U Bulungana u Niga tere Iesu Kristo te kolotein e Luk 2:11 - U Bulunagana U Niga

¹¹ A Tson Hitaguhu i tamilimiou e pose lila i bong teka tara taun tere Devit. Nonei a katuun tega la uama i puta te ngöe roui e Kristo. Nonei a Tsunono!

U Bulungana u Niga tere Iesu Kristo te kolotein e Luk 2:11 Iomraidhean Croise

Matiu 1:16

Be Jekop e hatuhanena e Josep a tson tere Maria. E Maria te posei e Iesu, te ngö haseri e Kristo e Mesaia.

Matiu 1:21

Nonei e pose nou a pien tson, balö te ngöe moien e Iesu, e mar mouna uana teka, A Katuun a Hihitaguhu. Nonei e taguhu ranou u katuun i tanen bate luba nanou a man markato a man omi i taren.”

Matiu 16:16

Be Saimon Pita e ranga palisenen me poeiena, “Alö e Mesaia te hopö kapiin e Sunahan. Alö a Pien Tson tere Sunahan te töatöa nitöana.”

Matiu 16:20

Be Iesu e ranga hatagala merena u katunun tsitsilo i tanen egima tatei hate ii ta katuun nonei e Mesaia.

U Bulungana u Niga tere Iesu Kristo te kolotein e Luk 1:43

Alia a tahol papala, na lö e tsinana a Tsunono i tar. Aha te la sile mumalö i tar?

U Bulungana u Niga tere Iesu Kristo te kolotein e Luk 1:69

Nonei e habuti a tsonun mammam a tagala koru tego taguhu raioura, a hatutubunei tere Devit, a katunun kui tara Tsunono.

U Bulungana u Niga tere Iesu Kristo te kolotein e Luk 2:26

U Namnamei u Göagono e ranga hakapa meien nonei e tara noua tara Tsunono e Mesaia i mamina tego mate uaien.

U Bulungana u Niga tere Iesu Kristo te kolotein e Luk 2:4

E Josep e laba has nela i Nasaret, a taun i Galili, ba nonei e kete ualala tara taun tere Devit a solonen i Betlehem tara provins i Judia. Taraha? E Josep a hatutubunei tere Devit.

U Bulungana u Niga tere Iesu Kristo te kolotein e Jon 1:41

Be Endru e la hamatsköna tere toulanen e Saimon me poeiena i tanen, “Alam e sabie muma e Mesaia.” (E Mesaia e ngö haseri e Kristo.)

U Bulungana u Niga tere Iesu Kristo te kolotein e Jon 1:45

Be Pilip e na sabe leleiena e Nataniel me hateie nen, “Alam e sabie muma e Mesaia, a katuun te koloto bin e Mosis nu propet i manasa! Nonei e Iesu a toun Nasaret, a pien tere Josep.”

U Bulungana u Niga tere Iesu Kristo te kolotein e Jon 11:27

Be Marta e poeiena i tanen, “Aa, o Tsunono. Alia e hamanegou lö e Mesaia, a Pien tere Sunahan, a katuun tega lauama i puta.”

U Bulungana u Niga tere Iesu Kristo te kolotein e Jon 20:31

A man raranga teka i koloto sile ii tego hamana mena milimiou e Iesu nonei e Mesaia, a Pien Tson tere Sunahan. Na te hamana mia limiou i tanen ba limiou te lu sila has namoua a nitöatöa tara solo nen.

U Bulungana u Niga tere Iesu Kristo te kolotein e Jon 4:25

Ba tahol e poeiena i tanen, “Alia e atei silegu e Mesaia e la nama romana, a katuun te ngöeri e Kristo. Pöata te butu nen romana ba nonei te hatei ranoira a mamanaka hoboto.”

U Bulungana u Niga tere Iesu Kristo te kolotein e Jon 4:42

Ba nori e hateier nonei a tahol me poeier, “Alam u tanian hamana uu tere Iesu tu hengo menai lam u ranga i tamölö. Kaba, alam e hamana koru lel talam, taraha alam e hengo peisa tala mula, na lam e atei sil hamana koru talem, nonei koru a katuun teka ti hala sile mei tegomi luba menaien a man markato a man omi turu katunura i puta.”

U Bulungana u Niga tere Iesu Kristo te kolotein e Jon 6:69

Na lam e hamanam na e atei sil hasem alö a Pien a Göagono te tula nema e Sunahan.”

U Bulungana u Niga tere Iesu Kristo te kolotein e Jon 7:41

Ba palai e poeier, “Nonei e Mesaia.” Kaba palai i poe, “E Mesaia egoma la meia i Galili. E möa.

Aposol 10:36

Alimiou e atei silemiou u ranga te hala namen i tamulam u katunura i Israel. U raranga teka e habulungana nena a masalohana temi halan e Iesu, bate hakapa hasena u pakö turu katuun i tanen. Nonei a tsunono turu katuun hoboto.

Aposol 13:23

I murimuri e Sunahan ena habute nou e Iesu tara pala tere Devit, a katuun tena lu pouts ranoura temar ranga hamana uu e Sunahan i manasa.

Aposol 17:3

Ba nonei e ranga hatarare nena u hihatuts turu Buku u Göagono be haröto nena e Kristo e lu hakapi a kamits na e takei pouts has ia tara tou mate i tanen. Ba nonei e poeiena, “E Iesu a katuun te ranga negu lia nonei a Mesaia, a katuun te hopö kapiin e Sunahan.”

Aposol 2:36

“Bora, hatei raiam a tei Israel: E Sunahan e katoeien a Tsunono na Mesaia, nonei e Iesu a katuun ti hahalosi ra ti nila namia limiou tara kuruse.”

Aposol 5:31

Be Sunahan e lu sei mena neien iasa tara pal matou i tanen, nonei a Tson Mammam na Tson Hihitaguhu. Nonei i lu sei sileien tegi palis menai u katunura i Israel u hakats na markato a omi i taren, ne lu sei sil haseien tego luba menaien a markato a omi i taren bate tara pouts uana i taren.

1 Korin 15:47

A Adam tutuun i katoe ii u tsiktsikina i puta. Kaba a hahuoluna Adam, e Kristo, nonei a Tsunonona i Kolö.

Pilipai 2:11

Ba u katuun hoboto te ranga riou bate poeier e Iesu Kristo te Tsunonona, ba tara markato teka ba nori te solosei riou e Sunahan e Tamarara.

Pilipai 3:8

A manka hoboto te butuia i tar e here tala nei a manka pinopino te hakats menagi lia e Iesu Kristo a Tsunono i tar. Alia e atei sil talegu e Iesu, na nonei te niga bala nena a mamanaka hoboto. Alia e ngil korue gen bate ngöe gi a mamanaka ti ngil korui lia i manasa a bita pinopino. Ba lia te pile kap hakarapoto nagou e Kristo.

Kolosi 2:6

Bara, ti lu hakapa tala mena milimiou e Iesu Kristo a Tsunono i tamilimiou, tataala nitöa talamia turu ualesala i tanen.

1 Jon 4:14

Na ra i tara hakapa, e Tamarara e hala sile mei a Pien Tson i tanen tegomi haka haniga meraien u katunura i puta. Alam e hatei hamana koru namen.

1 Jon 5:1

U katuun hoboto te hamaner e Iesu nonei a Mesaia te hopö kapiin e Sunahan, nori a galapien tere Sunahan. Na katuun te ngileiena e Tamarara e Sunahan, nonei e ngil haseiena a pien tere Sunahan.