö go ranga hatei lan u Bulungana u Niga bate kuieiem a mamana toukui hoboto te katunun kui ua mölö tere Sunahan.

1 Pita 4:7

A nikapakapa tara mamanaka e susuku hakapa. Nonei tego hakats halesala haniga beiam limiou bate hakats haniga mia i peisamiou ba limiou te tatei singo uamiou tere Sunahan.

1 Pita 5:8

Alimiou go hakats haniga mia i peisamilimiou, na ego haneiam! Taraha, u pakö i tamilimiou e Satan e roron hula lana bate sakeiena ta katuun tega kato homien. E here nei a laion te hula ngala lamena te sake menaneien ta ka ta töatöa tega noueien.

1 Jon 2:28

A matsi galapien, ka gono nitöa meiam e Kristo. Taraha, a pöata tena la namen romana, aragi tuol hakarapoto bara tema tatei matsingolo roi tena tuol roua ra i matanen.

U pas te kolotein e Jut 1:24

Alimiou go soloseiam e Sunahan, taraha nonei a Tsunono Pan te antunan luba ranei limiou a man markato a man omi bate haka ranoua limiou i rehinen. Ba limiou te möa lel mou ta ka ta omi i tamilimiou, bate töan sasaala nitöa mou.

Revelesin 11:4

A huol a katuun teka nori u huol u ruein olip na u huol u lam te tuol ria i matana Tsunono te tsunono nena a han i puta.

Revelesin 6:17

U Lan Pan tara raharaha i taren e butu hakapa, na e möa ta katuun tega antunan tuol kap naien.”

Revelesin 7:9

I murina a ka teka alia u tari a katuun a parpara koru, e möa ta katuun tega antunan ase sabe raien. Nori i lama tara mamana han hoboto tara man hun katuun, na turu mamana u mar ranga. Nori e tuol ria i matana u gumgum u göagono tere Sunahan na i matana a Tunan Sipsip. Nori i kamei a man hasobö a man hiaka bate pile ner a man kalan kikia i limaren.

Revelesin 8:2

Ba lia e taregu a tohit a angelo te roron tuol ria i matana e Sunahan. Nori i hala rai a tohit a tuhil.