U Bulungana u Niga tere Iesu Kristo te kolotein e Luk 20:14 - U Bulunagana U Niga

¹⁴ Ba nonei ena tukuna tara kuin grep. Nori a pal tson u omi i tareien me hiararangar, ‘A pien tara katuun terena kui teka te lue nou romana a kuin grep. Aragi atung hamatieien, ba kuin grep i tanen te ka uanou i tarara!’

U Bulungana u Niga tere Iesu Kristo te kolotein e Luk 20:14 Iomraidhean Croise

Matiu 16:7

Ba nori e tanian hiararanga pouts ria i taren me poeier, “Nonei e mar ranga uana teka, taraha ara ema lue rimei ta beret.”

Matiu 21:25

Ime te lueia e Jon a nitsunono tega baptais meraien u katuun? Tere Sunahan tsi tara katuun tuun?” Ba nori e hiarangrangata poutsur me poeier, “Te pei roara, ‘E Jon e kamei a nitsunono tere Sunahan,’ be Iesu te pei nou i tarara, ‘Ga taraha tsiponi ba limiou tema hamanemi e Jon?’

Matiu 21:34

“Ba tara pöata te susukun tangohoia a kui, ba nonei e hala mera nei u katunun kui i tanen turu katuun ti kui ia tara kuin grep tegina lu menaien ta pala i tanen.

U Bulungana u Niga tere Iesu Kristo te kolotein e Luk 19:47

E Iesu e hihatuts ia tara Luman Lotu Pan turu mamanu lan. Ba u pris pan na u tson hihatuts tara Lo na pal kapan turu Jiu e ngilin atung hamate naren.

U Bulungana u Niga tere Iesu Kristo te kolotein e Luk 20:13

“Ba katuun terena kuin grep e poeiena, ‘Aha tego kati lia? Alia e hala nagou a pien tson a tsomi i tar. Nori e tatei tara mareie rouen.’

U Bulungana u Niga tere Iesu Kristo te kolotein e Luk 20:15

Ba nori e lapo ba naren tara kui me atung hamatie ren.” Be Iesu e rangatana, “Ga katuun terena kui e katoe nou aha turu katuun u omi teka?

U Bulungana u Niga tere Iesu Kristo te kolotein e Luk 20:19

U tson hihatuts tara Lo na u pris pan i ngilin pile kap hamanasein e Iesu. Taraha? Nori i atei sil e Iesu e saka raien u haharuei teka, kaba nori i matoutir u katuun.

U Bulungana u Niga tere Iesu Kristo te kolotein e Luk 20:5

Ba nori e hiararanga pouts ria i taren pouts me poeier, “Te pei rouara, ‘E Jon e ka mei a nitsunono tere Sunahan,’ be Iesu te pei nou i tarara, ‘Ga ha tsiponi tu ma hamana memi limiou e Jon?’

U Bulungana u Niga tere Iesu Kristo te kolotein e Luk 22:2

Ba u pris pan nu tson hihatuts tara Lo e torohanan sake ner ta maroro tegi kato hamate momous menaien e Iesu. Taraha? Nori i matoutir u katuun.

Aposol 2:23

A katuun teka i hala rai limiou, e kukute noahasena a man hakats tere Sunahan te kato mam noahaseien i manasa, ba limiou e kato hamatie men, taraha alimiou u tagala sileiam u katuun u omi gi nila naien tara kuruse.

Aposol 3:15

Alimiou u atung hamateiam a Mouna a Nitöatöa. Kaba e Sunahan e hatakei poutseien tara tou mate i tanen, na lam u tari a ka teka bate hahatei namen.

U pas te koloto menai e Pol turu kristenira i Rom 8:17

Na te pien uarara i tanen, ba ra te lue rou a manka man niga i tanen, te markato uana a pien te luena a manka tere tamanen. Na e Sunahan e hala ranoira a manka te hala haseien e Kristo. Kaba tena lu gono merouen ra a manka man niga i tanen, aragi lu hasi a mar nikamits te lueien.

Hibru 1:2

Kaba tara sukusukuna kapakapana pöata nonei e ranga silama i tarara tara Pien Tson i tanen. E Sunahan e habutu sila naia a mamanaka tara Pien Tson i tanen, na nonei e hopö kap sileien tego lu menaien a mamanaka hoboto.